CBI Case: మేఘా ఇంజనీరింగ్ పై సీబీఐ కేసు నమోదు, రూ.315 కోట్ల మోసం ఆరోపణలు!
CBI Case Against MEIL: రూ.315 కోట్ల మేర అవినీతి జరిగిందని మేఘా ఇంజనీరింగ్ తో పాటు ఎనిమిది మంది అధికారులపై సీబీఐ అధికారులు కేసు నమోదు చేశారు.
Megha Engineering and Infrastructure Ltd - న్యూఢిల్లీ: హైదరాబాద్కు చెందిన మేఘా ఇంజనీరింగ్ అండ్ ఇన్ఫ్రాస్ట్రక్చర్ లిమిటెడ్ (MEIL) కంపెనీపై కేంద్ర దర్యాప్తు సంస్థ సీబీఐ కేసు నమోదు చేసింది. మేఘా ఇంజనీరింగ్ సంస్థతో పాటు ఎన్ఎండీసీ ఐరన్ స్టీల్ ప్లాంట్, మినిస్ట్రీ ఆఫ్ స్టీల్ కు చెందిన 8 అధికారులపై సీబీఐ కేసు నమోదు చేసి దర్యాప్తు చేపట్టింది. NISP project లో రూ. 315 కోట్ల అవినీతి జరిగిందని సీబీఐ కేసు నమోదు చేసి చర్యలు చేపట్టింది.
The CBI has registered a case against Megha Engineering and Infrastructure Ltd, along with eight officers from NMDC Iron and Steel Plant, Ministry of Steel, regarding alleged corruption in the execution of a Rs 315 crores project for NISP.
— ANI (@ANI) April 13, 2024
మేఘా ఇంజినీరింగ్ సంస్థకు NMDCకి సంబంధించిన ఐరన్ అండ్ స్టీల్ ప్లాంట్ లిమిటెడ్ (NISP Ltd) 5 సంవత్సరాల పాటు ఆపరేషన్ & మెయింటెనెన్స్ కాంట్రాక్ట్ వచ్చింది. దాంతోపాటు నిస్ప్ ప్రాజెక్ట్ ఇంటేక్ వెల్ అండ్ పంప్ హౌస్, క్రాస్ కంట్రీ పైప్లైన్ పనులు మేఘాకు కేటాయించారు. అయితే తమకు ఈ ప్రాజెక్ట్ వచ్చేలా చేసుకునేందుకు మేఘా సంస్థ పెద్ద మొత్తంలో నగదు ముట్టచెప్పారని ఆరోపణలున్నాయి. U/s 120బీ ఐపీసీ r/w ఐపీసీ 465, సెక్షన్ 7 8 &9 కింద సీబీఐ కేసు నమోదు చేసింది.
ఎలక్టోరల్ బాండ్లలో రెండో స్థానంలో మేఘా ఇంజనీరింగ్
రాజకీయ పార్టీలకు అందించిన విరాళాల వివరాలు బయటపెట్టాలని సుప్రీంకోర్టు అతిపెద్ద ప్రభుత్వ రంగ బ్యాంకు స్టేట్ బ్యాంక్ ఆఫ్ ఇండియాను ఇటీవల ఆదేశించడం తెలిసిందే. ఈ విరాళాలు జాబితాలో మేఘా ఇంజినీరింగ్ & ఇన్ఫ్రాస్ట్రక్చర్ లిమిటెడ్ (MEIL) పేరు ప్రధానంగా వినిపించింది. గేమింగ్ కంపెని తరువాత రూ.966 కోట్ల విలువైన ఎలక్టోరల్ బాండ్లను కొనుగోలు చేసిన రెండవ సంస్థగా మేఘా సంస్థ నిలిచింది. తాజాగా రూ.315 కోట్ల అవినీతి, చీటింగ్ ఆరోపణలతో ఈ సంస్థపై సీబీఐ కేసు నమోదు చేసింది.
టాప్ హెడ్ లైన్స్
ట్రెండింగ్ వార్తలు
