Uttam Kumar Reddy: మంత్రి ఉత్తమ్ కాన్వాయ్‌కు ప్రమాదం - ఒకదానికొకటి ఢీకొన్న వాహనాలు, మంత్రి సేఫ్

Telangana News: మంత్రి ఉత్తమ్ కుమార్ కాన్వాయ్‌కు ప్రమాదం జరిగింది. డ్రైవర్ ఒక్కసారిగా బ్రేక్ వేయడంతో వెనుక ఉన్న వాహనాలు ఒకదానికొకటి ఢీకొన్నాయి.

మంత్రి ఉత్తమ్ కాన్వాయ్‌కు ప్రమాదం

Source : ABP Desam

Accident In Minister Uttam Kumar Convoy: తెలంగాణ మంత్రి ఉత్తమ్ కుమార్ (Uttam Kumar) కాన్వాయ్‌కు శుక్రవారం ప్రమాదం జరిగింది. హుజూర్‌నగర్ నుంచి జాన్‌పహాడ్ ఉర్సు ఉత్సవాలకు వెళ్తుండగా.. సూర్యాపేట మండల కేంద్రమైన గరిడేపల్లిలో కాన్వాయ్‌ని ఒక్కసారిగా ఆపడంతో వెనక నుంచి వస్తున్న వాహనాలు ఒకదానికొకటి ఢీ కొన్నాయి. 8 కార్ల ముందు భాగాలు ధ్వంసమయ్యాయి. మంత్రి ఉత్తమ్‌కు ఎలాంటి ప్రమాదం జరగకపోవడంతో భద్రతా సిబ్బంది, నేతలు, కార్యకర్తలు ఊపిరి పీల్చుకున్నారు. ఈ ఘటనతో కొంతసేపు ఆందోళన నెలకొంది.