Virata Parvam : విరాటపర్వం సినిమాపై ఫిర్యాదు, నక్సలిజాన్ని ప్రేరేపించేలా ఉందని అభ్యంతరం

Virata Parvam : విరాటపర్వం సినిమాపై హైదరాబాద్ సుల్తాన్ బజార్ లో ఫిర్యాదు చేశారు వీహెచ్‌పీ నేతలు. నక్సలిజం, ఉగ్రవాదాన్ని ప్రేరేపించేలా ఈ సినిమా ఉందని ఫిర్యాదులో పేర్కొన్నారు.

విరాటపర్వం సినిమా ఫిర్యాదు

Virata Parvam : రానా దగ్గుబాటి(Rana Daggubati), సాయి పల్లవి(Sai Pallavai) హీరోహీరోయిన్ లుగా నటించిన విరాటపర్వం(Virata Parvam) సినిమాపై వీహెచ్‌పీ నేతలు ఫిర్యాదు చేశారు. వీహెచ్‌పీ నేత అజయ్‌రాజ్‌ హైదరబాద్ సుల్తాన్‌బజార్‌ పోలీసు స్టేషన్ లో ఫిర్యాదు చేశారు. నక్సలిజం, ఉగ్రవాదాన్ని ప్రేరేపించేలా ఈ సినిమా ఉందని, ఇలాంటి సినిమాల అనుమతిపై అభ్యంతరం వ్యక్తం చేశారు. విరాట పర్వం సినిమా యువతను పెడదారి పట్టించేలా  ఉందని ఆరోపించారు. ఈ సినిమా విడుదలకు అనుమతులిచ్చిన సెన్సార్‌ బోర్డుపై చర్యలు తీసుకోవాలని ఫిర్యాదులో పేర్కొన్నారు. విరాటపర్వం మూవీ ఈ నెల 17న ప్రేక్షకుల ముందుకు వచ్చింది. ఈ సినిమాకు వేణు ఊడుగుల (Venu Udugula) దర్శకత్వం వహించారు. ప్రముఖ నిర్మాణ సంస్థ సురేశ్‌ ప్రొడక్షన్స్‌(Suresh Productions) నిర్మించింది. 

విరాటపర్వం కలెక్షన్స్ 

దగ్గుబాటి రానా, సాయి పల్లవి ప్రధాన పాత్రల్లో నటించిన సినిమా 'విరాటపర్వం'. ఈ సినిమాను వేణు ఊడుగుల డైరెక్ట్ చేశారు. సురేష్ ప్రొడక్షన్స్ బ్యానర్ పై ఈ సినిమాను తెరకెక్కించారు. జూన్ 17న ఈ సినిమా ప్రేక్షకుల ముందుకు వచ్చింది. 1990లలో తెలంగాణ ప్రాంతంలో జరిగిన నిజ సంఘటనల ఆధారంగా ఈ సినిమాను తెరకెక్కించారు. నక్సలిజం బ్యాక్ డ్రాప్ తో తెరకెక్కిన లవ్ స్టోరీ ఇది. ఇందులో దళ నాయకుడు రవన్న పాత్రలో రానా నటించగా.. వెన్నెల అనే అమ్మాయి పాత్రలో సాయిపల్లవి కనిపించింది. ప్రపంచవ్యాప్తంగా ఈ సినిమా రూ.14 కోట్ల కలెక్షన్స్ ను సాధించింది. అంతకుమించి వసూళ్లు సాధిస్తేనే ఈ సినిమా సక్సెస్ అయినట్లు. అయితే ఆశించిన స్థాయిలో సినిమా కలెక్షన్స్ ను రాబట్టలేకపోతుంది. రెండోరోజే ఈ సినిమా కలెక్షన్స్ దారుణంగా పడిపోయాయి. 

రెండు తెలుగు రాష్ట్రాల్లో రూ.1.53 కోట్ల షేర్ సాధించింది ఈ సినిమా. దీన్ని గ్రాస్ పరంగా చూస్తే.. రూ.2.50 కోట్లు. కర్ణాటక-రెస్ట్ ఆఫ్ ఇండియాలో ఈ సినిమాకి రూ.20 లక్షలు వచ్చాయి. అలాగే ఓవర్సీస్ లో రూ.54 లక్షలు వచ్చాయి. అంటే మొత్తంగా ఈ సినిమా రూ.2.27 కోట్ల షేర్ ను రాబట్టింది. గ్రాస్ ప్రకారం చూస్తే.. రూ.3.90 కోట్లు. 'విరాటపర్వం'పై ఉన్న బజ్ కి వస్తోన్న కలెక్షన్స్ కి సంబంధమే లేదు. ఇదే గనుక కంటిన్యూ అయితే సినిమా బ్రేక్ ఈవెన్ అవ్వడం కూడా కష్టమే.