Chandrabose Meets Revanth Reddy: ఆస్కార్ విజేత చంద్రబోస్ను సన్మానించిన సీఎం రేవంత్ రెడ్డి
Revanth Reddy News | టాలీవుడ్ సినీ గేయ రచయిత చంద్రబోస్ బుధవారం రాత్రి తెలంగాణ సీఎం రేవంత్ రెడ్డిని కలిశారు. ఆస్కార్ విజేత చంద్రబోస్ ను సీఎం రేవంత్ రెడ్డి సన్మానించారు.
Oscar Award Winner Chandra Bose meets Revanth Reddy హైదరాబాద్: టాలీవుడ్ సినీ గీత రచయిత, ఆస్కార్ అవార్డు గ్రహీత చంద్రబోస్ తెలంగాణ సీఎం రేవంత్ రెడ్డిని మర్యాదపూర్వకంగా కలిశారు. డా. బీఆర్ అంబేద్కర్ రాష్ట్ర సచివాలయానికి బుధవారం రాత్రి చంద్రబోస్ వెళ్లారు. తనను కలిసిన సందర్బంగా ఆస్కార్ గ్రహీత చంద్రబోస్ ను సీఎం రేవంత్ రెడ్డి అభినందించారు. చంద్రబోస్ కు సీఎం రేవంత్ పుష్పగుచ్ఛం ఇచ్చి, శాలువా కప్పి సన్మానించారు. తెలుగు సినిమాను అంతర్జాతీయ స్థాయికి తీసుకెళ్లి అవార్డు తెచ్చినందుకు మనస్ఫూర్తిగా మెచ్చుకున్నారు. సినిమాలకు సంబంధించి పలు అంశాలపై కాసేపు చర్చించారు.
దర్శకదిగ్గజం ఎస్ ఎస్ రాజమౌళి తెరకెక్కించిన RRR మూవీలోని నాటు నాటు పాటకు బెస్ట్ ఒరిజనల్ సాంగ్ విభాగంలో చంద్రబోస్, మ్యూజిక్ డైరెక్టర్ కీరవాణి ఆస్కార్ అవార్డు అందుకోవడం తెలిసిందే. చంద్రబోస్ సీఎం రేవంత్ రెడ్డిని కలిసిన కార్యక్రమంలో మంత్రులు పొంగులేటి శ్రీనివాస్ రెడ్డి, పొన్నం ప్రభాకర్, టీపీసీసీ చీఫ్ మహేష్ కుమార్ గౌడ్, తదితరులు పాల్గొన్నారు. ఇందుకు సంబంధించిన ఫొటోలను సీఎం రేవంత్ రెడ్డి తన ఎక్స్ ఖాతాలో పోస్ట్ చేశారు.
ప్రముఖ సినీ గీత రచయిత శ్రీ చంద్రబోస్
— Revanth Reddy (@revanth_anumula) September 25, 2024
ఈ రోజు మర్యాదపూర్వకంగా కలిశారు.
RRR సినిమాలో “నాటు నాటు” పాటకు ఆస్కార్ అవార్డు పొందిన చంద్రబోస్ ను ఈ సందర్భంగా అభినందించడం జరిగింది. pic.twitter.com/6r5IaMraG8
టాప్ హెడ్ లైన్స్
ట్రెండింగ్ వార్తలు
