Breaking News Live Telugu Updates: పోలవరం ప్రాజెక్టు నిర్ణీత గడువులోపు పూర్తి కావడం కష్టమే - కేంద్రం
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
LIVE
Background
ఉత్తర తమిళనాడు మీదుగా ఏర్పడిన తీవ్ర అల్ప పీడనం మరింత బలహీన పడి అల్పపీడనంగా మారింది. దీని కారణంగా తమిళనాడుతోపాటు దానికి ఆనుకొని ఉన్న ప్రాంతాలపై ప్రభావం చూపనుంది. మాండౌస్ తుపాను బలహీన పడి కర్ణాటక మంగళూరు ప్రాంతం దగ్గరగా అల్పపీడనంగా కొనసాగుతోంది.
అల్పపీడనం కారణంగా ఫుల్‌గా వర్షాలు పడతాయని వాతావరణ శాఖ వెల్లడించింది. రాయలసీమతోపాటు నెల్లూరుసహా కోస్తా ప్రాంతాల్లో వర్షాలు జోరందుకోనున్నాయి. ఇప్పటికే కొన్ని జిల్లాలో వర్షాలు దంచి కొట్టాయి. రెండు రోజుల పాటు ఇలాంటి పరిస్థితే ఉంటుందని చెబుతోంది వాతావరణ శాఖ.
వివిధ ప్రాంతాల్లోకురిసిన వర్షపాతాలు ఇలా ఉన్నాయి.
ఆత్మకూరు(నెల్లూరు జిల్లా)-13, మార్కాపూర్ (ప్రకాశం జిల్లా) 10, అమలాపురం (తూర్పుగోదావరి జిల్లా) 10, వెలిగండ్ల (ప్రకాశం జిల్లా) 9, కందుకూరు (ప్రకాశం జిల్లా) 9, మర్రిపూడి (ప్రకాశం జిల్లా) 8, ఒంగోలు (ప్రకాశం జిల్లా) 8, ఉదయగిరి (నెల్లూరు జిల్లా) 8, పొదిలి (ప్రకాశం జిల్లా) 7, అవనిగడ్డ (కృష్ణా జిల్లా) 7, కొనకనమిట్ల (ప్రకాశం జిల్లా) 7; తంబళ్లపల్లె (చిత్తూరు) 7, వెంకటగిరి కోట (చిత్తూరు జిల్లా) 7, పెనగలూరు (వైఎస్ఆర్ జిల్లా) 7, ఆరోగ్యవరం (చిత్తూరు జిల్లా) 7 సెంటీ మీటర్ల వర్షపాతం నమోదైంది.
మాండౌస్ తుపాను అరేబియాలోకి వెళ్లి అల్పపీడనంగా కొనసాగుతున్నందున... బంగాళాఖాతంలో ఉన్న తేమ గాలులను లాక్కుంటుంది. అందుకని ఆంధ్రప్రదేశ్ , తెలంగాణ, కర్నాటక, తమిళనాడులోని చాలా ప్రాంతాల్లో వర్షాలు పడవచ్చని తెలుస్తోంది.
వర్షాలు పడే అవకాశం ఉన్న జిల్లాలు
ప్రకాశం జిల్లా, నెల్లూరు జిల్లా, అనంతపురం, కర్నూలు జిల్లాల్లో తేలికపాటి నుంచి భారీ వర్షాలు పడొచ్చు.
కృష్ణా, గుంటూరు, ఏలూరు, కోనసీమ జిల్లాల్లో తేలికపాటి వర్షాలు పడతాయని ఏపీ వెదర్‌ మ్యాన్ చెప్పారు. విశాఖలో తుంపరులు పడొచ్చు.
కేరళకు ఆనుకొని ఈ అల్పపీడనం ఒకట్రెండు రోజుల్లో ఏర్పడ వచ్చని చెబుతోంది. దీని ఫలితంగా సముద్రం అల్లకల్లోలంగా ఉంటుందని మత్స్యకారులు చేపల వేటకు వెళ్లొద్దని సూచించింది.
