Minister Harishrao : ఆసుపత్రి ప్రారంభోత్సవంలో ఆసక్తికర ఘటన

హైదరాబాద్ చైతన్యపురిలో ఓ ప్రైవేట్ ఆసుపత్రి ప్రారంభానికి మంత్రి హరీష్ రావు వెళ్లినప్పుడు ఓ ఆసక్తికర ఘటన చోటు చేసుకుంది. ప్రారంభోత్సవంలో హరీష్ ఉండగా, కొందరు మహిళలు మాస్కులు లేకుండా కనిపించారు. హరీష్ వారిని మాస్క్ పెట్టుకోవాలనగా, ఇప్పుడే తీశామని వారు బదులిచ్చారు. అసలు ఎప్పుడూ తీయొద్దని హరీష్ రావు వారికి సూచించారు. ఓ మహిళ వద్ద మాస్క్ లేకపోతే ఆమెకు ఒక మాస్క్ అందించారు. టీకా అందరూ తీసుకున్నారా లేదా అని అక్కడివారిని ప్రశ్నించారు. ప్రభుత్వం రేపటి నుంచి అరవై ఏళ్లు దాటినవారికి మూడో డోస్ ఇస్తుందన్నారు.