Telangana Formation Day Live Updates: మాచర్ల సెబ్ కార్యాలయంపై మహిళలు దాడి

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

Background

నైరుతి రుతుపవనాలు మధ్య అరేబియా సముద్రంలోని ప్రాంతాలు, కర్ణాటకలోని కొన్ని ప్రాంతాలు, కేరళ, తమిళనాడులోని మరికొన్ని భాగాలు.. మొత్తం ఆగ్నేయ బంగాళాఖాతం, నైరుతి బంగాళాఖాతంలో బెంగాల్, తూర్పు బంగాళాకాతంలోని చాలా ప్రాంతాలు, పశ్చిమ మధ్య ఈశాన్య బంగాళాఖాతంలోని కొన్ని భాగాలు మీదుగా ఈ రుతుపవనాలు విస్తరించాయి. 

ఉత్తర కోస్తాంధ్ర, యానాంలలో..
ఈ ప్రభావంతో నేడు ఉత్తర కోస్తాంధ్ర, యానాంలలో శీతల గాలులు వీయనున్నాయి. ఈ గాలుల వేగం గంటకు 30 నుంచి 40 కిలో మీటర్ల వేగం ఉంటుందని అమరావతి వాతావరణ కేంద్రం వెల్లడించింది. దక్షిణ కోస్తాతో పాటు రాయలసీమలో కూడా  గాలులు వీయనున్నట్లుగా వాతావరణ కేంద్రం అధికారులు వెల్లడించారు. ఈ గాలుల వేగం కూడా గంటకు 30 నుంచి 40 కిలో మీటర్ల వేగం ఉంటుందని పేర్కొన్నారు.

తెలంగాణలో వాతావరణం ఇలా..
ఇక తెలంగాణ రాష్ట్రంలో ఉరుములు, మెరుపులు, ఈదురు గాలులు వచ్చే అవకాశం ఉంది. గాలుల వేగం గంటకు 40 నుంచి 50 కిలో మీటర్ల వేగం ఉంటుంది. ఉరుములు, మెరుపులతో కూడిన వర్షాలు అక్కడక్కడ కొన్ని జిల్లాల్లో కురిసే అవకాశం ఉందని హైదరాబాద్ వాతావరణ విభాగం వెల్లడించింది. 

భద్రాద్రి కొత్తగూడెం, ఖమ్మం, మహబూబాబాద్, నాగర్ కర్నూల్, నల్గొండ, సూర్యాపేట తదితర జిల్లాల్లో వర్షాలు పడే అవకాశం ఉందని అధికారులు తెలిపారు.

హైదరాబాద్‌లో ఆకాశం మేఘాలు పట్టి ఉంటుందని, నగరంలో ఓ మోస్తరు నుంచి తేలికపాటి జల్లులు కురిసే అవకాశం ఉంటుందని చెప్పారు. కనిష్ఠ గరిష్ఠ ఉష్ణోగ్రతలు వరుసగా 27 డిగ్రీలు, 38 డిగ్రీలుగా ఉంటుందని చెప్పారు. గాలులు గంటకు 10 నుంచి 20 కిలో మీటర్ల వేగంతో ఉంటుందని ట్వీట్ చేశారు.

తెలుగు రాష్ట్రాల్లో బంగారం ధర నేడు (Todays Gold Rate) నిన్నటితో పోలిస్తే నేడు తగ్గింది. గ్రాముకు నేడు రూ.25 తగ్గింది ఉక్రెయిన్ - రష్యా యుద్ధ వాతావరణం తర్వాత కొద్ది రోజులుగా ప్రపంచవ్యాప్తంగా బంగారం ధరల్లో ఈ మధ్య పెద్ద ఎత్తున మార్పులు కనిపిస్తున్న సంగతి తెలిసిందే. ఇక వెండి ధర నేడు కిలోకు రూ.500 తగ్గింది. తాజాగా 22 క్యారెట్ల 10 గ్రాముల (తులం) బంగారం ధర, ఇవాళ హైదరాబాద్‌ (Hyderabad Gold Rate) మార్కెట్‌లో రూ.47,500 గా ఉంది. 24 క్యారెట్ల ప్యూర్ బంగారం ధర ప్రస్తుతం రూ.51,820 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో నేడు రూ.67,000 గా ఉంది. తెలంగాణ వ్యాప్తంగా మిగతా నగరాల్లోనూ ఇవే ధరలు అమల్లో ఉంటున్నాయి.

