Breaking News Live Telugu Updates: తెలుగు రాష్ట్రాల అసెంబ్లీ సీట్ల పెంపుపై పిటిషన్, విచారణకు సుప్రీంకోర్టు గ్రీన్ సిగ్నల్
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
LIVE
Background
తెలుగు రాష్ట్రాలకు ఈ వారం భారీ వర్ష సూచన ఉందని భారత వాతావరణ కేంద్రం తెలిపింది. ఏపీ, తెలంగాణలో నేటి నుంచి నాలుగు రోజులపాటు మోస్తరు నుంచి భారీ వర్షాలు పడే అవకాశం ఉందని హైదరాబాద్, అమరావతి వాతావరణ కేంద్రాలు వెల్లడించాయి. నేడు (సెప్టెంబరు 19) బంగాళాఖాతంలో అల్ప పీడనం ఏర్పడనుందని, దాని ప్రభావంతో నేడు మోస్తరు వర్ష సూచన ఉండగా, రేపటి నుంచి మరో మూడు రోజులపాటు ఏపీ, తెలంగాణలో భారీ వర్షాలు పడతాయని వాతావరణశాఖ అధికారులు అంచనా వేశారు. వాయువ్య మరియు ఆనుకొని ఉన్న పశ్చిమ మధ్య బంగాళాఖాతంలో ఉపరితల ఆవర్తనం ఏర్పడింది. దిగువ ట్రోపో ఆవరణంలో బలమైన గాలులు వీస్తున్నాయి.
తెలంగాణలో వర్షాలు ఇలా (Telangana Weather Updates)
నేడు తెలంగాణ రాష్ట్రంలో తేలికపాటి నుంచి ఓ మోస్తరు వర్షాలు కురవనున్నాయి. అల్పపీడనం ప్రభావం నేడు అంతంతమాత్రమే. కానీ రేపటి నుంచి మూడు, నాలుగు రోజులపాటు మోస్తరు నుంచి భారీ, అతి భారీ వర్షాలు కురుస్తాయని హైదరాబాద్ వాతావరణ కేంద్రం తెలిపింది. వర్ష సూచనతో కొన్ని జిల్లాలకు ఎల్లో అలర్ట్ జారీ చేశారు. సెప్టెంబర్ 20 నుంచి తెలంగాణ రాష్ట్రంలో కొన్ని జిల్లాల్లో వర్షాలు దంచికొట్టే అవకాశం ఉందని వాతావరణ శాఖ అంచనా వేసింది. కొన్ని జిల్లాల్లో ఉరుములు, మెరుపులతో కూడిన వర్షాలు అక్కడక్కడ కురిసే అవకాశం ఉంది.
ఈ 20 నుంచి భారీ వర్షాలు
భారీ వర్షాలు తెలంగాణలోని మంచిర్యాల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ జిల్లాల్లో అక్కడక్కడ కురిసే అవకాశం ఉంది. ఉరుములు, మెరుపులతో కూడిన వర్షాలు తెలంగాణ రాష్ట్రంలో అన్ని జిల్లా్ల్లో అక్కడ కురిసే అవకాశం ఉంది. ఈ వర్షాలు 21 వరకు కొనసాగే అవకాశం ఉందని హైదరాబాద్ వాతావరణ కేంద్రం అధికారులు తెలిపారు.
ఉత్తర కోస్తాంధ్ర, యానాంలో వర్షాలు..
ఉత్తర కోస్తాంధ్ర, యానాంలో నేడు ఓ మోస్తరు వర్షాలు కురుస్తాయని అమరావతి వాతావరణ కేంద్రం తెలిపింది. శ్రీకాకుళం, విజయనగరం, పార్వతీపురం మణ్యం, అనకాపల్లి, విశాఖపట్నం జిల్లాల్లో మోస్తరు నుంచి భారీ వర్షాలు కురవనున్నాయి. పిడుగులు పడే అవకాశం ఉందని హెచ్చరికలు జారీ చేశారు. తూర్పు గోదావరి, పశ్చిమ గోదావరి జిల్లాల్లో తేలికపాటి జల్లుల నుంచి ఒకట్రెండు చోట్ల మోస్తరు వానలు కురుస్తాయి. నేటి (సెప్టెంబర్ 19) నుంచి మరో అల్పపీడనం ప్రభావం రాష్ట్రం పై మొదలవుతుందని ఏపీ వెదర్ మ్యాన్ తెలిపారు.
