Breaking News Live Telugu Updates: దావత్ కోసమే రైతుబంధు డబ్బులు, రైతులు తాగాలి ఊగాలి: తిన్మార్ మల్లన్న

కుమ్రంభీం ఆసిఫాబాద్‌ జిల్లాలో తిన్మార్ మల్లన్న యాత్ర

కుమ్రంభీం ఆసిఫాబాద్ జిల్లా కాగజ్‌నగర్‌ పట్టణంలోని ఎన్.టి.ఆర్.చౌరస్తాలో తీన్మార్ మల్లన్న రోడ్ షో నిర్వహించారు. 7200 ఖండువాలతో రిటైర్డ్ సిఐ దాసరి భూమయ్య తో కలిసి తిన్మార్ మల్లన్న పర్యటించారు. ఈ సందర్భంగా తన యాత్రలో భాగంగా మాట్లాడుతూ.. పలు సంచలన వ్యాఖ్యలు చేశారు. ఈ నెల 28న కేసీఆర్ ఇచ్చే రైతు బంధు డబ్బులు డిసెంబర్ 31వ తేదిన కొత్త సంవత్సరానికి దావత్ కోసమేనని అన్నారు. రైతులు తాగాలి ఊగాలి అని సంచలన వ్యఖ్యాలు చేశారు. తీన్మార్ మల్లన్న యాత్ర చేస్తే ప్రజలకు కేసీఆర్ చేసే దొంగపనులు బయట పడతాయని, అందుకే యాత్రకు అడ్డుపుల్ల వేస్తున్నారని మండిపడ్డారు. ఎస్పిఎం కార్మికుల సమస్యలు పరిష్కారం కోసం కృషి చేయాలని పలువురు కార్మికులు తిన్మార్ మల్లన్న దృష్టికి తిసుకురాగా ఉదయం సిర్పూర్ పేపర్ మిల్లు వద్దకు చేరుకొని అందరితో మాట్లాడాతానన్నారు.

హైదరాబాద్ పాతబస్తీలో కార్పొరేటర్ అల్లుడు దారుణ హత్యకు గురయ్యాడు. లలిత్ బాగ్ కార్పొరేటర్ అల్లుడ్ని దుండగులు హత్య చేశారు. ఎమ్ఐఎమ్ కార్పొరేటర్ కార్యాలయంలో దుండగులు కత్తులతో దాడికి పాల్పడ్డారు. బాధితుడ్ని ఆసుపత్రికి తరలించగా చికిత్స పొందుతూ అతడు మృతి చెందాడు. 

హైదరాబాద్ లో ఈడీ విచారణకు బీఆర్ఎస్ ఎమ్మెల్యే రోహిత్ రెడ్డి హాజరయ్యారు. రోహిత్ రెడ్డి ఆర్థిక లావాదేవీలపై ఈడీ ఆరా తీస్తుంది. విచారణకు హాజరయ్యేందుకు రోహిత్ రెడ్డి గడువు అడగగా అందుకు ఈడీ అధికారులు తిరస్కరించారు. దీంతో సోమవారం మధ్యాహ్నం రోహిత్ రెడ్డి ఈడీ విచారణకు హాజరయ్యారు. 

• మంత్రి మల్లారెడ్డి ఏకపక్ష నిర్ణయాలతో విసిగిపోతున్నామన్న ఐదుగురు ఎమ్మెల్యేలు అరికెపూడి గాంధీ, మాధవరం, కేపీ వివేక్, మైనంపల్లి హనుమంతరావు, బేతి సుభాష్ రెడ్డి)
• మేడ్చల్ జిల్లాలో ఉన్న పదవులన్నీ మేడ్చల్ నియోజకవర్గానికి మాత్రమే పరిమితమవుతున్నాయని ధ్వజమెత్తిన ఎమ్మెల్యేలు
• మంత్రి మల్లారెడ్డి చేష్టలతో జిల్లా పదవుల విషయంలో విసిగిపోతున్నామని ఆవేదన
• మంత్రి కేటీఆర్, సీఎం కేసీఆర్ దృష్టికి మంత్రి మల్లారెడ్డి అంశం తీసుకువెళ్లి జిల్లాలో మంత్రి పెత్తనంపై ఫిర్యాదు చేస్తామన్న కూకట్ పల్లి ఎమ్మెల్యే
• నిన్న మార్కెట్ కమిటీ ఛైర్మన్ విషయంలో కేటీఆర్ స్థాయి వరకు అంశం తీసుకువెళ్లినా రాత్రికి రాత్రే జీవో పాస్ చేసి భాస్కర్ యాదవ్ అనే వ్యక్తిని ప్రమాణస్వీకారం చేయించాడన్న మైనంపల్లి
• మంత్రి మల్లారెడ్డి అవకాశం వచ్చిన వ్యక్తులకే మళ్లీ మళ్లీ పదవులను కట్టబెడుతు పంతం నెగ్గించుకుంటున్నాడని ఆవేదన వ్యక్తం చేసిన మైనంపల్లి