ఏపీలో బంగారం రేట్లు ఇవీ.. (Gold Rates in Andhrapradesh)
ఇక విశాఖపట్నం (Gold Rate in Vizag) మార్కెట్‌లోనూ 22 క్యారెట్ల బంగారం ధర రూ.47,500 గా ఉండగా.. 24 క్యారెట్ల బంగారం ధర రూ.51,820గా ఉంది. ఇక్కడ వెండి ధర హైదరాబాద్ తరహాలోనే కిలో రూ.67,000 గా ఉంది. విజయవాడలో పసిడి ధర ఇలా ఉంది. 22 క్యారెట్ల ఆర్నమెంటు బంగారం ధర నేడు రూ.47,500 గా ఉంది. 24 క్యారెట్ల బిస్కెట్ బంగారం ధర రూ.51,820గా ఉంది. ఇక్కడ కిలో వెండి ధర రూ.67,000 గా ఉంది.

దేశంలోని వివిధ నగరాల్లో పసిడి ధర (Todays Gold Rate) ఇలా..
అయితే, ఇతర నగరాల్లోనూ బంగారం ధర నేడు కాస్త తగ్గింది. చెన్నై నగరంలో ఈ రోజు 22 క్యారెట్ల ఆభరణాల బంగారం ధర రూ.47,400గా ఉండగా, 24 క్యారెట్ల బంగారం ధర రూ.51,710 గా ఉంది. ముంబయిలో 22 క్యారెట్ల బంగారం ధర రూ.47,500 గా ఉండగా, 24 క్యారెట్ల బంగారం ధర రూ.51,820 గా ఉంది.

17:02 PM (IST)  •  02 Jun 2022

మాచర్ల సెబ్ కార్యాలయంపై మహిళలు దాడి

పల్నాడు జిల్లా మాచర్ల సెబ్ కార్యాలయంపై మహిళలు దాడి చేశారు. సారాయి కేసులో ఉప్పుతోల రాజు అనే వ్యక్తిని సెబ్ పోలీసులు అరెస్టు చేశారు. రాజును అన్యాయంగా అరెస్ట్ చేశారని కుటుంబ సభ్యులు స్టేషన్ పై దాడికి పాల్పడ్డారు. సెబ్ కార్యాలంయంలోని ఫర్నిచర్ ను ధ్వంసం చేశారు. రాజు భార్య జ్యోతి చంటి బిడ్డతో స్టేషన్ ఎదుట ఆందోళనకు దిగారు. 

16:15 PM (IST)  •  02 Jun 2022

దిల్లీలో సీఎం జగన్, కాసేపట్లో ప్రధాని మోదీతో భేటీ  

ఏపీ సీఎం జగన్ దిల్లీలో పర్యటిస్తున్నారు. ఇప్పటికే దిల్లీ చేరుకున్న సీఎం జగన్, కాసేపట్లో ప్రధాని మోదీతో భేటీ అవ్వనున్నారు. రాష్ట్రానికి సంబంధించిన పలు అంశాలపై సీఎం జగన్ ప్రధానితో చర్చించనున్నారు. అనంతరం పలువురు కేంద్రమంత్రులతో భేటీ కానున్నారు.   

15:03 PM (IST)  •  02 Jun 2022

రాజన్న సిరిసిల్ల జిల్లా ప్రభుత్వాసుపత్రిలో డాక్టర్ల నిర్లక్ష్యంతో పసిపాప మృతి

రాజన్న సిరిసిల్ల జిల్లా ప్రభుత్వాసుపత్రి డాక్టర్ల నిర్లక్ష్యంతో ఓ పసిపాప ప్రాణం పోగట్టుకుంది. నొప్పులు వస్తున్నాయని చెప్పినా.. డెలవరీకి టైం ఉందంటూ పంపించేశారు. దీంతో ఆమె బాత్‌రూమ్‌లో డెలవరీ అయింది. 

వీర్నపల్లి మండలానికి చెందిన మాధవి అనే మహిళ పురిటి నొప్పులతో రాజన్న సిరిసిల్ల జిల్లా ప్రభుత్వాసుపత్రికి వచ్చింది. పరీక్షించిన వైద్యులు డెలవరీకి ఇంకా ఇంకా 20 రోజుల టైమ్ ఉందంటూ తిరిగి పంపించేశారు. నొప్పులు రావడంతో మళ్లీ ప్రభుత్వాసుపత్రికి వచ్చింది మాధవి. అయినా వైద్యులు ఆమెను మరోసారి పరీక్షించి డెలవరీకి టైం ఉందని పాత మాటే మళ్లీ చెప్పారు.

అదే నొప్పులతో ఇంటికి తిరిగి వెళ్లిపోయింది మాధవి. ఇలా రెండు రోజుల పాటు ప్రభుత్వాసుపత్రి చుట్టూ తిరిగినా వైద్య సిబ్బంది పట్టించుకోలేదు. దీంతో ఈ ఉదయం ఇంట్లో బాత్ రూమ్‌లోనే మాధవి డెలివరీ అయింది. పాప కింద పడి చనిపోయింది. 