తెలంగాణలో వాతావరణం
మాండౌస్ ప్రభావం తెలంగాణపై కూడా ఉంది. దక్షిణ తెలంగాణలో ఇప్పటికే జోరు వానలు పడుతున్నాయి. హైదరాబాద్‌లో నిన్న సాయంత్రం నుంచి తేలికపాటి వర్షాలు కురుస్తున్నాయి. ఇవాళ కూడా అదే పరిస్థితి ఉండొచ్చని అంచనా. ఉత్తర తెలంగాణలో చాలా తక్కువ ప్రాంతాల్లో జల్లులు పడే అవకాశం ఉంది. దీని ప్రభావంతో మిగతా జిల్లాల్లో చలి తీవ్ర పెరగొచ్చు.
13వ తేదీ నుంచి వర్షాలు తగ్గుముఖం పట్టనున్నాయి. 14వ తేదీ నాటికి పూర్తిగా వర్షాలు తగ్గుముఖ పట్టనున్నాయి. అయితే బంగాళాఖాతంలో త్వరలోనే మరో అల్పపీడనం ఏర్పడే సూచనలు కనిపిస్తున్నాయి. ఇది ఎలా ప్రయాణిస్తుందనే విషయంలో ఇంకా క్లారిటీ రాలేదు. ఇది శ్రీలంక మీదుగా వెళ్లే ఛాన్స్ ఎక్కువగా ఉందని కొన్ని రాడార్స్ చెబుతుంటే.. లేదు కేరళపై ఎఫెక్ట్ ఉంటుందని మరికొన్ని చెబుతున్నాయి. రెండు మూడు రోజుల్లో దీనిపై క్లారిటీ వస్తుందని ఏపీ వెదర్‌మ్యాన్ చెబుతున్నారు.
పోలవరం ప్రాజెక్టు నిర్ణీత గడువులోపు పూర్తి కావడం కష్టమే - కేంద్రం
పోలవరం ప్రాజెక్టు నిర్ణీత గడువులోపు పూర్తి కావడం కష్టమని కేంద్ర ప్రభుత్వం స్పష్టం చేసింది. పోలవరం ప్రాజెక్టు నిర్మాణం, ఖర్చు, జాప్యంపై రాజ్యసభలో వైసీపీ ఎంపీ సుభాష్ చంద్రబోస్ అడిగిన ప్రశ్నకు కేంద్ర జల శక్తి శాఖ సహాయ మంత్రి బిశ్వేశ్వర్‌ టుడు సమాధానం చెప్పారు. షెడ్యూల్‌ ప్రకారం 2024 మార్చి నాటికి పోలవరం పూర్తి కావాల్సి ఉందని కేంద్రం తెలిపింది. కానీ పలు కారణాల దృష్ట్యా ఈ గడువులోపు ప్రాజెక్టు పూర్తి కావడం కష్టమని వెల్లడించింది.
Pawan Kalyan Varahi Vehicle: పవన్ కళ్యాణ్ వాహనం వారాహికి గ్రీన్ సిగ్నల్
- వారాహి రిజిస్ట్రేషన్ కు తెలంగాణ రవాణా శాఖ అనుమతి
- వాహనాలకు ఆలివ్ గ్రీన్ వాడొద్దని రూల్ ఉంది
- వారాహి రంగు ఎమరాల్డ్ గ్రీన్ అని నిర్ధారించిన అధికారులు
- వెహికల్ బాడీ బిల్డర్ ఇచ్చిన సర్టిఫికెట్‌ను పరిశీలించాం
- ఆలివ్ గ్రీన్ ఎమరాల్డ్ గ్రీన్ మధ్య సిమిలారిటీ ఉంది
- మా దగ్గరకు వచ్చినప్పుడు అన్ని నిబంధనలు ఉన్నాయి
- నిబంధనల ప్రకారం వాహనం రంగు ఉండటంతో అనుమతించిన అధికారులు
- అందుకే అనుమతినిచ్చాం
- వారం రోజుల క్రితమే TS 13 EX 8384 నెంబరుతో రిజిస్ట్రేషన్ పూర్తి
- ట్రాన్స్‌పోర్ట్ డిప్యూటీ కమిషనర్ ఆఫ్ తెలంగాణ పాపారావు
Ram Charan Becomes Father: తండ్రి కాబోతున్న రామ్ చరణ్
మెగా అభిమానులకు గుడ్ న్యూస్. మెగా పవర్ స్టార్ రామ్ చరణ్ తండ్రి కాబోతున్నారు. ఈ విషయాన్ని చిరంజీవి స్వయంగా తెలిపారు. ‘‘ఉపాసన - రామ్ చరణ్ దంపతులు తల్లిదండ్రులు కాబోతున్నారు. ఈ విషయాన్ని మీతో పంచుకోవడానికి సంతోషిస్తున్నాము’’ అని మెగాస్టార్ చిరంజీవి ట్వీట్ చేశారు.
