![ABP Premium](https://cdn.abplive.com/imagebank/Premium-ad-Icon.png)
Vivo Y74s: 256 జీబీ స్టోరేజ్తో వివో కొత్త ఫోన్.. మిగతా ఫీచర్లు ఎలా ఉన్నాయి? ధర ఎంత?
ప్రముఖ స్మార్ట్ ఫోన్ బ్రాండ్ వివో కొత్త స్మార్ట్ ఫోన్ను సైలెంట్గా లాంచ్ చేసింది. అదే వివో వై74ఎస్.
![Vivo Y74s: 256 జీబీ స్టోరేజ్తో వివో కొత్త ఫోన్.. మిగతా ఫీచర్లు ఎలా ఉన్నాయి? ధర ఎంత? Vivo Y74s 5G Launched With 256GB Storage Know Price Specifications Details Vivo Y74s: 256 జీబీ స్టోరేజ్తో వివో కొత్త ఫోన్.. మిగతా ఫీచర్లు ఎలా ఉన్నాయి? ధర ఎంత?](https://feeds.abplive.com/onecms/images/uploaded-images/2021/11/22/b13121e1c68af2c2bf1eb5f98612c6f6_original.jpg?impolicy=abp_cdn&imwidth=1200&height=675)
వివో వై74ఎస్ స్మార్ట్ ఫోన్ చైనాలో సైలెంట్గా లాంచ్ అయింది. ఇందులో వెనకవైపు రెండు కెమెరాలు అందించారు. వాటర్ డ్రాప్ తరహా నాచ్ ఉన్న డిస్ప్లే కూడా ఇందులో ఉంది. మీడియాటెక్ డైమెన్సిటీ 810 ప్రాసెసర్పై ఈ ఫోన్ పనిచేయనుంది. ఆండ్రాయిడ్ 11 ఆపరేటింగ్ సిస్టంను ఇందులో అందించారు.
వివో వై74ఎస్ ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 256 జీబీ స్టోరేజ్ ఉన్న ఈ వేరియంట్ ధరను 2,299 యువాన్లుగా(సుమారు రూ.26,800) నిర్ణయించారు. గెలాక్సీ బ్లూ, స్టారీ నైట్ బ్లాక్ రంగుల్లో ఈ ఫోన్ కొనుగోలు చేయవచ్చు. ఇవి మనదేశంలో ఇంకా లాంచ్ కాలేదు. ఎప్పుడు లాంచ్ అవుతాయో కంపెనీ తెలపలేదు.
వివో వై74ఎస్ స్పెసిఫికేషన్లు
ఆండ్రాయిడ్ 11 ఆధారిత ఆరిజిన్ఓఎస్ 1.0 ఆపరేటింగ్ సిస్టంపై పనిచేయనుంది. ఇందులో 6.58 అంగుళాల ఫుల్ హెచ్డీ+ డిస్ప్లేను అందించారు. దీని యాస్పెక్ట్ రేషియో 20:9గానూ, స్క్రీన్ టు బాడీ రేషియో 90.61 శాతంగా ఉంది. 8 జీబీ ర్యామ్, 256 జీబీ స్టోరేజ్తో ఈ ఫోన్ లాంచ్ అయింది. దీన్ని మైక్రో ఎస్డీ కార్డు ద్వారా 1 టీబీ వరకు పెంచుకోవచ్చు.
దీని బ్యాటరీ సామర్థ్యం 4100 ఎంఏహెచ్గా ఉంది. 44W ఫాస్ట్ చార్జింగ్ను ఇది సపోర్ట్ చేయనుంది. దీని మందం 0.78 సెంటీమీటర్లుగానూ, బరువు 175 గ్రాములుగానూ ఉంది. ఆక్టాకోర్ మీడియాటెక్ డైమెన్సిటీ 810 ప్రాసెసర్పై వివో వై74ఎస్ పనిచేయనుంది.
ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 2 మెగాపిక్సెల్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.
5జీ, 4జీ ఎల్టీఈ, వైఫై, బ్లూటూత్ వీ5.1, జీపీఎస్/ఏ-జీపీఎస్, యూఎస్బీ టైప్-సీ పోర్టు, 3.5 ఎంఎం హెడ్ఫోన్ జాక్ వంటి కనెక్టివిటీ ఫీచర్లు ఇందులో అందించారు. యాక్సెలరో మీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్లు ఇందులో ఉన్నాయి. ఫింగర్ ప్రింట్ సెన్సార్ను ఫోన్ పక్కభాగంలో అందించారు.
Also Read: OnePlus RT: మనదేశంలో వన్ప్లస్ కొత్త ఫోన్.. ఫీచర్లు సూపర్.. ధర ఎంతంటే?
Also Read: Infinix New Phone: రూ.6 వేలలోనే కొత్త స్మార్ట్ఫోన్.. 6000 ఎంఏహెచ్ బ్యాటరీ.. మిగతా ఫీచర్లు?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
Also Read: 7 అంగుళాల భారీ డిస్ప్లేతో హానర్ కొత్త ఫోన్.. అదిరిపోయే ఫీచర్లు.. 5జీ కూడా!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)