Vaibhav about Fight With Sri Lanka Players | లంక ప్లేయర్‌తో గొడవపై వైభవ్ కామెంట్స్

వైభవ్ సూర్యవంశీ, శ్రీలంక ప్లేయర్స్ మధ్య జరిగిన గొడవ సంగతి తెలిసిందే. సూపర్ ఓవర్ ఓటమి తర్వాత, వైభవ్ సూర్యవంశీని లంక ప్లేయర్స్‌ కామెంట్ చేసారు. వాళ్లతో వైభవ్ గొడవకు దిగడం ఇప్పుడు సోషల్ మీడియాలో హాట్ టాపిక్‌గా మారింది.

ఈ వివాదంపై వైభవ్ సూర్యవంశీ స్పందిస్తూ.. "మ్యాచ్ జరుగుతున్నంత సేపు లంక ప్లేయర్స్ నన్ను టార్గెట్ చేస్తూ కామెంట్స్ చేసారు. నేను మ్యాచ్‌పైనే దృష్టి పెట్టాను, కానీ ఓపికకు కూడా ఒక హద్దు ఉంటుంది. వారు గీత దాటినప్పుడే నేను సమాధానం ఇచ్చాను" అని క్లారిటీ ఇచ్చాడు.

సూపర్ ఓవర్ మ్యాచ్ ముగిసిన తర్వాత వైభవ్ సూర్యవంశీ, సూర్యాంశ్ హెడ్గే నిరాశగా వెనుతిరుగుతుండగా.. ఒక శ్రీలంక ప్లేయర్ వీరిని ఉద్దేశించి వ్యక్తిగత దూషణలు, కామెంట్స్ చేశాడు. దాంతో ఆగ్రహానికి గురైన 15 ఏళ్ల వైభవ్‌ ఒక్కసారిగా వెనక్కి తిరిగి లంక ప్లేయర్ వైపు దూసుకెళ్లాడు. అడ్డువచ్చిన ఫీల్డర్ విషేన్ హలంబగేను గట్టిగా నెట్టేశాడు. పరిస్థితి చేయి దాటుతోందని గమనించిన లంక సీనియర్ ప్లేయర్ నిరోషన్ డిక్వెల్లా వెంటనే రంగంలోకి దిగి గొడవను సర్దుమణిగేలా చేశాడు.