Hyderabad: ఈ స్కూటర్‌కి తాళం అక్కర్లేదు.. ఫోన్‌లో సెల్ఫీ దిగితే స్టార్ట్ అయిపోద్ది.. హైదరాబాద్‌లో కొత్తరకం స్కూటీలు
‘హాలా’ అనే సంస్థ.. ఇప్పటికే పలు విద్యాసంస్థల ఆవరణలో ఒకే సీటు ఉన్న ‘ఈ-స్కూటర్’ సేవలను అందిస్తోంది. హైదరాబాద్‌లో తాజాగా ఈ సేవలను ఈ నెల నుంచే ట్రిపుల్‌ ఐటీ ఆవరణలో అందుబాటులోకి తెస్తున్నారు.
ఈ స్కూటర్లకు తాళంతో పని లేదు.. వినేందుకు ఆశ్చర్యంగా ఉంది కదూ.. ఇలాంటి స్కూటర్లను ప్రయోగాత్మకంగా హైదరాబాద్‌లో ఓ చోట ప్రవేశపెట్టారు. దీనికి సంబంధించిన వివరాలను తెలంగాణ ఐటీశాఖ ముఖ్య కార్యదర్శి జయేశ్ రంజన్ ట్వీట్ చేశారు. ఈ స్కూటర్లు పని చేసే ఓ యాప్‌ను ఆయన ఆవిష్కరించారు. ఈ ఈ-స్కూటర్లకు తాళం చెవితో పని ఉండదు. ఈ-స్కూటర్ వద్దకు వెళ్లి యాప్‌ను ఆన్‌ చేసి సెల్ఫీ తీసుకుంటే చాలు.. స్కూటర్ అది స్టార్ట్ అయిపోతుంది. స్కూటర్ నడిపిన తర్వాత ఆ యాప్ ద్వారానే పేమెంట్‌ కూడా చేయొచ్చు. ఈ మేరకు రూపొందించిన ‘హాలా’ అనే మొబిలిటీ యాప్‌ను జయేశ్ రంజన్ ఆవిష్కరించారు. ఈ యాప్ ద్వారా ప్రయాణం, అద్దె, చార్జింగ్‌ స్టేషన్లు తదితర సేవలను తెలుసుకొనే వీలుంది.
ఈ ‘హాలా’ అనే సంస్థ.. ఇప్పటికే పలు విద్యాసంస్థల ఆవరణలో ఒకే సీటు ఉన్న ‘ఈ-స్కూటర్’ సేవలను అందిస్తూ వస్తోంది. హైదరాబాద్‌లో తాజాగా ఈ సేవలను ఈ నెల నుంచే హైదరాబాద్ ట్రిపుల్‌ ఐటీ ఆవరణలో అందుబాటులోకి తెస్తున్నారు. ఇక్కడ ఆఫర్ కింద ‘ఈ-స్కూటర్’ సేవలను 3 నెలల పాటు ఉచితంగా పొందే వీలుంది. స్మార్ట్‌ బ్యాటరీతో పనిచేసే ఈ–స్కూటర్ల కోసం ట్రిపుల్‌ ఐటీ ఆవరణలో చార్జింగ్‌ స్టేషన్లు కూడా ఏర్పాటు చేశారు. ఈ ఎలక్ట్రానిక్‌ వాహనాల్లో బ్లూ టూత్‌ కనెక్షన్, జీపీఎస్‌ వంటి సౌకర్యాలు ఉండనున్నాయి. హాలా యాప్ ద్వారా డిజిటల్‌ తాళాన్ని తెరిచి ప్రయాణించవచ్చు.
ఎలా పని చేస్తుందంటే..
ఆర్టిఫిషియల్‌ ఇంటెలిజెన్స్‌, మెషీన్‌ లెర్నింగ్‌ సాంకేతికత ఆధారంగా పనిచేసే ఈ యాప్ ప్రయాణికుడి సెల్ఫీ, ఆధార్, డ్రైవింగ్‌ లైసెన్సు వివరాలు క్షణాల్లో సేకరించి ‘ఈ స్కూటర్’పై ప్రయాణానికి అనుమతిస్తుంది. మెట్రోపాలిటన్‌ నగరాల్లో పెరుగుతున్న ప్రయాణ అవసరాలను ‘హాలా’ తీరుస్తుందని జయేశ్ రంజన్ వెల్లడించారు. ఈ-వాహనాల వాడకమే లక్ష్యంగా ఈ హాలా యాప్‌ను తయారు చేసినట్లుగా సంస్థ సీఈవో శ్రీకాంత్ రెడ్డి వివరించారు. వచ్చే ఏడాదిలో మొత్తం 6 నగరాల్లో ‘హాలా’ యాప్ ద్వారా పని చేసే 15 వేల స్కూటర్లను అందుబాటులోకి తెస్తామని వివరించారు.
Hyderabad-based EV Startup @Halamobility's App was launched by Principal Secy ITE&C @jayesh_ranjan, and prominent members of the Startup ecosystem were present. The E-bikes will be deployed soon in the IIIT-Hyd campus as pilot. @KTRTRS @DrShantaThoutam @MinisterKTR @startupindia pic.twitter.com/Cq6RMhwf0o
— Startup Telangana (@startup_ts) November 29, 2021
Also Read: CM Meet Central Team : విపత్తు నిర్వహణలో బాగా పని చేశారు.. సీఎం జగన్‌కు కేంద్ర బృందం అభినందన !
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
and tablets