దక్షిణ కోస్తా, రాయలసీమలో ఇలా..
నేడు దక్షిణ కోస్తాంధ్ర, రాయలసీమ జిల్లాల్లో సాధారణ వర్షపాతం ఉంది. ఉమ్మడి గుంటూరు, కృష్ణా, నెల్లూరు, ప్రకాశం జిల్లాల్లో తేలికపాటి జల్లులు పడతాయి. ఒకట్రెండు చోట్ల మోస్తరు వర్షం కురిసే అవకాశం ఉందని అమరావతి వాతావరణ కేంద్రం సూచించింది. రాయలసీమలో బలమైన ఈదురుగాలులు వీస్తాయి. ఈ ప్రాంతంలో చాలా తక్కువ వర్షాలుంటాయి. కొన్ని జిల్లాల్లో ఒకట్రెండు చోట్ల చిరుజల్లులు పడతాయి. ఈ ప్రాంతానికి ఎలాంటి వర్షాల హెచ్చరికలు జారీ చేయలేదు.
తెలుగు రాష్ట్రాల అసెంబ్లీ సీట్ల పెంపుపై పిటిషన్, విచారణకు సుప్రీంకోర్టు గ్రీన్ సిగ్నల్
తెలుగు రాష్ట్రాల్లో అసెంబ్లీ సీట్ల పెంపుపై విచారణ చేపట్టేందుకు సుప్రీంకోర్టు అంగీకరించింది. తెంలగాణలో అసెంబ్లీ సీట్లను 119 నుంచి 153కు, ఏపీలోని అసెంబ్లీ సీట్లను 175 నుంచి 225కు పెంచాలని సుప్రీంకోర్టులో పిటిషన్ దాఖలైంది. ఈ పిటిషన్ విచారణకు సుప్రీంకోర్టు గ్రీన్ సిగ్నల్ ఇచ్చింది.
దిల్లీ లిక్కర్ స్కాంకి సంబంధించి కరీంనగర్ లో ఈడీ సోదాలు
కరీంనగర్ లో ఎన్ఫోర్స్మెంట్ డైరెక్టరేట్ బృందం సోదాలు నిర్వహిస్తోంది. దిల్లీ లిక్కర్ స్కాంకి సంబంధించి పలువురి ఇళ్లలో సోదాలు చేస్తున్నట్టుగా సమాచారం. ఇద్దరు రియల్ ఎస్టేట్ బిల్డర్ల ఇళ్లలో సోదాలు జరుగుతున్నట్లు తెలుస్తోంది.
దమ్ముంటే 175 సీట్లలో సింగిల్ గా పోటీచేయి, పవన్‌కు మంత్రి రోజా ఛాలెంజ్
నిన్న వీకెండ్ బై పీకే చూశాం, ఆదివారం వచ్చి అజ్ఞానంగా మాట్లాడిపోతాడు : మంత్రి ఆర్కే.రోజా
2019లో నీమాట శాసనం అన్నావ్. అసెంబ్లీ పైన జనసేన జెండా ఎగరేస్తానన్నావ్. మాకు 45 వస్తాయంటే ... నీకు 130 వస్తాయా
ఇలాంటి సర్వేల వల్లే గతంలో బొక్కబోర్లాపడ్డావ్. నీ మాటలు వింటుంటే నవ్వొస్తోంది
ప్రజలు నిన్ను శాసనసభలో కూడా అడుగు పెట్టనివ్వలేదు
175 చోట్ల పోటీచేసేందుకు జనసేనకు క్యాండెట్లు కూడా లేరు
ముందు కౌన్సిలర్లు, ఎంపీటీసీలుగా మీ పార్టీ వారిని గెలిపించుకో
పవన్ ను చూసి తెలుగు ఇండస్ట్రీ హీరోలంతా తల దించుకుంటున్నారు
2014 లో టీడీపీకి , బీజేపీకి ఓట్లేయించి...ఏం సాధించావ్
రాష్ట్రాన్ని కుక్కలు చించిన విస్తరి చేశావ్ పవన్ కళ్యాణ్
