Hyderabad News: రజనీకాంత్ కుటుంబానికి రూ.5 లక్షల పరిహారం... నాలాలో ప్రమాదవశాత్తు పడి చనిపోయిన ఐటీ ఉద్యోగి.... గుత్తేదారుపై కేసు నమోదు
డ్రైనేజీ నాలాలో ప్రమాదవశాత్తు పడి చనిపోయిన ఐటీ ఉద్యోగి రజనీకాంత్ కుటుంబానికి తెలంగాణ ప్రభుత్వం నష్టం పరిహారం ప్రకటించింది. నిర్లక్ష్యంగా పనులు చేస్తున్న గుత్తేదారుపై పోలీసులు కేసు నమోదు చేశారు.
మణికొండలో ప్రమాదవశాత్తు నాలాలో పడి మృతి చెందిన సాఫ్ట్వేర్ ఇంజినీర్ రజనీకాంత్ కుటుంబానికి తెలంగాణ ప్రభుత్వం రూ.5 లక్షల పరిహారం ప్రకటించింది. ఈ ఘటనపై విచారణ చేపట్టిన అధికారులు మణికొండ మున్సిపాలిటీ అసిస్టెంట్ ఇంజినీర్ వితోబాను సస్పెండ్ చేశారు. మరమ్మతులు జరుగుతున్న సమయంలో ఎలాంటి హెచ్చరిక బోర్డులు, చర్యలు చేపట్టకుండా నిర్లక్ష్యం వహించిన గుత్తేదారు రాజ్కుమార్పై నార్సింగ్ పోలీసులు కేసు నమోదు చేశారు. ఈనెల 25న రాత్రి 9గంటల సమయంలో ప్రమాదవశాత్తు మరమ్మతుల కోసం తీసిన గుంతలో పడి రజనీకాంత్ గల్లంతయ్యారు. సోమవారం అతని మృతదేహం నెక్నాంపూర్ చెరువులో దొరికింది.
అసలు ఏం జరిగింది...
హైదరాబాద్ మణికొండలో శనివారం రాత్రి డ్రైనేజీ గుంతలో పడి గల్లంతైన రజినీకాంత్ అనే యువకుడు మృతదేహం సోమవారం లభ్యమైంది. డ్రైనేజీ కలిసే నెక్నాంపూర్ చెరువులో మృతదేహం లభ్యమైంది. మూడు కిలోమీటర్ల దూరంలో రజనీకాంత్ మృతదేహం కొట్టుకొచ్చిన్నట్లు అధికారులు తెలిపారు. గోపిశెట్టి రజినీకాంత్ షాద్ నగర్లో సాఫ్ట్ వేర్ ఇంజనీర్గా పనిచేస్తున్నారు. శనివారం రాత్రి 9 గంటలకు పెరుగు ప్యాకెట్ కోసం ఇంటి నుంచి బయటకు వచ్చిన రజినీకాంత్ నిర్మాణంలో ఉన్న డ్రైనేజీ గుంతలో పడిపోయారు. మూడు రోజులుగా ఎన్డీఆర్ఎఫ్బృందాలు, పోలీసులు, జీహెచ్ఎంసీ సిబ్బంది రజనీకాంత్ కోసం ముమ్మరంగా గాలింపు చర్యలు చేపట్టారు. డ్రైనేజీ వెళ్లే మార్గంలో గాలించారు.
Also Read: మణికొండలో గల్లంతైన వ్యక్తి ఎవరో తెలిసింది.. 12 గంటల నుంచి నాలాలు, చెరువుల్లో ఆయన కోసం గాలింపు
గాలింపు చర్యలు
గులాబ్ తుపాను ప్రభావంతో తెలంగాణ రాష్ట్ర వ్యాప్తంగా గత రెండు రోజులుగా భారీ వర్షాలు కురుస్తున్నాయి. వర్షం కారణంగా గాలింపు చర్యలకు అంతరాయం ఏర్పడింది. వర్షం తగ్గిన తర్వాత గాలింపు కొనసాగించారు. నెక్నాంపూర్ చెరువులో జేసీబీ సాయంతో గుర్రపుడెక్క తొలగించగా రజినీకాంత్ మృతదేహాన్ని బయటపడింది. మణికొండలో శనివారం రాత్రి భారీ వర్షం కురిసింది. సెక్రటేరియట్ కాలనీ గోల్డెన్ టెంపుల్ వద్ద నిర్మాణంలో ఉన్న మ్యాన్హోల్లోకి వరదనీరు చేరింది. రాత్రి 9.15గంటల సమయంలో కాలినడకన వెళ్తున్న రజనీకాంత్ ప్రమాదవశాత్తు అందులో పడి గల్లంతయ్యాడు.
Also Read: గులాబ్ తుపాను ప్రభావంతో ఏపీలో భారీ వర్షాలు... మృతుల కుటుంబాలకు రూ.5 లక్షలు
వైరల్ అయిన వీడియో
ఈ ప్రమాద దృశ్యాలు ఓ వ్యక్తి వర్షం వీడియో తీస్తుండగా అందులో రికార్డ్ అయ్యాయి. ఈ వీడియో వైరల్ కావడంతో పోలీసులు, మణికొండ మున్సిపల్ సిబ్బంది గాలింపు చర్యలు చేపట్టారు. ఎన్డీఆర్ఎఫ్ సిబ్బంది సహకారంతో డ్రైనేజీ పొడవునా గల్లంతైన వ్యక్తి ఆచూకీ కోసం గాలించారు. అయినా ఆచూకీ లభించలేదు. ముందస్తు జాగ్రత్తలు తీసుకోకుండానే పైపులైన్ పనులు చేపడుతున్నా అధికారులు పట్టించుకోలేదని స్థానికులు ఆరోపిస్తున్నారు.
Also Read: మణికొండలో డ్రైనేజీలో పడి గల్లంతైన యువకుడు... 48 గంటల తర్వాత మృతదేహం లభ్యం...
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
Before You Go
HYDRAA Restores Uppal Nalla Cheruvu Lake | ఉప్పల్ నల్లచెరువుకు కొత్త జలకళ
టాప్ హెడ్ లైన్స్
ట్రెండింగ్ వార్తలు
