Breaking News Live Telugu Updates:  గాజువాక థర్మోకాల్ షీట్స్ తయారీ కంపెనీలో అగ్నిప్రమాదం 

విశాఖ జిల్లా గాజువాక ఆటోనగర్  డి బ్లాక్  పాంచజన్య పోలీ ప్రొడక్ట్స్ కంపెనీలో అగ్నిప్రమాదం జరిగింది. థర్మోకాల్ షీట్స్ తయారి కంపెనీలో అగ్నిప్రమాదం చోటుచేసుకుంది. సమాచారం అందుకున్న ఫైర్ సిబ్బంది ఘటనాస్థలికి చేరుకుని మంటలు అదుపుచేస్తున్నారు. గాజువాక చుట్టుపక్కల ప్రాంతాల్లో దట్టమైనా నల్లటిపొగతో అలముకుంది. దీంతో ప్రజలు భయాందోళనకు గురయ్యారు.  సుమారు  50 లక్షలు ఆస్తినష్టం జరిగిందని యాజమాన్యం అంటోంది. క్రోమియం వైర్ కట్ అవ్వడం ప్రమాదానికి కారణమని కంపెనీ సిబ్బంది తెలిపారు. 

నవీన్ హత్య కేసులో హరిహరకృష్ణ ప్రియురాలు నిహారికను పోలీసుల అరెస్టు చేశారు. పోలీసుల విచారణలో నిందితుడు హరిహరకృష్ణ నిహారిక, హాసన్ పేర్లు చెప్పినట్లు తెస్తుంది. దీంతో నిహారికను పోలీసులు అదుపులోకి తీసుకున్నారు.  

దిల్లీ లిక్కర్ స్కామ్ కేసులో ఆడిటర్ బుచ్చిబాబుకు సీబీఐ కోర్టు బెయిల్ మంజూరు చేసింది. రూ.2 లక్షల పూచీకత్తులో బెయిల్ ఇచ్చింది కోర్టు. అయితే పాస్ పోర్టు సరెండర్ చేయాలని ఆదేశించింది.  

• అనంతపురం జిల్లా కేంద్రంలోని టవర్ క్లాక్ వద్ద ఉద్రిక్తత
• వైసీపీ తెలుగుదేశం కార్యకర్తల సవాళ్లు ప్రతి సవాళ్ల నేపథ్యంలో ఉద్రిక్తత పరిస్థితులు
• తెలుగుదేశం కార్యకర్త అజయ్ విసిరిన సవాల్ నేపథ్యంలో గుంటూరు నుంచి అనంతపురం టవర్ క్లాక్ వద్దకు చేరుకున్న వైసీపీ కార్యకర్త
• ఈ సంభాషణలో పరిటాల కుటుంబానికి వ్యతిరేకంగా వ్యాఖ్యలు
• అనుకూల వ్యతిరేక వర్గాలు టవర్ క్లాక్ వద్దకు చేరుకోవడంతో ముందస్తుగా భారీ పోలీసు బందోబస్తు ఏర్పాటు చేసిన డీఎస్పీ ప్రసాద్ రెడ్డి
• గుంటూరు నుంచి అనంతపురం జిల్లా రాప్తాడుకు చేరుకున్న వైసీపీ కార్యకర్త హరి ప్రసాద్ రెడ్డి అనంతరం టవర్ క్లాక్ వద్దకు వచ్చి హల్చల్
• అదుపులోకి తీసుకొని పోలీస్ స్టేషన్‌కు తరలించిన పోలీసులు
• ఆందోళనకారులు విసిరిన రాళ్ల దాడిలో ఓ పోలీస్ తలకు తీవ్ర గాయాలు, ఆసుపత్రికి తరలింపు

