Amaravati Pin code: అమరావతికి కొత్త పిన్ కోడ్‌! ఈ వ్యవస్థ ఎలా ప్రారంభమైందంటే? 

Amaravati Pin code: అమరావతికి చట్టబద్ధత ప్రక్రియ పూర్తి అయిన తర్వాత కేంద్రం గెజిట‌ జారీ చేస్తుంది. అనంతర కొత్త పిన్‌కోడ్ కేటాయిస్తారు. అసలు ఈ వ్యవస్థ ఎలా పని చేస్తుందో తెలుసా?

అమరావతికి త్వరలోనే ఆరు అంకెల కోడ్‌! ఈ వ్యవస్థ ఎలా ప్రారంభమైందంటే? 

Source : Social Media

Show Quick Read

Key points generated by AI, verified by newsroom

Amaravati Pin code: ఆంధ్రుల రాజధాని అమరావతికి పార్లమెంటు ఆమోదం రావడంతో  పరిణామాలు వేగంగా మారుతున్నాయి. అమరావతికి చట్టబద్ధతతో పాటు కొత్త పిన్ కోడ్ సైతం వచ్చేస్తుంది. రెండు రోజుల్లో ప్రెసిడెంట్ సంతకంతో అమరావతి తీర్మానం చట్టబద్ధంగా గెజిట్‌లోకి వెళ్ళిపోనుంది. దానితో అమరావతికి తనదైన పిన్ కోడ్ కూడా రాబోతుంది. దానివల్ల వల్ల రాజధానిలో పోస్టల్ శాఖ పరంగా కొత్త ఆస్థిత్వం వచ్చిన్నట్టు అవుతుందని స్థానికులు చెబుతున్నారు.

మారిపోనున్న పాత పిన్ కోడ్ 

ప్రస్తుతానికి రాజధాని అమరావతికి తనదంటూ ఒక పిన్ కోడ్ లేదు. అలా ఉండాలి అంటే జనరల్ పోస్ట్ ఆఫీస్ కార్యాలయం ఉండాలి. ఇప్పటికైతే వెలగపూడి పిన్ కోడ్ 522237నే వాడుతున్నారు. సెక్రటేరియెట్ అవసరాల కోసం 5222238ని కూడా వాడుతున్నారు. అమరావతికి కేంద్రం ఆమోదం తెలపడంతో ఇప్పుడు తనకంటూ ఒక ప్రత్యేకమైన పిన్‌కోడ్‌ను రెడీ చేస్తున్నారు. ఇప్పటికే జనరల్ పోస్ట్ ఆఫీస్ నిర్మాణం కోసం అమరావతిలో స్థలాన్ని కేటాయించింది ప్రభుత్వం. దానితో ఆ విధమైన అడ్డంకులు కూడా అమరావతికి లేనట్టే. పిన్ కోడ్‌తో పాటు అమరావతికి శాశ్వత STD, ISD కోడ్ లు కూడా కేటాయించనున్నారు.

స్పష్టత ఇచ్చిన తపాలా శాఖ

విజయవాడకు చెందిన ఒక సామాజికవేత్త కమ్ అడ్వకేట్ అడిగిన సమాచారం మేరకు పోస్టల్ శాఖ క్లారిటీ ఇచ్చింది. అమరావతిలో ఆల్రెడీ తమకు కేటాయించిన స్థలంలో జనరల్ పోస్ట్ ఆఫీస్ నిర్మాణం అయ్యాక ఉన్నత స్థాయిలో అనుమతి తీసుకుని అమరావతికి ప్రత్యేక పిన్ కోడ్ మంజూరు చేస్తామని పోస్టల్ అధికారులు తెలిపారు.

పిన్ కోడ్ వ్యవస్థ ప్రారంభం అయింది ఇలా!

పిన్ కోడ్ అంటే పోస్టల్ ఇండెక్స్ నెంబర్. దీని ద్వారా ఉత్తరాలు చేరవేయడానికి ఇతర పోస్టల్ కార్యకలాపాలను పక్కాగా నిర్వహించడానికి వీలవుతుంది. ప్రతీ పోస్ట్ ఆఫీస్‌కి ఒక ప్రత్యేకమైన పిన్‌కోడ్ ఉంటుంది. ఈ ఆరు అంకెల నెంబర్‌తో పోస్ట్ ఎక్కడికి వెళ్లాలో పక్కాగా తెలిసిపోతుంది. ఈ వ్యవస్థను 15 ఆగస్టు 1972లో ప్రారంభించారు. ఈ ఆరు అంకెల నెంబర్‌లో మొదటి అంకె పోస్ట్ ఆఫీస్ ఉన్న జోన్, రెండో అంకె పోస్ట్ ఆఫీస్ సబ్ జోన్ తెలియజేస్తాయి. ఆ రెండు అంకెలకు మూడో నెంబర్ తోడైనప్పుడు పోస్ట్ ఆఫీస్ ఉన్న జిల్లా, పోస్టల్ ఏరియా తెలుసుకోవచ్చు. తరువాతి మూడు అంకెలు పోస్టల్ సర్కిల్‌ను పోస్ట్ ఆఫీస్ అడ్రస్ తెలియజేస్తాయి. తెలంగాణకు ముందు రెండు నెంబర్ లు 50గానూ, ఏపీకి 51,52,53  కేటాయించారు.

మరిన్ని చదవండి

అమరావతి విషయంలో వైసీపీ లెక్క తప్పింది అక్కడే! టీడీపీని మెట్టు ఎక్కించింది అదే! 

అమరావతికి రాజ్యసభ జై - బీఆర్ఎస్సూ సపోర్టు - తర్వాత ప్రక్రియ ఇదే!