Eetala Lands Distribution : ఈటలకు కేసీఆర్ సర్కార్ షాక్ - ఆ భూములన్నీ దళితులకు పంపిణీ !

ఈటల రాజేందర్ కుటుంబానికి చెందిన జమునా హ్యాచరీస్ భూముల్ని తిరిగి దళితులకు పంపిణీ చేశారు. అసైన్డ్ భూముల్ని అక్రమంగా కొనుగోలు చేశారని అధికారులు నివేదిక ఇవ్వడంతో ఈ చర్య తీసుకున్నారు.

ఈటల కుటుంబానికి చెందిన భూమి దళితులకు పంపిణి

Eetala Lands Distribution :  కేసీఆర్ కుటుంబానికి చెందిన జమూనా హ్యాచరీస్ అదీనంలో ఉన్న భూములను దళితులకు పంపిణీ చేశారు. మెదక్ జిల్లా మాసాయిపేట మండలం అచ్చంపేట, హకీంపేటలో  ఈ భూములు ున్నాయి.  జమున హేచరీస్ సంస్థ దళితుల నుండి అసైన్డ్ భూములు కొనుగోలు చేసిందని గతంలోనే జిల్లా కలెక్టర్ నిర్ధారించారు. దీంతో  భూములను లబ్ధిదారులకు తిరిగి ఇవ్వాలని ప్రభుత్వం నిర్ణయించింది.ఈ క్రమంలోనే జమున హేచరీస్ భూములను అసైన్డ్ లబ్ధిదారులుగా ఉన్న 56మంది దళితులకు పంపిణీ చేసింది. మెదక్ ఎంపీ కొత్త ప్రభాకర్ రెడ్డి నేతృత్వంలో ఈ కార్యక్రమం జరిగింది. 

దళితుల భూముల్ని ఆక్రమించుకున్నారని ఈటల కుటుంబంపై ఆరోపణలు

మెదక్ జిల్లా మాసాయిపేట మండలం అచ్చంపేట, హకీంపేట లో జమునా హేచరీస్ భారీ పౌల్ట్రీ ఫాంలను నిర్మించింది. ఇందు కోసం అక్కడ పెద్ద ఎత్తున భూములును కొనుగోలు చేశారు. అయితే ఆ భూములు దళితుల నుండి భూములను కొనుగోలు చేశారన్న ఆరోపణలు ఉన్నాయి. తమ భూములు లాక్కున్నారంటూ అక్కడి రైతులు సీఎం కేసీఆర్‌కు లేఖ రాయడంతో ఆయన విచారణకుాదేశించారు. విచారణలో అసైన్డ్ భూములు కొనుగోలు చేశారని అధికారులు నిర్ధారించారు.  ఈటల రాజేందర్ పై అక్రమంగా అసైన్డ్ భూములు కొనుగోలు చేశారంటూ కేసు నమోదైంది. మొత్తం 56మంది రైతులకు సంబంధించి మొత్తం 70.33 ఎకరాల భూమి పంచినట్లుగా తెలుస్తోంది.  

విచారణలో నిజమేనని అధికారులు తేల్చడంతో ఈటల బర్తరఫ్ 

ఇదే వ్యవహారంలో గతంలో టిఆర్ఎస్ ప్రభుత్వంలో మంత్రిగా ఉన్న ఈటల రాజేందర్ ను సీఎం కేసీఆర్ మంత్రివర్గం నుంచి  బర్తరఫ్ చేశారు. ఆ తర్వాత ఈటల రాజేందర్  బిజెపీలో చేరారు. ఎమ్మెల్యే పదవికి కూడా రాజీనామా చేసి హుజూరాబాద్ నుంచి మరోసారి గెలిచారు. పెద్దగా హడావుడి లేకుండా భూముల పంపిణీ పూర్తి చేయడంతో ఈటల వర్గీయులుకూడా షాక్‌కు గురయ్యారు.

మళ్లీ పాత లబ్దిదారులకు పంపిణీ చేసిన ప్రభుత్వం  

వాస్తవానికి అసైన్డ్ ల్యాండ్స్ కొనుగోలు,అమ్మకాలు జరగకూడదు. అయితే ఈటల రాజేందర్ అప్పట్లో ప్రభుత్వ అనుమతి తీసుకునే కొనుగోలు చేశామని వాదించారు. అయితే ప్రభుత్వం మాత్రం విచారణ జరిపి భూముల్ని మళ్లీ దళితులకు పంచేసింది. దీనిపై ఈటల రాజేందర్... జమునా హ్యాచరీస్ యజమాని అయిన ఆయన భార్య ఈటల జమున స్పందించాల్సి ఉంది.