MLA Anil Kumar: అనిల్‌ అనుచరులమంటూ సెక్యూరిటీ సిబ్బందిపై దాడి, హైదరాబాద్‌లోని ఓ అపార్ట్‌మెంట్‌ ఎదుట వీరంగం 

MLA Anil Kumar: హైదరాబాద్ లోని ఓ అపార్ట్ మెంట్ సెక్యూరిటీ సిబ్బందిపై కొందరు వ్యక్తులు దాడి చేశారు. వారిని ప్రశ్నిస్తే తాము నెల్లూరు వైసీపీ ఎమ్మెల్యే అనిల్ కుమార్ యాదవ్ అనుచరులమని చెప్పారు.  

అనిల్‌ అనుచరులమంటూ సెక్యూరిటీ సిబ్బందిపై దాడి, హైదరాబాద్‌లోని ఓ అపార్ట్‌మెంట్‌ ఎదుట వీరంగం 

MLA Anil Kumar: నెల్లూరు వైసీపీ ఎమ్మెల్యే అనిల్ కుమార్ యాదవ్ అనచరులమని చెప్పుకొన్న కొందరు యువకులు హైదరాబాద్‌లో వీరంగం సృష్టించారు. హైదరాబాద్ లోని ఓ అపార్ట మెంట్ సెక్యూరిటీ సిబ్బందిపై దాడికి పాల్పడ్డారు. ఎమ్మెల్యే ఆదేశాలతోనే వాళ్లు అపార్ట్ మెంట్ ఎదుట వీరంగం సృష్టించారని ప్రత్యక్ష సాక్షులు చెబుతున్నారు. తమపై అనవసరంగా దాడికి పాల్పడ్డ ఎమ్మెల్యే అనుచరులతో సహా.. అనిల్ కుమార్ యాదవ్ ను కూడా అరెస్ట్ చేయాలని సెక్యూరిటీ సిబ్బంది కోరుతున్నారు. 

ఏపీలోనే కాదు.. వైసీపీ రౌడీయిజం పొరుగు రాష్ట్రాలలో కూడా తన ప్రతాపం చూపిస్తోంది. ఇక్కడ పార్కింగ్ చేయొద్దు అన్న పాపానికి హైదరాబాద్ గచ్చిబౌలిలోని అపర్ణ సెరెన్ అపార్ట్‌మెంట్ సెక్యూరిటీ సిబ్బందిని నెల్లూరు వైసీపీ ఎమ్మెల్యే అనిల్ కుమార్ యాదవ్ తన మనుషులతో చితకబాదారు.#YSRCPRowdyism pic.twitter.com/J69XRiHpSS

— Telugu Desam Party (@JaiTDP) June 30, 2023

అసలేం జరిగిందంటే..?

హైదరాబాద్ గచ్చిబౌలి - అపర్ణ సెరెన్ అపార్ట్ మెంట్ లో పార్కింగ్ వివాదం చోటు చేసుకుంది. ఎమ్మెల్యే అనిల్ కుమార్ యావద్ అనుచరులు అని చెప్పుకున్న కొందరు వ్యక్తులు అపార్టుమెంట్ ఎదుట ఉన్న రోడ్డుపై వాహనాలు నిలిపారు. అయితే తమ అపార్ట్ మెంట్ రోడ్డుపై పార్కింగ్ చేయవద్దని సెక్యూరిటీ సిబ్బంది వారిని కోరారు. దీంతో వారు కార్లు తీయకుండా గొడవ పడ్డారు. ఎమ్మెల్యే మనుషులకే ఇలా చెప్తారా అంటూ... సెక్యూరిటీ గార్డులపై దౌర్జన్యం ప్రదర్శించారు. ఎమ్మెల్యే అండ ఉందని చెబుతూ అపార్ట్ మెంట్ సెక్యూరిటీపై ప్రతాపం చూపించారు. ఇద్దరు సెక్యూరిటీ సిబ్బందిని తన మనుషులతో చితకబాదించారు. ఈ తతంగం మొత్తాన్ని అపార్ట్ మెంట్ వాసులు వీడియో తీశారు. ప్రస్తుతం అది సోషల్ మీడియాలో వైరల్ అవుతోంది. 

దీన్ని టీడీపీ వాళ్లు షేర్ చేశారు. వైఎస్‌ఆర్‌సీపీ వాళ్ల ఆగడాలు ఆంధ్రప్రదేశ్‌లోనే కాకుండా హైదరాబాద్‌కి కూడా పాకాయా అంటూ ప్రశ్నిస్తున్నారు.