Tecno Pop 5 Pro: 6000 ఎంఏహెచ్ బ్యాటరీతో కొత్త ఫోన్ లాంచ్.. ధర రూ.9 వేలలోపే!

ప్రముఖ స్మార్ట్ ఫోన్ బ్రాండ్ టెక్నో మనదేశంలో కొత్త బడ్జెట్ ఫోన్ లాంచ్ చేసింది. అదే టెక్నో పాప్ 5 ప్రో.

టెక్నో పాప్ 5 ప్రో స్మార్ట్ ఫోన్ మనదేశంలో లాంచ్ అయింది. (Image Credit: Tecno)

టెక్నో పాప్ 5 ప్రో స్మార్ట్ ఫోన్ మనదేశంలో లాంచ్ అయింది. ఇందులో 6.52 అంగుళాల హెచ్‌డీ+ డిస్‌ప్లేను అందించారు. దీని బ్యాటరీ సామర్థ్యం 6000 ఎంఏహెచ్‌గా ఉంది. ఆండ్రాయిడ్ 11 గో ఎడిషన్ ఆపరేటింగ్ సిస్టంపై ఈ ఫోన్ పనిచేయనుంది. ఐపీఎక్స్2 రేటింగ్ కూడా ఇందులో అందించారు.

టెక్నో పాప్ 5 ప్రో ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 3 జీబీ ర్యామ్, 32 జీబీ స్టోరేజ్‌తో వచ్చిన ఈ వేరియంట్ ధరను రూ.8,499గా నిర్ణయించారు. డీప్‌సీ లస్టర్, ఐస్ బ్లూ, స్కై సియాన్ రంగుల్లో దీన్ని ఈ ఫోన్ కొనుగోలు చేయవచ్చు. అమెజాన్, ఫ్లిప్‌కార్ట్‌ల్లో ఈ ఫోన్ అందుబాటులో ఉండనుంది.

టెక్నో పాప్ 5 ప్రో స్పెసిఫికేషన్లు
ఆండ్రాయిడ్ 11 గో ఎడిషన్ ఆధారిత హైఓఎస్ 7.6 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.52 అంగుళాల హెచ్‌డీ+ ఎల్సీడీ డిస్‌ప్లేను అందించారు. 120 హెర్ట్జ్ వరకు టచ్ శాంప్లింగ్ రేట్ కూడా ఇందులో ఉండనుంది. స్క్రీన్ టు బాడీ రేషియో 90 శాతంగా ఉంది.

3 జీబీ వరకు ర్యామ్, 32 జీబీ వరకు స్టోరేజ్ కూడా ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 256 జీబీ వరకు పెంచుకోవచ్చు. ఇందులో వెనకవైపు 8 మెగాపిక్సెల్ కెమెరా, ఏఐ లెన్స్ అందించారు. ఏఐ పొర్‌ట్రెయిట్ మోడ్, హెచ్‌డీఆర్ మోడ్ వంటి ఫీచర్లు ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరాను అందించారు.

దీని బ్యాటరీ సామర్థ్యం 6000 ఎంఏహెచ్‌గా ఉంది. 54 గంటల టాక్ టైం, 120 గంటల మ్యూజిక్ ప్లేబ్యాక్‌ను ఈ ఫోన్ అందించనుందని కంపెనీ తెలిపింది. బ్యాటరీ లైఫ్ పెంచడం కోసం అల్ట్రా పవర్ సేవింగ్ మోడ్ కూడా ఇందులో టెక్నో అందించింది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి