చంద్రబాబు మాటలను సమర్థించిన మంత్రి అంబటి- ఆసక్తిగా మారిన కామెంట్స్!

ఆంధ్రప్రదేశ్ నీటి పారుదల శాఖ మంత్రి అంబటి రాంబాబు నిత్యం వార్తలో ఉంటారు. ఆయన చేసే కామెంట్స్, హావ భావాలు, ప్రతిపక్షాలపై ఎదరు దాడి చేసేందుకు ఉపయోగించే పదజాలంతో అట్రాక్ట్ చేస్తుంటారు.

చంద్రబాబు మాటలను సమర్థించిన మంత్రి అంబటి- ఆసక్తిగా మారిన కామెంట్స్!

అదేంటయ్యా అట్టా అనేశావ్‌... ఈ మాటే ఇప్పడు అధికార పార్టీ నేతల్లో హల్ చల్ చేస్తోంది. రాజకీయాల్లో వాస్తవాలు ఒప్పుకోవటం అంటే ఇలా కూడ మాట్లాడాలా అంటూ ఎదురు సెటైర్లు వేస్తున్నారు..

ఆసక్తిగా మారిన అంబటి కామెంట్స్...
ఆంధ్రప్రదేశ్ నీటి పారుదల శాఖ మంత్రి అంబటి రాంబాబు నిత్యం వార్తలో ఉంటారు. ఆయన చేసే కామెంట్స్, హావ భావాలు, ప్రతిపక్షాలపై ఎదరు దాడి చేసేందుకు ఉపయోగించే పదజాలంతో అట్రాక్ట్ చేస్తుంటారు. ఇప్పుడు మరోసారి ఆయన హాట్ టాపిక్‌గా మారారు. ఇటీవల ఇరిగేషన్ ప్రాజెక్ట్‌ల విషయంలో తెలుగు దేశం పార్టీ జాతీయ అధ్యక్షుడు నారా చంద్రబాబు నాయుడు పలు ఆరోపణలు చేశారు. వైఎస్ఆర్ కాంగ్రెస్ పార్టీ అధికారంలోకి వచ్చాక, రాష్ట్రంలోని ప్రాజెక్ట్‌ల నిర్వాహణను గాలికి వదిలేసిందని, కనీసం నిధులు కూడా కేటాయించలేదని ఆరోపించారు. తెలుగు దేశం పార్టీ హాయాంలో జరిగిన నిధుల కేటాయింపు, ఇప్పుడు వైఎస్ఆర్ కాంగ్రెస్ ప్రభుత్వ హయాంలో నాలుగేళ్ళ కాలంలో జరిగిన కేటాయింపులను లెక్కలతో  చంద్రబాబు వివరించారు. 

చంద్రబాబు లెక్కలపై మంత్రి అంబటి రాంబాబు కౌంటర్ ఇస్తూ ఆ లెక్కలు కరెక్టే అని వ్యాఖ్యానించారు. ప్రాజెక్టులకు నిదులు కేటాయించలేదని, ఇకపై రాబోయే రోజుల్లో ప్రాజెక్ట్‌లకు అవసరమైన నిధులను కేటాయించి వాటి సంరక్షణ బాధ్యలు చూసుకుంటామని అన్నారు.

పార్టీలో చర్చ...
ప్రతిపక్షాలపై మాటలతో ఎదురు దాడి చేసే మంత్రి అంబటి రాంబాబు, తన శాఖ విషయానికి వచ్చేసరికి, అవును నిజమే ఇకపై చూసుకుంటాం అంటూ మాట్లాడటం పార్టీ వర్గాల్లో చర్చనీయాంశంగా మారింది. అదేంటి అంబటి అలా అనేశారు.. అని కొందరు అంటుంటే, అలా ఎలా మాట్లాడారు మంత్రిగారు అంటూ మరి కొందరు ఆయన ముందే నవ్వుతూ వ్యాఖ్యానించారు. దీని పై ఆయన కూడ నవ్వేసి ఊరుకుంటున్నారు. 

లెక్కలతోనే చెబుతా....
అయితే ఈ వ్యవహరంపై మంత్రి కూడా చాలా క్లారిటిగా ఉన్నారని అంటున్నారు. తాను ఇరిగేషన్ బాధ్యతలను చేపట్టి కేవలం సంవత్సర కాలం మాత్రమే పూర్తయ్యింది. ఈ ఎడాది కాలంలో తాను మంత్రిగా చేసిన కార్యక్రమాల వివరాల పై కూడా లెక్కలు తీసుకొని అప్పుడు మాట్లాడితే బాగుంటుందని తన సన్నిహితుల వద్ద అంటున్నారని చెబుతున్నారు. చంద్రబాబు వైఎస్ఆర్ కాంగ్రెస్ ప్రభుత్వ హయాంలో నాలుగు సంవత్సరాల కాలంలో జరిగిన వివరాలను ప్రస్తావించినప్పుడు తాను అధికారుల వద్ద సదరు వివరాలను తీసుకోవాల్సి ఉంది కదా అని కూడా మంత్రి చెబుతున్నారని అంటున్నారు. 

రాజకీయాల్లో ఎగిరే వ్యక్తి సొంత శాఖపై ఇలా...
సాధారణ రాజకీయాల విషయాల్లో మంత్రి అంబటి రాంబాబు ప్రతిపక్షాలపై ఎదరు దాడి చేస్తుంటారు. ప్రతిపక్ష నాయకులు ఏదైనా విమర్శ చేస్తే, వాటిని గంటల వ్యవధిలోనే కౌంటర్ ఇచ్చే విషయంలో అంబటి రాంబాబు ముందుండే వ్యక్తి. వాస్తవానికి అదే దూకుడుతో ఆయన రెండోవిడత మంత్రి వర్గంలో జగన్ కేబినెట్‌లో మంత్రిగా కూడా అర్హత లభించిందని చెబుతారు. మరి అలాంటి వ్యక్తి తనకు కేటాయించిన శాఖపై ప్రతిపక్షాలు లెక్కలతో సహా విమర్శలు చేస్తే, అవును అంతే గా నేనొచ్చి ఎడాది కాలమే అయ్యిందంటూ సైడయిపోవటంపై కూడా విమర్శలకు తావిస్తోంది.