ఫాక్స్‌కాన్ పరిశ్రమను తెలంగాణ లేదా కర్ణాటకలో ఎక్కడ ఏర్పాటు చేస్తారనే విషయంలో సందిగ్ధత నెలకొన్న వేళ దానికి తెరపడింది. ఫాక్స్‌కాన్ పరిశ్రమను కొంగరకలాన్‌లో ఏర్పాటు చేసేందుకు తాము కట్టుబడి ఉన్నామని ఫాక్స్‌కాన్ ఛైర్మన్ తాజాగా సీఎం కేసీఆర్‌కు లేఖ రాశారు. వీలైనంత త్వరగా తాము కార్యకలాపాలు నిర్వహించుకొనేందుకు ప్రభుత్వం నుంచి సాయం కావాలని కోరారు. అంతేకాక, తేవాన్‌లో పర్యటించాలని యాంగ్ లియూ కేసీఆర్‌ను ఆహ్వానించారు.

• రాజేంద్రనగర్ లో డ్రగ్స్ కలకలం
• హిమాయత్ సాగర్ వద్ద MDMA డ్రగ్స్ విక్రయిస్తుండగా పట్టుకున్న రాజేంద్రనగర్ SOT బృందం
• ఆడీ కారులో వచ్చి డ్రగ్స్ విక్రయిస్తుండగా రెడ్ హ్యాండెడ్ గా పట్టుకున్న SOT
• నిందితుడు పాత బస్తీకి చెందిన మహ్మద్ హమీద్ ఆలీగా గుర్తింపు

షూటింగ్‌లో బిగ్ బీ అమితాబ్ బచ్చన్ కు గాయాలు అయ్యాయి. హైదరాబాద్ జరుగుతున్న ప్రాజెక్ట్ కే షూటింగ్‌లోనే ఈ ఘటన జరిగింది. దీంతో ఆయన ముంబయికి వెళ్లిపోయినట్లుగా తెలుస్తోంది. ముంబయిలోని ఇంట్లో ఆయన విశ్రాంతి తీసుకుంటున్నట్లు సమాచారం. 

కామారెడ్డి జిల్లాలో ప్రమాదం జరిగింది. వెనుక నుంచి వేగంగా వచ్చిన కంటైనర్‌ ఓ కారును ఢీకొనడంతో ఇద్దరు మృతి చెందారు. కరీంనగర్‌కు చెందిన పుల్లూరి మహోదర్‌రావు (55), లక్కోడి మధుసూదన్‌ రెడ్డి (58), ఎం.వేణుగోపాల్‌ రెడ్డి, ఎస్‌.శ్రీనివాస్‌ రెడ్డి, రామకృష్ణారావు కామారెడ్డి జిల్లా తిమ్మాపూర్‌లోని తెలంగాణ తిరుమల దేవస్థానానికి వచ్చి స్వామివారి దర్శనం చేసుకున్నారు. తిరుగు ప్రయాణంలో రామారెడ్డి బైపాస్‌కు కొద్ది దూరంలో వీరి కారును వెనుక నుంచి వేగంగా వస్తున్న ఓ ట్రక్కు ఢీకొట్టింది. డ్రైవింగ్‌ చేస్తున్న రామకృష్ణారావు సురక్షితంగా బయటపడగా.. మిగతావారు చనిపోయారు. కంటైనర్‌తో డ్రైవర్‌ అక్కడ నుంచి పరారు కాగా.. తూప్రాన్‌ ప్రాంతంలో పోలీసులు పట్టుకున్నారు.

తిరుమల తిరుపతి దేవస్థానానికి భూరి విరాళం అందింది. ఆదివారం హైదరాబాద్‌కు చెందిన వడ్లమూడి సరోజినీ రూ.కోటి విరాళాన్ని అందజేశారు. ఆమె తన భర్త వడ్లమూడి రమేష్‌ బాబు జ్ఞాపకార్థం టీటీడీ ఆరోగ్యశ్రీ వరప్రసాదిని పథకానికి గానూ రూ.కోటి విరాళాన్ని అందజేశారు. విరాళానికి సంబంధించిన డీడీని దాతల కార్యాలయంలో ఆదివారం ఆమె అందజేశారు.