ఎమ్మెల్యే పైలట్ రోహిత్ రెడ్డి చేసిన వినతిని ఎన్ఫోర్స్‌మెంట్ డైరెక్టరేట్ తిరస్కరించింది. విచారణకు రావాల్సిందేనని ఆదేశించింది. దీంతో మధ్యాహ్నం 3 గంటలకు రోహిత్ రెడ్డి ఈడీ అధికారుల ఎదుట హాజరుకానున్నారు.

• రంగారెడ్డి జిల్లా మహేశ్వరం నియోజకవర్గం సరూర్ నగర్ ప్రభుత్వ జూనియర్ కళాశాల  విద్యార్థులు, ఎదుర్కొంటున్న సమస్యలు పరిష్కరించాలని కళాశాల ముందు ఆందోళనకు దిగిన విద్యార్థులు.
• విద్యాశాఖ మంత్రి సబితా ఇంద్రారెడ్డి, కమిషనర్ ఇక్కడికొచ్చి సమస్యను పరిష్కరించాలని విద్యార్థుల డిమాండ్
• తమ సమస్యలపై స్పందించని అధికారుల వైఖరి నశించాలని ఆందోళన
• కళాశాలలో 400 మంది విద్యార్థినులు ఉంటే కేవలం ఒకే ఒక వాష్ రూమ్ ఉందని, ఆ వాష్ రూమ్ లో కూడా ఎలాంటి సదుపాయాలు లేవని  ఆవేదన
• 300 మంది బాయ్స్ కు వాష్ రూమ్స్ లేదని కళాశాలకు వచ్చిన తర్వాత టాయ్ లెట్స్ రాకుండా టాబ్లెట్లు వేసుకుంటున్నారని విద్యార్థుల ఆవేదన

అల్లూరి సీతారామరాజు జిల్లా ఏజెన్సీ ఏరియాలో మంత్రి రోజా పర్యటించారు. లంబసింగి వద్ద మూడు కోట్లతో నిర్మిస్తున్న హరిత రిసార్ట్స్‌ను ఆమె ప్రారంభించారు. ఈ సందర్భంగా అరకు ఎంపీ మాధవి, ఎమ్మెల్యే భాగ్యలక్ష్మి, జడ్పీటీసీ ఛైర్ పర్సన్ సుభద్రతో కలిసి డ్యాన్స్ చేశారు. ఏజెన్సీ సంప్రదాయమైన థింసా నృత్యానికి అనుకూలంగా స్టెప్పులు వేస్తూ చూపరులను కనువిందు చేశారు. థింసా నృత్యానికి స్టెప్పులేసిన రోజా విశేషంగా ఆకట్టుకున్నారు. పలు జిల్లాలో పర్యటిస్తున్న మంత్రి రోజా తనదైన శైలిలో ప్రత్యర్ధులకు విమర్శంచడంలో చెయ్యడంలో దూకుడు ప్రదర్శిస్తూనే ... తన హావభావాలతో అలరించడంతో జరిగే కార్యక్రమాల్లో రోజా హైలెట్ గా నిలుస్తున్నారు.

బెంగళూరు డ్రగ్స్ వ్యవహారంలో బీఆర్ఎస్ ఎమ్మెల్యే పైలట్ రోహిత్ రెడ్డిని నేడు ఈడీ విచారణ చేయాల్సి ఉండగా, ఆయన హాజరు కావడం లేదు. ఈడీ ఎదుట హాజరు అయ్యేందుకు తనకు ఇంకా సమయం కావాలని రోహిత్ రెడ్డి ఈడీకి లేఖ రాశారు. ఈ నెల 25 సమయం ఇవ్వాలని కోరారు. అంతకుముందు రోహిత్ రెడ్డి ప్రగతి భవన్‌కు చేరుకొని సీఎం కేసీఆర్‌తో సుదీర్ఘంగా చర్చలు జరిపారు. గత శుక్రవారం నాడు రోహిత్ రెడ్డికి ఈడీ నోటీసులు అందిన సంగతి తెలిసిందే. అయితే, రోహిత్ రెడ్డి తాజాగా చేసిన వినతిపై ఈడీ అధికారులు అంగీకరిస్తారా లేదా అనేది చూడాల్సి ఉంది.