— Chiranjeevi Konidela (@KChiruTweets) December 12, 2022
Mythri Movie Makers: మైత్రీ మూవీ మేకర్స్ కార్యాలయాల్లో ఐటీ అధికారుల సోదాలు
ప్రముఖ సినీ నిర్మాణ సంస్థ మైత్రీ మూవీ మేకర్స్ పై ఐటీ దాడులు జరుగుతున్నాయి. నేడు ఉదయం నుంచి మైత్రీ మూవీ మేకర్స్ కార్యాలయంలో ఐటీ అధికారులు సోదాలు చేస్తున్నారు. ఈ సంస్థకు చెందిన అన్ని ఆఫీసులు, ఇళ్లలో ఐటీ అధికారులు తనిఖీలు చేపట్టారు. ప్రొడ్యూసర్స్ రవిశంకర్, నవీన్ ఎర్నేని, మోహన్ ఇళ్లలో తనీఖీలు చేపట్టారు. ప్రస్తుతం ఈ నిర్మాణ సంస్థ వీరసింహా రెడ్డి, పుష్ప 2, ఉస్తాద్ భగత్ సింగ్ చిత్రాలను నిర్మిస్తున్న సంగతి తెలిసిందే. పవన్ కల్యాణ్ హీరోగా రానున్న ఉస్తాద్ భగత్ సింగ్ సినిమా ఇటీవలే మొదలైన సంగతి తెలిసిందే.
Visakhapatnam News: ఈ నెల 26 న విశాఖలో కాపు నాడు బహిరంగ సభ
- రాధా - రంగా రీయూనియన్ అధ్వర్యంలో ఈ నెల 26 న విశాఖలో కాపు నాడు బహిరంగ సభ
- పోస్టర్ రిలీజ్ కార్యక్రమంలో పాల్గొన్న మాజీ మంత్రి గంటా శ్రీనివాస రావు, పద్మశ్రీ డాక్టర్ సుంకర ఆదినారాయణ
- ఈ సందర్భంగా గంటా శ్రీనివాసరావు కీలక కామెంట్స్
- ప్రతీ కార్యక్రమం అనివార్యంగా రాజకీయాలతో ముడిపడే ఉంటుంది
- ఈ కాపునాడు సభకు కూడా ఉన్న రాజకీయ అజెండాను ఆర్గనైజర్స్ సరైన సమయంలో వివరిస్తారు
- ఈ కాపునాడు సభ నేను లీడ్ తీసుకుంటున్నానన్నది సరికాదు
- రాజకీయాలకు అతీతంగా కాపు నాడు సభ జరుగుతుంది
- పార్టీ మార్పుపై నేనెప్పుడూ మాట్లాడలేదు
- ఆంధ్రా రాజకీయాల్లో రంగా పాత్ర చారిత్రాత్మకం
- ఆయన వర్ధంతి సందర్భంగా నిర్వహిస్తున్న కాపునాడు సభ విజయవంతం చేయాల్సిన అవసరం ఉంది
- పద్మశ్రీ డాక్టర్ సుంకర ఆదినారాయణ కామెంట్స్
- కాపులలో ఐక్యత లేదన్న నానుడిని మార్చేలా సామాజిక వర్గం ముందుకు వెళ్ళాలి
- ఐక్యత లేకపోతే ప్రాధాన్యత ఉండదు
Anantha Babu MLC: ఎమ్మెల్సీ అనంతబాబుకు బెయిల్ మంజూరు
డ్రైవర్ సుబ్రహ్మణ్యం హత్య కేసులో ప్రస్తుతం జైలులో ఉన్న వైఎస్ఆర్ సీపీ నాయకుడు, ఎమ్మెల్సీ అనంతబాబుకు సుప్రీంకోర్టులో ఊరట లభించింది. ఆయనకు సుప్రీంకోర్టు మధ్యంతర బెయిల్ ను మంజూరు చేసింది.
