Telangana Municipal Elections 2026: తెలంగాణ విద్యార్థులకు గుడ్ న్యూస్- వరుసగా మూడు రోజుల పాటు సెలవులు!

Telangana Municipal Elections 2026:తెలంగాణ మున్సిపల్ ఎన్నికల వేళ విద్యాసంస్థలకు వరుసగా మూడు రోజుల సెలవులు రానున్నాయి. ఫిబ్రవరి 11న పోలింగ్ నుంచి 13 ఫలితాల వరకు సెలవులు ప్రకటించారు.

తెలంగాణ విద్యార్థులకు గుడ్ న్యూస్- వరుసగా మూడు రోజుల పాటు సెలవులు!

Source : freepik

Show Quick Read

Key points generated by AI, verified by newsroom

• తెలంగాణలో 116 మున్సిపాలిటీలు, కార్పొరేషన్లకు ఎన్నికల ప్రక్రియ ముగిసింది.
• ఫిబ్రవరి 11న పోలింగ్, 13న ఓట్ల లెక్కింపు చేపట్టనున్నారు.
• పోలింగ్, కౌంటింగ్ కారణంగా పాఠశాలలకు సెలవులు ప్రకటించే అవకాశం.
• అవాంఛనీయ సంఘటనలు జరగకుండా పకడ్బందీ భద్రతా ఏర్పాట్లు చేశారు.

Telangana Municipal Elections 2026: తెలంగాణ రాష్ట్రంలో రాజకీయ వాతావరణం ఒక్కసారిగా వేడెక్కింది. రాష్ట్రవ్యాప్తంగా ఉన్న మున్సిపల్ కార్పొరేషన్లు, మున్సిపాలిటీలకు ఎన్నికల పోలింగ్‌కు అధికారులు సిద్ధమవుతున్నారు. గత కొన్ని రోజులుగా కొనసాగుతున్న ఉత్కంఠంకు తెర దించుతూ సాగిన ఎన్నికల ప్రక్రియ చివరి దశకు చేరుకుంది. ప్రధాన రాజకీయ పార్టీలైన కాంగ్రెస్, బీఆర్‌ఎస్, బీజేపీ పార్టీల మధ్య త్రిముఖ పోటీ నెలకొనడంతో ఆయా పార్టీ అభ్యర్థులు తమ ప్రచారాన్ని ముమ్మరం చేశారు. పార్టీల్లోని కీలక నేతలంతా ప్రజల వద్దకు వెళ్లి ఓట్లు అభ్యర్థిస్తున్నారు. 

ఎన్నికల షెడ్యూల్‌

తెలంగాణ రాష్ట్రంలో మొత్తం 116 మున్సిపాలిటీలతోపాటు వివిధ మున్సిపల్‌ కార్పొరేషన్‌లలో ఎన్నికలు నిర్వహించేందుకు అధికారులు అన్ని ఏర్పాట్లు పూర్తి చేశారు. ఫిబ్రవరి 3వ తేదీ నాటికి నామినేషన్ల ఉపసంహరణ ప్రక్రియ ముగిసింది. దీంతో బరిలో నిలిచే అభ్యర్థులపై స్పష్టత వచ్చింది.  క్రమంలోనే ఎన్నికల ప్రచారం ఊపందుకుంది. ప్రధాన పార్టీల అభ్యర్థుల ఓటర్లను ప్రసన్నం చేసుకునేందుకు క్షేత్రస్థాయిలో ముమ్మరంగా పర్యటిస్తున్నారు. 

మరోవైపు ఎన్నికల ప్రక్రియలో భాగంగా ఇప్పటికే కొన్ని చోట్ల ఏకగ్రీవాల హడావిడి నడుస్తోంది. తాజా సమాచారం ప్రకారం రాష్ట్రవ్యాప్తంగా సుమారు 15 వార్డుల్లో అభ్యర్థులు ఏకగ్రీవంగా ఎన్నికైనట్టు తెలుస్తోంది. ఇదిలా ఉంటే ఫిబ్రవరి 11న పోలింగ్ నిర్వహించనున్నారు. పోలింగ్ ముగిసిన తర్వాత అందరూ ఆసక్తిగా ఎదురు చూసే ఫలితాల ప్రక్రియను ఫిబ్రవరి 13 చేపడతారు. 

విద్యార్థులకు పండగ

సాధారణంగా ఫిబ్రవరి నెలలో స్కూళ్లకు సెలవులు ఉండవు. కానీ ఎన్నికల హడావిడి కారణంగా పాఠాల విద్యార్థులకు సెలవులు వస్తున్నాయి. మున్సిపల్ ఎన్నికల పోలింగ్, కౌంటింగ్ దృష్ట్యా రాష్ట్రంలోని పలు ప్రాంతాల్లో పాఠశాలలకు సెలవులు ప్రకటించారు. ఫిబ్రవరి 11న పోలింగ్ జరిగే ప్రాంతాల్లో విద్యాసంస్థలకు సెలవులు ప్రకటించారు. ఫిబ్రవరి 13న ఓట్ల లెక్కింపు జరగనుంది. కౌంటింగ్ కేంద్రాలుగా పాఠశాలను లేదా దానికి సమీపంలోని భవనాలు వినియోగించనున్నారు. అందుకే ఆ ప్రాంతాల్లో విద్యాసంస్థలకు సెలవులు ప్రకటించారు. తర్వాత వచ్చేది రెండో శనివారం కావడంతో ఆ రోజు ఎలాగూ సెలవు ఉంటుంది. ఆదివారం నార్మల్‌గానే సెలవు రోజు. అంటే దాదాపు వారంలో నాలుగు రోజుల పాటు సెలవులు రానున్నాయి.  ఇప్పటి వరకు అధికారులు ఈ సెలవులపై ఎలాంటి అధికారిక ప్రకటన చేయలేదు. ఒకట్రెండు రోజుల్లో దీనిపై ప్రకటన రానుంది. 

ఎన్నికల కోసం విస్తృత ఏర్పాట్లు 

ఎన్నికల నిర్వహణ కోసం అధికారులు పకడ్బందీగా చర్యలు తీసుకుంటున్నారు. పోలింగ్ కేంద్రాల వద్ద ఎటు వంటి అవాంఛనీయ ఘటనలు జరగకుండా ఉండేలా భద్రతా ఏర్పాట్లు చేస్తున్నారు. ఓటర్లకు ఎటు వంటి ఇబ్బంది లేకుండా సౌకర్యాలు కల్పిస్తున్నారు. పోలింగ్, కౌంటింగ్ పాదర్శకంగా నిర్వహించేందుకు ప్రత్యేక చర్యలు తీసుకున్నారు.  

మరిన్ని చదవండి

కాంగ్రెస్‌కు రెబల్ సెగ - మున్సిపల్ పోరులో అధికార పార్టీకి అంతర్గత పోరు ముప్పు!

ఉత్తర తెలంగాణలో కాంగ్రెస్ వర్సెస్ బీజేపీ - పుంజుకునేందుకు ప్రయత్నిస్తున్న గులాబీ దళం