Rajeev Kanakala School Controversy : రాజీవ్ కనకాలను అందుకే నిలదీశాం - స్కూల్ కాంట్రవర్సీపై NTVS రియాక్షన్... అసలేం జరిగింది?

Suma Kanakala Husband Reaction : ప్రైవేట్ స్కూల్ ఇష్యూలో రాజీవ్ కనకాల సారీ చెప్పిన సంగతి తెలిసిందే. ఈ వివాదంలో అసలు నిజాలను NTVS అధ్యక్షుడు బయటపెట్టారు.

రాజీవ్ కనకాల రియాక్షన్

Source : https://www.instagram.com/p/DYNMhcAtzY5/

Suma Kanakala Husband Rajeev Kanakala Reaction About School Controversy : ప్రముఖ యాంకర్ సుమ భర్త, ప్రముఖ నటుడు రాజీవ్ కనకాల స్కూల్ వివాదంలో చిక్కుకున్న సంగతి తెలిసిందే. ఓ ప్రైవేట్ స్కూల్ ఈవెంట్‌కు ఆయన ముఖ్య అతిథిగా హాజరు కాగా... పర్మిషన్ లేని స్కూల్‌ను ప్రమోట్ చేస్తున్నారంటూ... ఆయనపై నవ తెలంగాణ విద్యార్థి శక్తి (NTVS) ఆగ్రహం వ్యక్తం చేసింది. 

హైదరాబాద్‌లోని వైబ్రాంట్ అనే స్కూల్ ఈవెంట్‌కు చీఫ్ గెస్ట్‌గా వెళ్లిన రాజీవ్... అక్కడ విద్యార్థులకు గిఫ్ట్స్ ఇస్తుండగా NTVS సభ్యులు అడ్డుకున్నారు. దీంతో అంతా ఒక్కసారిగా షాక్ అయ్యారు. ఈ స్కూల్ ప్రభుత్వ నిబంధనలకు విరుద్ధంగా నిర్వహిస్తున్నారని... ఎలా ప్రమోట్ చేస్తారంటూ ఆయన్ను నిలదీశారు. ఈ క్రమంలో స్కూల్ యాజమాన్యానికి, విద్యార్థి సంఘ నాయకులకు గట్టిగానే వాగ్వాదం జరిగింది. 

సారీ చెప్పిన రాజీవ్

ఈ వివాదంపై రాజీవ్ కనకాల సారీ చెప్పారు. అసలు తనకు ఆ స్కూల్‌తో ఎలాంటి సంబంధం లేదని... కేవలం చీఫ్ గెస్ట్‌గా పిలిచారనే వెెళ్లినట్లు ఓ వీడియో రిలీజ్ చేశారు. 'ఆ స్కూల్ చీఫ్ గెస్ట్‌గా వెళ్లిన నేను విద్యార్థులను అభినందించా. నా చేతుల మీదుగా వారికి షీల్డ్స్ అందించా. నిజంగా ఈ స్కూల్‌కు పర్మిషన్ ఉందా లేదా అనేది నాకు తెలీదు. పిల్లలను ఎంకరేజ్ చేస్తే మంచి జరుగుతుందనే ఉద్దేశంతోనే చీఫ్ గెస్ట్‌గా వెళ్లా.

అంతే తప్ప స్కూల్‌ను ప్రమోట్ చేసే ఉద్దేశం నాకు లేదు. నా వీడియోస్, ఫోటోస్ వాడొద్దని స్కూల్ యాజమాన్యానికి చెప్పా. పేరెంట్స్ కూడా ముందుగా అన్నీ ఎంక్వైరీ చేసుకోవాలి.' అంటూ వీడియో రిలీజ్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Raajeev Kanakala (@raajeevkanakala)

NTVS రియాక్షన్...

రాజీవ్ కనకాల ఇంత పాజిటివ్‌గా రియాక్ట్ అవుతారని తాను అనుకోలేదని చెప్పారు NTVS అధ్యక్షుడు పవన్. 'వైబ్రాంట్ స్కూల్‌కు మేనేజ్మెంట్ వేరే ఉండేది. దీని వల్ల తమకు నష్టం జరుగుతుందని కొందరు పేరెంట్స్ మమ్మల్ని సంప్రదించారు. అక్కడికి వెళ్లాక కొత్త స్కూల్ ఓపెన్ అవుతుందన్నారు. అసలు ఈ స్కూల్‌కు పర్మిషన్  లేదు. రాజీవ్ గారు పిల్లల్ని ఇక్కడే జాయిన్ చేయాలని... బ్రాంచెస్ కూడా ఓపెన్ చేయాలని అన్నారు. అందుకే మేము ఆయన్ను ప్రశ్నించాం.

ఆయన లాంటి ప్రముఖ వ్యక్తి ఈ స్కూల్ గురించి చెప్తే పేరెంట్స్‌కు తప్పుడు సమాచారం వెళ్తుంది. దీని వల్ల విద్యార్థులు నష్టపోతారు. అందుకే ఆయన్ను అడ్డుకున్నాం. సన్మానాలు జరిగిన స్టూడెంట్స్ అసలు ఆ స్కూల్ నుంచి హాల్ టికెట్ తీసుకోలేదు. వారంతా వేర్వేరు స్కూల్స్ నుంచి వచ్చిన వారు. అందుకే రాజీవ్ గారికి తెలిసే వచ్చారా? లేదా? అని ప్రశ్నించాం. రాజీవ్ గారు స్పందించిన తీరు ప్రశంసనీయం. ఆయనకు పర్సనల్‌గా థాంక్స్ చెబుతాం.' అని అన్నారు.

 

మరిన్ని చదవండి

ఓటీటీలోకి నాగశౌర్య డిజాస్టర్ మూవీ - సడన్‌గా స్ట్రీమింగ్