టీటీడీ ఛైర్మన్‌‌గా బీఆర్ నాయుడు, అధికారిక ప్రకటన

తిరుమల తిరుపతి దేవస్థానం పాలక మండలి కొత్త ఛైర్మన్‌గా బీఆర్‌ నాయుడును ఏపీ ప్రభుత్వం నియమించింది. ఈయన ఓ మీడియా ఛానెల్ యజమానిగా ఉన్నారు. ఇంకా 24 మంది సభ్యులతో టీటీడీ పాలకమండలి సభ్యుల జాబితాను కూడా ప్రభుత్వం విడుదల చేసింది. వీరిలో తెలంగాణకు చెందిన నన్నూరి నర్సిరెడ్డి, భారత్ బయోటెక్ ఎండీ సుచిత్ర ఎల్లతో పాటు మరో ఇద్దరికి స్థానం దక్కింది. గత వైఎస్ఆర్ సీపీ ప్రభుత్వం ఓడిపోవడంతో అప్పటి ప్రభుత్వ హయాంలో పని చేసిన టీటీడీ పాలక మండలి తమ పదవులకు రాజీనామా చేయాల్సి వచ్చింది. చివరి చైర్మన్‌గా వైసీపీ నేత భూమన కరుణాకర్‌రెడ్డి పనిచేశారు. ఎన్నికలు జరిగి 4 నెలలు అయిన తర్వాత ఇప్పుడు కొత్త పాలకమండలిని ఏపీ ప్రభుత్వం నియమించింది.

రెండో సారి టీటీడీ బోర్డు మెంబర్ గా వేమిరెడ్డి ప్రభాకర్ రెడ్డి భార్య  ఎమ్మెల్యే వేమిరెడ్డి ప్రశాంతి రెడ్డి. గతంలో వైసీపీ హయాంలోనూ టీటీడీ బోర్డు మెంబర్ గా వేమిరెడ్డి ప్రశాంతి రెడ్డి బాధ్యతలు చేపట్టారు. ప్రస్తుతం నెల్లూరు జిల్లా కోవూరు ఎమ్మెల్యేగా ప్రశాంతి రెడ్డి ఉన్నారు.