KTR on Modi: ప్రధాని, ఆదాని మీపై శ్రీలంకలోనూ ఆరోపణలు, నోరెత్తండి - ప్రశ్నిస్తూ కేటీఆర్ ట్వీట్

ప్రధాని మోదీ, పారిశ్రామిక‌వేత్త గౌతమ్ అదానీని విమ‌ర్శిస్తూ మంత్రి కేటీఆర్ ట్వీట్ చేశారు. సీబీఐ, ఈడీ, ఐటీ వంటి ప్రభుత్వ సంస్థల‌తో ప్రతిప‌క్ష నేత‌ల‌ను కేంద్రం టార్గెట్ చేయ‌డం సాధార‌ణ‌మేనని కేటీఆర్ ట్వీట్ చేశారు. అయితే, శ్రీలంక విండ్ పవర్ (ప‌వ‌న విద్యుత్) కాంట్రాక్టుల్లో ప్రధాని మోదీ జోక్యం ఉంద‌ని ఆ దేశ సీనియ‌ర్ అధికారులే ఆరోపిస్తున్నారని అన్నారు. మ‌రి దీనిపై ప్రధాని మోదీ, అదానీ ఎందుకు స్పందించ‌డం లేదని మంత్రి కేటీఆర్ నిలదీశారు. శ్రీలంక పోర్ట్స్ అథారిటీ సూపర్ వైజర్ కలుతరాగే మాట్లాడిన ఓ వీడియోను కూడా కేటీఆర్ రీట్వీట్ చేశారు. 

Opposition leaders all over India are routinely targeted & subjected to grilling by ED, CBI & IT

But when senior Sri Lankan Govt officials directly accuse the PM of India & his involvement in wind power contracts

Neither Pradhani Nor Adani respond! Deafening silence from media!

— KTR (@KTRTRS) June 16, 2022

From promising 2 crore jobs a year; Modi now promises 1.5 Lakh jobs a year!
He brings the Agniveer scam in the Army where army recruits will be retired in 4 years!
But all ports, airports, power plants etc in India&Lanka to Adani!
Revolutionary! New India!
Modi hai to mumkin hai pic.twitter.com/SAeIhOV6pW

— Prashant Bhushan (@pbhushan1) June 16, 2022

యాక్టివిస్ట్ ప్రశాంత్ భూషణ్ చేసిన ట్వీట్లను కూడా కేటీఆర్ రీట్వీట్ చేశారు. ‘‘ఏడాదికి 2 కోట్ల ఉద్యోగాలు ఇస్తామన్న హామీ నుంచి ఏడాదికి 1.5 లక్షల ఉద్యోగాలు ఇస్తామనే స్థాయికి వచ్చారు. తాజాగా ఆయన ఆర్మీలో అగ్నివీర్ పేరుతో ఒక స్కామ్ ను ప్రకటించారు. ఇక్కడ సైన్యంలోకి రిక్రూట్ చేసుకొనే సైనికులు నాలుగేళ్లకే రిటైర్ అవుతారు. కానీ, భారత్, శ్రీలంకలోని పోర్టులు, ఎయిర్‌పోర్టులు, పవర్ ప్లాంట్స్ లాంటివన్నీ అదానీకి కట్టబెడుతున్నారు. ఇది నిజంగా న్యూ ఇండియా’’ అని ప్రశాంత్ భూషణ్ చేసిన ట్వీట్ ను కేటీఆర్ రీట్వీట్ చేశారు.

The chairman of Sri Lanka’s state-owned Ceylon Electricity Board accused Modi of pressuring Sri Lankan govt over the allotment of a wind power project to the Adani group.
But our business press hardly carried this news. Godi-fication of pink press is totalhttps://t.co/rdLzOiguqf

— Prashant Bhushan (@pbhushan1) June 16, 2022

‘‘శ్రీలంకలో విండ్ పవర్ ప్రాజెక్టును ఆదానీ గ్రూపునకు కేటాయించేలా మోదీ, శ్రీలంక ప్రభుత్వంపై ఒత్తిడి తెచ్చినట్లుగా, ఆ దేశ ప్రభుత్వ సంస్థ అయిన Ceylon Electricity Board అధికారులు ఆరోపణలు చేశారు. కానీ, మన దేశంలోని బిజినెస్ ప్రెస్ ఈ వార్తలను కవర్ చేయలేదు.’’ అని ప్రశాంత్ భూషణ్ మరో ట్వీట్ చేయగా, దీన్ని కేటీఆర్ రీట్వీట్ చేశారు.