తిరుమలలో పవన్‌ చిన్న కూతురు పొలేనా అంజనా డిక్లరేషన్

స్వామి వారిని దర్శించుకోడానికి డిప్యుటీ సీఎం పవన్ కల్యాణ్ తిరుమల వెళ్లారు. అక్కడే ఆయన ప్రాయశ్చిత దీక్ష విరమిస్తారు. ఈ క్రమంలోనే ఓ ఆసక్తికర ఘటన జరిగింది. పవన్ చిన్న కూతురు పొలేనా అంజనా పవనోవా..తిరుమల శ్రీవారి దర్శనానికి డిక్లరేషన్ ఇచ్చారు. క్రిస్టియన్‌ కావడం వల్ల రూల్స్ ప్రకారం..ఈ ప్రొసీజర్ ఫాలో అయ్యారు. టీటీడీ ఉద్యోగులు ఇచ్చిన డిక్లరేషన్ డాక్యుమెంట్స్‌పై సంతకాలు చేశారు. పోలేనా మైనర్ కావడం వల్ల..తండ్రిగా పవన్ కల్యాణ్‌ కూడా ఆ పత్రాలపై సైన్ చేశారు. . అంజనా పవనోవా క్రిస్టియన్ పద్ధతుల్లో పెరుగుతుండటంతో తిరుమల శ్రీవారి దర్శనానికి డిక్లరేషన్ రాస్తున్న సందర్భంగా ఇద్దరూ కుమార్తెలతో పవన్ తొలిసారిగా కనిపించారు. పవన్ కు ఇద్దరు అబ్బాయిలు కూడా ఉన్నారు. రేణుదేశాయ్ కుమారుడు అకీరా నందన్ అందరికీ పరిచయమే. అన్నా లెజీనావో కుమారుడు మార్క్ శంకర్ పవనోవిచ్ చిన్నప్పుడు మీడియాకు కనిపించారు. తర్వాత ఎలా ఉంటాడో ఎవరికీ తెలియకుండా పెంచుతున్నారు. ఇప్పటివరకూ అంజనా పవనోవా కూడా మీడియాకు కనిపంచలేదు. ఇద్దరు కుమార్తెలతో కలిసి పవన్ దిగిన ఈ ఫోటోలు వైరల్ అవుతున్నాయి. ఇద్దరు కూతుళ్లు దాదాపు పవన్ కళ్యాణ్ అంత హైట్ ఉన్నారంటూ ఫ్యాన్స్ కామెంట్స్ చేస్తున్నారు.