Weather Updates: ఇవాళ్టి నుంచి సూరీడుతో భద్రం- జాగ్రత్తలు తీసుకోవాల్సిందేనంటున్న నిపుణులు!

Weather Updates: గత కొంత కాలంగా చల్లగా మారిన వాతావరణం అందరికీ కాస్త ఊరటనిచ్చింది. కానీ మళ్లీ సూర్యుడు భగభగ మండుతున్నాడు. ముఖ్యంగా ఈరోజు నుంచి రాష్ట్రంలో పొడి వాతావారణం ఏర్పడే అవకాశం ఎక్కువగా ఉందని వాతావరణ శాఖ తెలిపింది. దీనివల్ల గరిష్ట ఉష్ణోగ్రతలు పెరుగుతాయని పేర్కొంది. కొన్ని చోట్ల 40 డిగ్రీల సెల్సియన్ నుంచి 43 డిగ్రీల సెల్సియస్ వరకు నమోదు అయ్యే అవకాశం ఉందని వివరించింది. హైదరాబాద్ పరిసర ప్రాంతాల్లో 40 డిగ్రీల వరకు నమోదు అయ్యే అవకాశం ఉందని వెల్లడించింది. ఆగ్నేయ బంగాళాఖాతంలో ఏర్పడిన అల్పపీడనం మంగళ వారం సాయంత్రానికి వాయుగుండంగా బలపడింది. ఇది బుఘవారం నాటికి అండమాన్ సముద్రానికి ఆనుకుని ఆగ్నేయ, తూర్పు మధ్య బంగళాఖాతంలో తుఫానుగా మారనుంది. ఇది 11వ తేదీ వరకు ఉత్తర వాయువ్య దిశగా పయనిస్తుంది. కానీ ఆ తర్వాత దిశ మార్చకుని ఈశాన్య దిశగా తృకదులుతూ.. మరింత బలపడి బంగ్లాదేశ్, మయన్మార్ తీరాల వైపు పయనిస్తుందని భారత వాతావరణ శాఖ వెల్లడించింది. ఇదే సమయంలో బంగళాఖాతం నుంచి వాయుగుండం ప్రాంతం వరకు ఉపరితల ఆవర్తనం కొనసాగుతుంది.

విపరీతంగా పెరగనున్న వడగాల్పులు

నిన్నటి నుంచే రెండు తెలుగు రాష్ట్రాల్లో వేసవి ఉష్ణోగ్రతలు పెరుగుతున్నాయి. మంగళవారం రోజు తెలంగాణలోని నల్గొండలో 4.5, ఆదిలాబాద్ 40.0, రామగుండం 39.6, ఖమ్మం 39.4, భద్రాచలం 38.2, హన్మకొండ 38.0, మెదక్ 37.8, మెదక్ 37.8, నిజామాబాద్ 37.4, హైదరాబాద్ 36.7, మహబూబ్ నగర్ 35.8 డిగ్లీ ఉష్ణోగ్రతలు నమోదు అయ్యాయి. అంతేకాదండోయ్ ఏపీలోనూ భారీగానే ఎండలు కాశాయి. అన్నమయ్య జిల్లా సంబేపల్లి, సత్యసాయి జిల్లా నల్లమడ, మడకశిరలో 42 డిర్గీల ఉష్ణోగ్రతలు నమోదు అయ్యాయి. అనేక ప్రాంతాల్లో 40 డిగ్రీల కంటే ఎక్కువ ఉష్ణోగ్రతలు నమోదు అవడంతో వేడి తాళలేక ప్రజలు ఇబ్బందులు పడ్డారు. బుధవారం నుంచి ఉష్ణోగ్రతలు మరింత పెరుగతాయని భారత వాతావరణ శాఖ తెలిపింది. సాధారణ ఉష్ణోగ్రతల కంటే 2 నుంచి 4 డిగ్రీలు ఎక్కువగా నమోదు అవుతాయని వివరించింది. రాష్ట్రంలోని 28 మండలాల్లో బుధవారం వడగాల్పులు వీచే అవకాశం ఉంని రాష్ట్ర విపత్తుల నిర్వహణ సంస్థ ఎండీ బీఆర్ అంబేడ్కర్ తెలిపారు. ఆయా మండలాల్లో అధిక ఉష్ణోగ్రతలు నమోదు అయ్యే అవకాశం ఉందని తెలిపారు. ఈ క్రమంలోనే ప్రజలంతా చాలా జాగ్రత్తగా ఉండాలని.. అత్యవసం అయితే తప్ప మధ్యాహ్నం సమయాల్లో బయటకు రాకూడది వివరిస్తున్నారు.