Srisailam Weather: శ్రీశైలంలో రెండ్రోజులుగా పడుతున్న వర్షం
శ్రీశైలం మహాక్షేత్రంలో మాండూస్ తుఫాన్ ప్రభావంతో గత రెండురోజులగా వర్షం దంచికొడుతుంది. తుపాను ప్రభావంతో మండల పరిధిలో ఎడతెరిపి లేకుండా వర్షం కురుస్తుంది. దీనితో వర్షం సైతం లెక్కచేయకుండా కొందరు భక్తులు వర్షంలో తడుస్తూ శ్రీ భ్రమరాంబ మల్లికార్జున స్వామి అమ్మవార్ల దర్శనానికి వెళ్తుంటే శివస్వాములు నెత్తిపై ఇరుముడితో వర్షంలో తడుస్తూ మల్లన్న దర్శనానికి వెళ్తున్నారు. మరికొందరు భక్తులు మాత్రం వర్షం తగ్గకుండా కురుస్తుండటంతో గొడుగులతో ఆలయానికి వెళ్తున్నారు ఈరోజు సోమవారం కావడంతో శ్రీశైల క్షేత్రంలో స్వల్పంగా భక్తుల తాకిడి పెరిగింది. దీనితో స్వామి అమ్మవార్ల దర్శనానికి సుమారు 2 గంటల సమయం పడుతుంది. వర్షంతో పాటుగా చలి కూడా తీవ్రత ఎక్కువగా ఉండటంతో స్థానికులు సైతం బయటకు రావడం లేదు. ఇప్పటికే ప్రధాన వీధులన్నీ వర్షంతో తడిసి చిత్తడి చిత్తడిగా మారాయి.
AP News: బడ్జెట్ కేటాయింపులపై మొదలైన కసరత్తు
- ఏపీ వచ్చే ఏడాది బడ్జెట్ కోసం మొదలైన కసరత్తు
- వచ్చే ఆర్థిక సంవత్సరం బడ్జెట్ కేటాయింపులపై ప్రభుత్వం కసరత్తు
- ఇవాళ్టి నుంచి శాఖల వారీగా ఆర్థిక శాఖ అధికారులు సమావేశం
- ఈ ఆర్థిక సంవత్సరం ఖర్చులు, వచ్చే ఏడాది కేటాయింపులపై చర్చ
- ఐదు రోజులపాటు అన్ని శాఖల అధికారులతో ఆర్థిక శాఖ సమావేశాలు
Jeedimetla: ఇంటి ఓనర్ అసభ్య ప్రవర్తన
- జీడిమెట్ల పీఎస్ పరిధి అయోధ్య నగర్ లో 10 సంవత్సరాల బాలికతో ఇంటి ఓనర్ అసభ్య ప్రవర్తన
- బాలిక తల్లిదండ్రులు ఇంట్లో ఎవరు లేని సమయంలో ఘటన
- పనుల నుంచి ఇంటికి వచ్చిన తల్లికి విషయం చెప్పడంతో, పోలీసులను ఆశ్రయించిన కుటుంబం
- బాధితులు బిహార్ కు చెందిన ఫ్యామిలీ
- అర్ధరాత్రి ఫిర్యాదు చేసిన బాధితులు
- ఫోక్సో చట్టం కింద కేసు నమోదు చేసిన పోలీసులు
Nalgonda News: నల్గొండ జిల్లాలో ప్రమాదం, కాలేజీ బస్సు బోల్తా
నల్గొండ జిల్లా నకిరేకల్ శివారులో నర్సింగ్ కాలేజీ విద్యార్థులు ప్రయాణిస్తున్న బస్సును ఓ లారీ ఢీకొంది. లారీ కాలేజీ బస్సును వెనుక గుద్దింది. ఆ ధాటికి బస్సు బోల్తా పడడంతో లోపల ఉన్న విద్యార్థులు గాయపడ్డారు. 10 మంది విద్యార్థినులకు తీవ్ర గాయాలు అయినట్లుగా తెలుస్తోంది.
టాప్ హెడ్ లైన్స్
ట్రెండింగ్ వార్తలు
and tablets
