KTR On IndiGo: ఇండిగో విమానంలో వివక్ష! కేటీఆర్ చురకలు, వాళ్లని రిక్రూట్ చేసుకోవాలని రిక్వెస్ట్

విజయవాడ నుంచి హైదరాబాద్ కు వస్తున్న 6E 7297 ఇండిగో విమానంలో ఓ మహిళ కూడా ఎక్కారు. ఆమెకు తెలుగు మాత్రమే అర్థం చేసుకోగలుగుతున్నారు.

ప్రతీకాత్మక చిత్రం

ఇండిగో విమాన సంస్థకు తెలంగాణ మంత్రి కేటీఆర్ ఓ హితవు పలికారు. దయచేసి స్థానిక భాషలను గౌరవించాలని ఇండిగో సంస్థను కోరారు. ఇండిగో విమానంలో ఓ తెలుగు మహిళకు ఎదురైన వివక్షాపూరిత అనుభం దృష్ట్యా మంత్రి ఈ సూచనలు చేశారు. దీనికి సంబంధించి ఇండిగోను ట్యాగ్ చేస్తూ మంత్రి కేటీఆర్ చేసిన ట్వీట్ సోషల్ మీడియాలో వైరల్ గా మారింది.

విజయవాడ నుంచి హైదరాబాద్ కు వస్తున్న 6E 7297 ఇండిగో విమానంలో ఓ మహిళ కూడా ఎక్కారు. ఆమెకు తెలుగు మాత్రమే అర్థం చేసుకోగలుగుతున్నారు. హిందీ, ఇంగ్లీష్ మాట్లాడలేకపోతున్నారు. దీంతో ఆమెను తన సీటు నుంచి లేపి విమాన సిబ్బంది మరో సీటులో కూర్చోబెట్టారు. 

ఈ విషయాన్ని గుర్తించిన అదే విమానంలో ప్రయాణిస్తున్న తోటి ప్రయాణికురాలు, ఐఐఎం అహ్మదాబాద్‌లో అసిస్టెంట్ ప్రొఫెసర్ దేవాస్మిత చక్రవర్తి అనే మహిళ ఈ విషయాన్ని ట్వీట్ చేశారు. సెప్టెంబరు 16న ఈ ఘటన జరిగింది. విమానంలోని ఓ ఫోటోను ట్వీట్ చేస్తూ గ్రీన్ కలర్ చీర కట్టుకున్న మహిళ ఒరిజినల్ సీట్ నెంబరు 2A (XL సీట్, exit row). కానీ, ఆమెను అక్కడి నుంచి లేపి 3C లో కూర్చొబెట్టారు. ఎందుకంటే ఆమెకు తెలుగు మాత్రమే వచ్చు. ఇంగ్లీష్, హిందీ రాదు. విమాన సిబ్బందిని అడిగితే అది సెక్యురిటీ ఇష్యూ అని చెప్పారు. అంటూ ఇండిగో విమాన సంస్థను ట్యాగ్ చేస్తూ ట్వీట్ చేశారు.

Indigo 6E 7297. Vijayawada (AP) to Hyderabad (Telangana), Sept 16-2022. The woman in green originally sitting in 2A (XL seat, exit row) was forced to seat 3C because she understood only Telugu, not English/Hindi. The attendant said it's a security issue. #discrimination @IndiGo6E pic.twitter.com/bHa8hQj5vz

— Devasmita Chakraverty, PhD, MPH (@DevasmitaTweets) September 17, 2022

 

స్పందించిన కేటీఆర్
‘‘డియర్ ఇండిగో మేనేజ్మెంట్. ఇండియన్ స్థానిక భాషలను, అవి మాట్లాడే ప్రయాణికులను గౌరవించాలని నేను రిక్వెస్ట్ చేస్తున్నాను. హిందీ, ఇంగ్లీష్ మాట్లాడలేని వారికి కూడా మర్యాదగా ఉండాలి. ప్రాంతీయ నగరాల మధ్య నడుపుతున్న విమాన సర్వీసుల్లో సిబ్బందిని స్థానిక భాషలు మాట్లాడే వారిని నియమించుకోండి. తెలుగు, తమిళ, కన్నడ మాట్లాడగలిగే సిబ్బందిని ఆయా నగరాల మధ్య నడిచే విమానాల్లో రిక్రూట్ చేసుకోండి’’ అని కేటీఆర్ కోరారు.

Dear @IndiGo6E Management, I request you to start respecting local languages & passengers who may not be well conversant in English or Hindi

In regional routes, recruit more staff who can speak the local language like Telugu, Tamil, Kannada etc. This will be a win-win solution https://t.co/GbJGi5nl0W

— KTR (@KTRTRS) September 18, 2022