ఓ మైనర్ యువకుడు ఒక యువతిని తన ఒళ్లో కూర్చోబెట్టుకుని ప్రమాదకరంగా, అసభ్యకరంగా ఆటో నడిపాడు. ప్రజల భద్రతకు ముప్పు కలిగించడంతో పోలీసులు కేసు నమోదు చేశారు.
అన్వేషించండి
Viral Video: యువతిని ఒళ్లో కూర్చోబెట్టుకుని ఆటో డ్రైవింగ్.. మైనర్కు శిక్ష విధించిన జువైనల్ బోర్డ్
Hyderabad News | హైదరాబాద్లోని చాదర్ఘాట్ బ్రిడ్జిపై యువతిని ఒళ్లో కూర్చోబెట్టుకుని ఆటో నడిపిన మైనర్ను పోలీసులు అదుపులోకి తీసుకోగా, జువైనల్ బోర్డు నెలరోజుల కమ్యూనిటీ సర్వీస్ శిక్ష విధించింది.
యువతిని ఒళ్లో కూర్చోబెట్టుకుని మైనర్ ఆటో డ్రైవింగ్
Source : social media
- మైనర్ ఆటో డ్రైవర్ చాదర్ఘాట్ బ్రిడ్జిపై అసభ్యంగా ప్రవర్తించాడు.
- వైరల్ వీడియో ఆధారంగా మైనర్ డ్రైవర్ను పోలీసులు అదుపులోకి తీసుకున్నారు.
- జువైనల్ బోర్డు అతనికి నెలరోజుల కమ్యూనిటీ సేవను విధించింది.
Minor Auto Driver News | హైదరాబాద్: ఇటీవల నడిరోడ్డుపైనే భరితెగిస్తూ కొందరు యువత పిచ్చి చేష్టలకు పాల్పడుతున్నారు. కొన్ని సందర్భాలలో చిన్న శిక్షలతో బయటపడుతుండగా, కొన్ని తప్పిదాల్లో భారీ మూల్యం చెల్లించుకోవాల్సి వస్తోంది. తాజాగా నగరంలో ఓ యువకుడి అసభ్యకర ప్రవర్తన వైరల్ అవుతోంది. చాదర్ఘాట్ బ్రిడ్జిపై ఓ యువకుడు ఒక యువతిని తన ఒళ్లో కూర్చోబెట్టుకుని ప్రమాదకరంగా, అసభ్యంగా ఆటో నడుపుతున్నాడు. తనతో పాటు ప్రజల భద్రతకు ముప్పు కలిగిస్తూ, నిర్లక్ష్యంగా వాహనం నడిపిన ఈ ఘటనపై చాదర్ఘాట్ పోలీసులు తక్షణమే స్పందించి కేసు నమోదు చేశారు. వీడియో ఆధారంగా ఆటో నంబర్ (TG05T4061) సహాయంతో వాహనాన్ని నడుపుతున్న యువకుడ్ని అదుపులోకి తీసుకుని విచారించగా, అతడు మైనర్ అని విచారణలో తేలింది.
శిక్ష విధించిన జువైనల్ జస్టిస్ బోర్డ్
ఆటోలో డ్రైవింగ్ సీట్లో కూర్చుని తన ఒడిలో యువతిని కూర్చోబెట్టుకుని ప్రమాదకరంగా వ్యవహరించిన కేసులో మైనర్ నిందితుడిని జువైనల్ జస్టిస్ బోర్డు (JJB) ముందు ప్రవేశపెట్టగా బోర్డు అతడికి శిక్ష విధించింది. నాంపల్లి రెడ్ హిల్స్లోని జువైనల్ బోర్డు ఆఫీస్లో నెలరోజుల పాటు ప్రతిరోజూ ఉదయం 10 గంటల నుంచి మధ్యాహ్నం 2 గంటల వరకు కమ్యూనిటీ సర్వీస్ (ఆఫీస్ సేవలు) చేయాలని ఆదేశించింది. నగరంలో రోడ్డు భద్రతను సవాల్ చేయడంతో పాటు, అసభ్య ప్రవర్తనకు పాల్పడే వారిపై కఠిన చర్యలు తప్పవని పోలీసులు ఈ కేసు ద్వారా మరోసారి స్పష్టం చేశారు. యువతి వివరాలు తెలియాల్సి ఉంది.