రెండు రోజులపాటు గర్భిణీ మాధవి ప్రభుత్వాసుపత్రి చుట్టూ తిరిగినా డాక్టర్‌లు గానీ, ఇతర సిబ్బంది పట్టించుకోలేదంటూ ఆవేదన వ్యక్తం చేశారు మాధవి ఫ్యామిలీ మెంబర్స్. వైద్యుల నిర్లక్ష్యం కారణంగానే తమ బిడ్డ దూరమైందని ఆ తల్లిదండ్రులు బోరుమంటున్నారు. 

ఆసుపత్రి సూపరింటెండెంట్‌  వివరణ ... ఇంకో 20 రోజులు డెలివరీ టైం ఉన్నందున ఇంటికి పంపించివేసామని తమ తప్పేం లేదని వివరణ.

09:53 AM (IST)  •  02 Jun 2022

KCR: భారీగా ఉద్యోగ నియామకాలతో దేశానికే ఆదర్శం

‘‘తెలంగాణ పోరాట నినాదమే నీళ్ళు, నిధులు, నియామకాలు. గడిచిన ఎనిమిదేళ్ళలో 1 లక్షా 33 వేల ప్రభుత్వ ఉద్యోగాలు భర్తీ చేసుకున్నం. ప్రస్తుతం రాష్ట్రప్రభుత్వం వివిధ శాఖల్లో ఖాళీగా ఉన్న 91,142 ఉద్యోగాలను ఒకేసారి భర్తీచేస్తున్నది. రాష్ట్రంలో ఇప్పటికే దీర్ఘకాలంగా కాంట్రాక్టు పద్ధతిలో పనిచేస్తున్న 11,103 మంది ఉద్యోగుల సేవలను మానవతా దృష్టితో క్రమబద్ధీకరించి, ఇంకా ఖాళీగా ఉన్న 80,039 ఉద్యోగాలను కొత్తవారితో భర్తీ చేస్తున్నది. దేశంలో ఏ రాష్ట్రంలో జరగని విధంగా 2,24,142 ప్రభుత్వ ఉద్యోగాల నియామకం జరపటం ద్వారా తెలంగాణ యావద్దేశానికి ఆదర్శంగా నిలిచింది. 

ప్రభుత్వం ఉద్యోగార్థుల వయోపరిమితిపై  10 సంవత్సరాలు సడలింపు నిచ్చింది.  ఉద్యోగార్థులైన యువతీ, యువకులకు ఉచితంగా శిక్షణా కార్యక్రమం అమలు చేస్తోంది. ప్రభుత్వంలోని వివిధ విభాగాలు ఈ కార్యక్రమం నిర్వహిస్తున్నాయి. రాష్ట్రంలోని నిరుద్యోగ ఎస్.సి, ఎస్.టి, మైనారిటీ అభ్యర్థులకు ఉచితంగా స్టడీ మెటీరియల్ అందజేయడంతోపాటు భోజన వసతి కూడా కల్పిస్తున్నది. అదే విధంగా బి.సి. స్టడీ సర్కిళ్ళలోనూ శిక్షణ కార్యక్రమం కొనసాగుతుంది’’ అని సీఎం కేసీఆర్ అన్నారు.

09:45 AM (IST)  •  02 Jun 2022

KCR On Union Govt: మోదీకి లేఖ రాశా, ఏ స్పందనా లేదు

‘‘ఇటీవల యుద్ధం కారణంగా ఉక్రెయిన్ లో చిక్కుకుపోయిన మన వైద్య విద్యార్థులకు ఎదురయిన దుస్థితి మనకు తెలుసు. వీరంతా మన దేశంలోనే వైద్యవిద్య కొనసాగించే విధంగా ఏర్పాట్లు చేయాలని ప్రధానమంత్రికి నేను స్వయంగా  లేఖ కూడా రాశాను. మన రాష్ట్ర విద్యార్థుల వైద్యవిద్యకు  అయ్యే ఖర్చును భరించడానికి రాష్ట్రప్రభుత్వం సిద్ధంగా ఉందనీ తెలియజేశాను. కానీ, కేంద్రం నుంచి దీనికి ప్రతిస్పందన రాలేదు. రాష్ట్ర ప్రభుత్వ విన్నపం బధిర శంఖారావంగా మిగిలిపోవడం విషాదం. ఈ విషయంలో కేంద్రం ఉదాసీనతను రాష్ట్ర ప్రభుత్వం తీవ్రంగా ఆక్షేపిస్తుంది.’’ అని కేసీఆర్ అన్నారు.