Viral News: డ్రైవర్ లేకుండా వెళ్తున్న కారులో మంటలు, షాకింగ్ వీడియో వైరల్

Car Caught on Fire in Jaipur News | జైపూర్ లో వెళ్తున్న కారులో మంటలు చెలరేగడంతో డ్రైవర్ కారు నుంచి దిగేశాడు. ఆపై మంటల్లోనే ముందుకు వెళ్తూ కారు దగ్దమైంది. ఆ వీడియో వైరల్ అవుతోంది.

డ్రైవర్ లేకుండా వెళ్తున్న కారులో మంటలు, షాకింగ్ వీడియో వైరల్

Source : X

Car Fire Accident in Jaipur | జైపూర్: డ్రైవర్ లేకుండా వెళ్తున్న ఓ కారులో మంటలు చెలరేగాయి. మంటలు చెలరేగిన వాహనంలో ఎవరైనా ఉన్నారా అని చూసిన వారు షాకయ్యారు. ఆ కారులో మంటలతో ఫ్లై ఓవర్ మీదకు వెళ్లడాన్ని చూసిన కొందరు వీడియో తీసి సోషల్ మీడియాలో పోస్ట్ చేయగా వైరల్ అవుతోంది. రాజస్థాన్ రాజధాని జైపూర్‌లోని అజ్మీర్ రోడ్‌లోని ఎలివేటెడ్ రోడ్డులో ఈ ఘటన జరిగింది.

అసలేం జరిగింది..

అజ్మీర్ రోడ్‌లోని సోడాలా సబ్జీ మండి నుంచి సుదర్శన్‌పురా పులియా వైపు ఓ కారు వెళ్తోంది. ఒక్కసారిగా ఆ కారులో మంటలో వచ్చాయి. అప్రమత్తమైన డ్రైవర్ జితేంద్ర ప్రాణాలు కాపాడుకునేందుకు ఎస్‌యూవీ నుంచి కిందకి దూకేశాడు. అనంతరం డ్రైవర్ లేకుండా ఆ కారు ఫ్లైఓవర్ నుంచి మంటలతోనే దూసుకెళ్లింది. కారులో ఉన్న వారిని కాపాడేందుకు దాని దగ్గరకు వెళ్లిన తోటి వాహనదారులు, స్థానికులు అందులో డ్రైవర్ లేకపోవడంతో ఆశ్చర్చపోయారు. అలా కొంతదూరం వెళ్లిన కారు ఓ టూవీలర్ ను ఢీకొట్టి ఆగిపోయింది. అయితే అదృష్టవశాత్తూ ఆ సమయంలో ఆ మార్గంలో ఎక్కువగా వాహనాలు వెళ్లకపోవడంతో ప్రమాదం తప్పిందని స్థానికులు చెబుతున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prateek Singh (@safecars_india)

షార్ట్ సర్క్యూట్ కావడంతో కారులో పొగలు వచ్చినట్లు గుర్తించి కిందకి దూకినట్లు జితేంద్ర తెలిపాడు. కానీ నిమిషాల వ్యవధిలో మంటల్లో కారు కాలిపోయిందని, ఎందుకిలా జరిగిందో అర్థం కావడం లేదన్నాడు. కారు చివరగా పార్కింగ్ చేసిన ఓ వాహనాన్ని ఢీకొని, అనంతరం డివైడర్ ను ఢొకొట్టి ఆగిపోయినట్లు తెలిపాడు. కారులో ఉన్న వ్యక్తి ముందుగానే అందులోంచి దూకాడని తెలిసి స్థానికులు ఆశ్చర్యపోయారు. జితేంద్ర మానససరోవరం లోని జర్నలిస్ట్ కాలనీలోని దివ్య దర్శన్ అపార్ట్ మెంట్ లో నివాసం ఉంటున్నాడు.