పవన్ కళ్యాణ్ ఒక ప్యాకేజి స్టార్
గతంలో చంద్రబాబును ఎందుకు ప్రశ్నించలేకపోయావ్
విభజన హామీల పై కేంద్రాన్ని ప్రశ్నించకుండా సినిమా షూటింగ్ లు చేసుకున్నావా
పవన్ కు ఇదేనా ఛాలెంజ్
దమ్ముంటే 175 సీట్లలో సింగిల్ గా పోటీచేయి
Delhi Liquor Scam: మాపై వచ్చిన లిక్కర్ ఆరోపణలు నిరాధారమైనవి: ఎంపీ మాగుంట
Delhi Liquor Scam: ఆరోపణలపై ఎంపీ మాగుంట శ్రీనివాసరెడ్డి కామెంట్స్
ప్రకాశం జిల్లా: ఎంపీ మాగుంట శ్రీనివాసరెడ్డి కామెంట్స్
మా పై వచ్చిన లిక్కర్ ఆరోపణలు నిరాధారమైనవి
ఢిల్లీ లిక్కర్ వ్యాపారంలో మేము లేము
మేము 70 ఏళ్ల నుండి లిక్కర్ వ్యాపారం లో ఉన్నాము
8 రాష్ట్రలాలో మా వ్యాపారాలు ఉన్నాయి..ఎక్కడ మచ్చ లేని వ్యాపారం చేస్తున్నాము
మా చెన్నె ,ఢిల్లీ వివాసాల్లో ఇడి దాడులు జరిగాయి...
ఏవిధమైన ఆధారాలు, అక్రమాలు జరగలేదని ఈడి అధికారులు తేల్చారు... పంచనామా లో కూడా ఇదే రాశారు
మా పై నే కాదు ..దేశం లో 32 మంది వ్యాపారుల పై కూడా శోదాలు చేశారు.
మా కుటుంబం రాజకీయాలో ,వ్యాపారాలలో నీతి గా ఉన్నాము
ఎక్కడ అక్రమాలకు పాల్పడిన దాఖలాలు లేవు
2024 లో నా కొడుకు ఒంగోలు ఎంపీ గా పోటీ చేస్తారు..
ఇది కేవలం వ్యాపారపరమైన ఇడి దాడులు గానే భావిస్తున్నాము...ఇడి దాడులు రాజకీయ దాడులు కానే కాదు
Konaseema District: కోనసీమ జిల్లా కలెక్టర్ కార్యాలయం ఎదుట సర్పంచుల ఆందోళన
- మా నిధులు మాకు ఇప్పించండి అంటూ కలెక్టర్ కు చేతులెత్తి మొక్కిన సర్పంచులు
- అంబేద్కర్ కోనసీమ జిల్లా కలెక్టర్ కార్యాలయం ఎదుట సర్పంచుల ఆందోళన
- 14, 15 ఆర్థిక సంఘం నిధులు తక్షణం పంచాయతీలకు ఇవ్వాలని కలెక్టర్ కార్యాలయం ఎదుట ఆందోళనకు దిగిన సర్పంచులు
- గ్రామాల్లో తిరగలేకపోతున్నామంటూ ఆవేదన వ్యక్తం చేసిన సర్పంచ్ లు
- గ్రామాల్లో వీధిలైట్లు, శానిటేషన్ చేయలేని పరిస్థితి నెలకొందని కలెక్టర్ కు వినతులు
- తక్షణం ముఖ్యమంత్రి జగన్మోహన్ రెడ్డి 14, 15 ఆర్థిక సంఘం నిధులు పంచాయతీలకు జమ చేయాలని ఆందోళన
- ముఖ్యమంత్రి జగన్మోహన్ రెడ్డి పంచాయతీలకు నిధులు మంజూరు చేయకపోతే నిరాహారదీక్షకు దిగుతామంటూ హెచ్చరించిన కోనసీమ జిల్లా సర్పంచ్ లు
టాప్ హెడ్ లైన్స్
ట్రెండింగ్ వార్తలు
