Trs Vs Bjp: మంత్రి కేటీఆర్, కిషన్ రెడ్డి మధ్య ట్వీట్ల వార్, ఈక్వాలటీ ఫర్ తెలంగాణపై వాడీవేడీ ట్వీట్లు

మంత్రి కేటీఆర్, కేంద్ర మంత్రి కిషన్ రెడ్డికి మధ్య ట్వీట్ల వార్ జరిగింది. రాష్ట్రానికి అండగా మేము..దేశానికే దండగ మీరు అని మంత్రి కేటీఆర్ బీజేపీని విమర్శించారు.

మంత్రి కేటీఆర్, కేంద్ర మంత్రి కిషన్ రెడ్డి మధ్య ట్వీట్ల వార్

టీఆర్ఎస్, బీజేపీ మధ్య వరి రాజేసిన అగ్గి ఇంకా కొనసాగుతోంది. తాజాగా బడ్జెట్ పై రెండు పార్టీల మధ్య మాటల యుద్ధం మరింత తీవ్రమయింది. ఇప్పుడు సీఎం కేసీఆర్ నేరుగా రంగంలోకి దిగి బీజేపీపై విమర్శలు గుప్పిస్తున్నారు. జాతీయ స్థాయిలో చక్రం తిప్పేందుకు కేసీఆర్ ప్రయత్నిస్తున్నారని అందుకే బీజేపీని టార్గెట్ చేశారని కమలం పార్టీ నేతలు అంటున్నారు. తాజాగా మంత్రి కేటీఆర్ ట్విట్టర్ లో బీజేపీ నేతలకు విమర్శలు చేశారు. బడ్జెట్ కేటాయింపుల్లో తెలంగాణకు అన్యాయం జరిగిందని 'ఈక్వాలిటీ ఫర్ తెలంగాణ' అనే యాష్ ట్యాగ్ తో సోషల్ మీడియాలో మంత్రి కేటీఆర్ పోస్టులు పెట్టారు. ఈ పోస్టులు వైరల్ అయ్యాయి. దీంతో మంత్రి కేటీఆర్, బీజేపీ నేతల మధ్య ట్విట్టర్ వేదికగా మాటల యుద్ధం చోటుచేసుకుంది.  

మొన్న..
ITIR ఇవ్వకున్నా..
దిగ్గజ ఐటి కంపెనీలు తెచ్చుకున్నం

నిన్న..
జాతీయ హోదా ఇవ్వకున్నా..
కాళేశ్వరం ప్రాజెక్టు కట్టుకున్నం

నేడు..
కాజీపేట కోచ్ ఫ్యాక్టరీ ఇవ్వకున్నా..
ప్రైవేట్ కోచ్ ఫ్యాక్టరీ పెట్టుకున్నం

ఒక్క మాటలో
చెప్పాలంటే,

రాష్ట్రానికి అండగా మేము..
దేశానికే దండగ మీరు!!! https://t.co/6MweRhEpVH

— KTR (@KTRTRS) February 7, 2022

బీజేపీ నేతలపై మంత్రి కేటీఆర్‌ ట్విట్టర్ వేదిగా విమర్శలు చేశారు. కేంద్ర మంత్రి కిషన్‌రెడ్డి, మాజీ ఎమ్మెల్సీ ఎన్‌. రామచంద్రరావు ట్వీట్లకు మంత్రి కేటీఆర్ కౌంటర్‌ ఇచ్చారు. తెలంగాణకు బడ్జెట్ లో అన్యాయం జరిగిందని ప్రశ్నిస్తుంటే దానికి సమాధానం చెప్పలేక బీజేపీ నేతలు మతపర అంశాలు తెరపైకి తీసుకువస్తున్నారని కేటీఆర్ విమర్శించారు. రాష్ట్రానికి న్యాయంగా రావాల్సిన అంశాలు ఇవీ అని ట్వీట్ చేశారు.  తెలంగాణ ప్రాజెక్టులకు జాతీయ హోదా, అభివృద్ధి ప్రాజెక్టులకు నిధుల విషయంలో అన్యాయంపై కిషన్‌రెడ్డి వివరణ ఇవ్వాలని కేటీఆర్‌ డిమాండ్‌ చేశారు. మతసామరస్యం అంటే గాడ్సే భక్తులకు అర్థం కాదని కౌంటర్ ఇచ్చారు. ఐటీఐఆర్‌ ఇవ్వకున్నా దిగ్గజ ఐటీ కంపెనీలు తెచ్చామని, జాతీయ హోదా ఇవ్వకున్నా కాళేశ్వరం ప్రాజెక్టు కట్టుకున్నామని, కాజీపేట కోచ్ ఫ్యాక్టరీ ఇవ్వకున్నా ప్రైవేటు కోచ్‌ ఫ్యాక్టరీ పెట్టుకున్నామని మంత్రి కేటీఆర్ కిషన్ రెడ్డికి ట్వీట్ చేశారు. రాష్ట్రానికి అండగా మేముంటే..దేశానికే దండగ మీరు అని కౌంటర్‌ ఇచ్చారు. 

Kishan Reddy Garu, While my comment was about NDA Govt’s apathy towards Telangana and how this partiality is hurting several states, you are resorting to the same obfuscation again by bringing in irrelevant issues

Care to clarify on any of these issues👇 #EqualityForTelangana https://t.co/MSwc1IzE1M pic.twitter.com/xWN4lAHqpB

— KTR (@KTRTRS) February 7, 2022

Sir, I know it’s difficult for the Godse worshippers to comprehend words such as communal harmony & plurality

It’s a pity that even after ruling the country for 8 years, the only fallback for you is 80-20, Us v/s Them blah

By the way, Dynasty isn’t half as bad as Nasty Bigotry https://t.co/n4hLepldYk

— KTR (@KTRTRS) February 7, 2022