🚨 చాదర్ఘాట్ ఆటో వేధింపుల కేసులో బాలుడికి కమ్యూనిటీ సర్వీస్
— ముచ్చట్లు | Stories • Voices • Views (@muchatlu_) July 23, 2026
🔸 చాదర్ఘాట్ ఆటో వేధింపుల కేసులో నిందితుడైన మైనర్కు ఒక నెల కమ్యూనిటీ సర్వీస్ విధిస్తూ జువెనైల్ జస్టిస్ బోర్డు ఆదేశాలు జారీ చేసింది.
🔸 నెల రోజుల పాటు ప్రతిరోజూ ఉదయం 10 గంటల నుంచి మధ్యాహ్నం 2 గంటల వరకు జువెనైల్… pic.twitter.com/y4MKh9aDf7
జనాలకు చిరాకు పుట్టిస్తున్న మైనర్లు
ఇటీవలి కాలంలో హైదరాబాద్ నగరంలో ఇలాంటి బాధ్యతారాహిత్యమైన, రీల్స్ పిచ్చి ఘటనలు వరుసగా వెలుగుచూస్తూ సోషల్ మీడియాలో కలకలం రేపుతున్నాయి. కొద్దిరోజుల క్రితం దుర్గం చెరువు కేబుల్ బ్రిడ్జిపై అలాగే ఔటర్ రింగ్ రోడ్డుపై వేగంగా వెళ్లే కార్ల సన్రూఫ్ల నుంచి బయటకు వచ్చి ప్రమాదకర రీతిలో డాన్సులు చేస్తూ రీల్స్ చేసిన వీడియోలు వైరల్ అయ్యాయి. మరొక ఘటనలో రద్దీగా ఉండే మెట్రో రైళ్లలో ఇతర ప్రయాణికులకు తీవ్ర అసౌకర్యం కలిగిస్తూ డ్యాన్సులు, స్టంట్లు చేసిన యువతపై మెట్రో అధికారులు, పోలీసులు కేసులు నమోదు చేసి భారీగా జరిమానాలు విధించడం తెలిసిందే.
కొన్ని రోజుల కిందట రంగారెడ్డి జిల్లాలో ఓ ఎస్సై అయితే ఆరేళ్ల తన మనవరాలికి కారు డ్రైవింగ్ నేర్పిస్తూ ఇతరుల ప్రాణాలను సైతం రిస్కులో పెట్టాడు. బాధ్యతాయుతమైన జాబ్ చేస్తున్న పోలీస్ ఇలా చేయడంపై ఆ శాఖ ఆగ్రహం వ్యక్తం చేసింది. ఉన్నతాధికారుల దృష్టికి విషయం వెళ్లగా కేసు నమోదు చేశారు. ఆయనపై సస్పెన్షన్ వేటు వేశారు.
Frequently Asked Questions
చాదర్ఘాట్ బ్రిడ్జిపై జరిగిన సంఘటన ఏమిటి?
ఈ సంఘటనపై పోలీసులు ఎలాంటి చర్యలు తీసుకున్నారు?
వీడియో ఆధారంగా పోలీసులు ఆటో నంబర్ను గుర్తించి, మైనర్ డ్రైవర్ను అదుపులోకి తీసుకున్నారు. అతడు మైనర్ అని విచారణలో తేలింది.
మైనర్ డ్రైవర్కు ఎలాంటి శిక్ష విధించారు?
జువైనల్ జస్టిస్ బోర్డు నాంపల్లి రెడ్ హిల్స్లోని కార్యాలయంలో ఒక నెలపాటు ప్రతిరోజూ ఉదయం 10 నుండి మధ్యాహ్నం 2 గంటల వరకు కమ్యూనిటీ సేవలు చేయాలని ఆదేశించింది.
Advertisement
టాప్ హెడ్ లైన్స్
హైదరాబాద్
చిత్తూరు జిల్లాలో దారుణం- అధికారుల వేధింపులతో ఆశా వర్కర్ ఆత్మహత్య!
హైదరాబాద్
హైదరాబాద్ మెట్రో విస్తరణలో కీలక ముందడుగు! పాతబస్తీ రూట్ కోసం టెండర్లు పిలవాలని సీఎం ఆదేశం!
హైదరాబాద్
తెలంగాణలోనూ 22ఎ సమస్యలకు పరిష్కారం! శాశ్వత పరిష్కారం దిశగా ప్రభుత్వం అడుగులు!
హైదరాబాద్
కేటీఆర్ కుమారుడు హిమాన్షు హీరోగా సినిమా!
Advertisement
Advertisement
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
