వాట్సాప్‌లో కాల్ రికార్డింగ్ కూడా? - 2023లో రానున్న ఫీచర్లు ఇవే!
2023లో ఈ వాట్సాప్ ఫీచర్లు లాంచ్ అయ్యే అవకాశం ఉంది.
WhatsApp Messenger: ఇన్‌స్టంట్ మెసెంజర్ యాప్ వాట్సాప్ వినియోగదారుల సంఖ్య భారతదేశంలో చాలా ఎక్కువ. వాట్సాప్ తన పోటీదారులతో పోలిస్తే అప్‌డేట్‌ల విషయంలో చాలా నెమ్మదిగా ఉంది. టెలిగ్రామ్ తన వినియోగదారుల కోసం దాదాపు ప్రతి నెలా ఏదో ఒక కొత్త ఫీచర్‌ను అప్‌డేట్ చేస్తూనే ఉంటుంది. ఈ సంవత్సరం ముగియబోతున్నా ఇప్పటికీ కొన్ని ముఖ్యమైన ఫీచర్లు WhatsAppలో కనిపించలేదు. వచ్చే ఏడాది వాట్సాప్‌లో ఈ ఫీచర్లు కనిపించే అవకాశం ఉంది.
షెడ్యూల్ మెసేజ్
ప్రస్తుతం వాట్సాప్ తన వినియోగదారులకు ఆటోమేటిక్ మెసేజ్ డిలీషన్ ఆప్షన్‌ను ఇస్తుంది. అయితే మెసేజ్ షెడ్యూలింగ్ కోసం ఇంకా ఆప్షన్ లేదు. కొందరికి మెసేజ్ షెడ్యూలింగ్ ఆప్షన్ చాలా ముఖ్యమైనది. వాట్సాప్‌ను తమ పని కోసం కూడా ఉపయోగిస్తూ, అవసరమైతే రాత్రిపూట ఎవరి ప్రైవసీలో జోక్యం చేసుకోకుండా తమ ఉద్యోగులకు ఉదయాన్నే నోటిఫికేషన్‌లు పంపాలనుకుంటున్నారు.
మెసేజ్ ఎడిట్ చేయడం
ప్రస్తుతం వాట్సాప్‌లో మెసేజ్ డిలీట్ చేసే ఆప్షన్ తప్ప ఎడిట్ చేసే అవకాశం లేదు. త్వరలో ఈ ఫీచర్‌ను కూడా కంపెనీ అందుబాటులోకి తీసుకురానుందని వార్తలు వస్తున్నాయి.
మెసేజ్ అన్‌సెండ్ చేయడం
ప్రస్తుతం వాట్సాప్‌లో పొరపాటున పంపిన మెసేజ్‌ను డిలీట్ చేసే ఆప్షన్ మాత్రమే ఉంది. అయితే మెసేజ్ డిలీట్ చేసిన తర్వాత, తొలగించినట్లు తెలుస్తుంది. ఇన్‌స్టాగ్రామ్‌లో ఈ ఫీచర్ ఇప్పటికే అందుబాటులో ఉంది. కాబట్టి త్వరలో వాట్సాప్‌కు కూడా వస్తుందనుకోవచ్చు.
వెనీషియన్ మోడ్
ఇన్‌స్టాగ్రామ్, ఫేస్‌బుక్ మెసెంజర్ మాదిరిగానే వాట్సాప్ కూడా తన వినియోగదారులకు మరో గొప్ప ఫీచర్‌ను అందుబాటులో ఉంచవచ్చు. ఈ ఫీచర్ వినియోగదారులకు తాత్కాలిక చాట్ థ్రెడ్‌ను సృష్టించే అవకాశాన్ని ఇస్తుంది. ఇది చాట్ ముగిసిన వెంటనే ఆటోమేటిక్‌గా డిలీట్ అవుతుంది. చాలా సున్నితమైన సమాచారాన్ని షేర్ చేసుకునే వారికి ఈ ఆప్షన్ చాలా ఉపయోగకరంగా ఉంటుంది.
కాల్ రికార్డింగ్
వాట్సాప్‌లో ఈ ఫీచర్ వస్తుందా అని చాలా మంది వాట్సాప్ వినియోగదారులు ఎదురుచూస్తూ ఉన్నారు. వాస్తవానికి ఈ ఫీచర్‌ను దుర్వినియోగం చేసే అవకాశం కూడా ఉంది. కానీ వాట్సాప్ తన ప్రత్యర్థులకు సవాలును ఇస్తూ, లాస్ట్ సీన్, ఆన్‌లైన్ ఫీచర్‌ల మాదిరిగానే కాల్ రికార్డింగ్‌ను ఆన్ లేదా ఆఫ్ చేసే ఆప్షన్‌ను కూడా అందించే అవకాశం ఉంది.
Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
