Shah Rukh Khan KKR IPL 2024 Win | పదేళ్ల తర్వాత కేకేఆర్ తో కప్ కొట్టిన షారూఖ్ ఖాన్ | ABP Desam

ఇట్స్ గాడ్స్ ప్లాన్. ఏప్రిల్ 16 2024న షారూఖ్ ఖాన్ కేకేఆర్ టీమ్ తో అన్నమాట. మ్యాచ్ గెలిచిన వెంటనే రింకూను చెప్పిన మాటను అప్పుడు కోట్ చేసిన షారూఖ్ గౌతం గంభీర్ తిరిగి కోల్ కతాకు రావటం తమ ఫేట్ ను డిసైడ్ చేస్తుందని చాలా ముందుగానే ఊహించాడు. ఇదొక్కటే కాదు ఓనర్ అంటే షారూఖ్ అనిపించేలా అతను విషయాలను డీల్ చేసే విధానం కూడా చూడముచ్చటగా ఉంది. కుట్టీస్టోరీస్ ఇంటర్వ్యూలో అశ్విన్ అడిగిన ప్రశ్నకు గంభీర్ సమాధానం చెబుతాడు. తను కేకేఆర్ కి ఆడిన ఏడేళ్లలో మ్యాచ్ గురించి షారూఖ్ ఖాన్ తో మాట్లాడిన సందర్భాలు కేవలం రెండేనట. అది కూడా రెండుసార్లు కప్ గెలిచినప్పుడు థాంక్యూ చెప్పాడట. అంతే ఇన్వాల్వ్మెంట్ ఉంటుంది షారూఖ్ ఖాన్ కి తన సొంత టీమ్ తో. క్రికెటింగ్ వ్యవహారాలు తనకు తెలియవు కాబట్టి అస్సలు పట్టించుకోడు. ఓనర్ ని కాబట్టి నువ్వు ఆడావు నువ్వు ఆడట్లేదు అని ఎవరినీ బ్లేమ్ కూడా చేయడు. గ్రౌండ్ కి వస్తాడు. టెన్షన్ గా మ్యాచ్ చూస్తాడు. మ్యాచ్ గెలిస్తే సెలబ్రేట్ చేసుకుంటాడు ఓడిపోతే ఆటగాళ్లకు ఓ హగ్ ఇచ్చి ఏం పర్లేదని కొంచెం మోటివేట్ చేసి వెళ్లిపోతాడు. ఈ ఐపీఎల్లోనే చూశాం. సన్ రైజర్స్ మీద పదివికెట్ల తేడాతో ఓడిపోయారని లక్నో కెప్టెన్ కేఎల్ రాహుల్ ఓనర్ సంజీవ్ గోయెంకా ఎలా అందరి ముందు తిట్టాడో. అలాంటి పూర్తి కాంట్రాస్ట్ గా ఉంటాడట షారూఖ్ ఖాన్. అసలు గంభీర్ ని కేకేఆర్ కి మెంటార్ గా రప్పించటానికి ఓ బ్లాంక్ చెక్ ఇచ్చాడని కూడా చెబుతారు.  నిన్న కేకేఆర్ మ్యాచ్ గెలవగానే గంభీర్ కి నుదుటి మీద ముద్దు పెట్టాడు. రింకూని హగ్ చేసి గాడ్స్ ప్లాన్ బ్రో అన్నాడు. తన భార్య గౌరీ ఖాన్ కి హగ్ ఇచ్చి ఎమోషనల్ అయ్యాడు. పదేళ్లుగా విజయం లేకపోతే ఎలా ఉంటుందో షారూఖ్ కి తెలుసు. ఆట మీద అతనికున్న ప్రేమనే ఇన్నాళ్లుగా టీమ్ కి సపోర్ట్ ఇస్తూ నిలబడేలా చేసింది. దాని ఫలితమే ఈసారి కేకేఆర్ మంచి టీమ్ గా సెట్ అయ్యి అదిరిపోయే విజయాన్ని అందుకోవటంతో పాటు చెన్నై, ముంబై తర్వాత అత్యధిక టైటిళ్లతో తమ బ్రాండ్ వాల్యూను కూడా అమాంతం పెంచుకుని షారూఖ్ ఓర్పుకు ఆట మీద ప్రేమకు గిఫ్ట్ ఇచ్చింది.