Jio Best Prepaid Plan: రూ.9కే డైలీ 2 జీబీ డేటా - జియో దగ్గరున్న ఈ సూపర్ ప్లాన్ మీకు తెలుసా?

Jio Best Prepaid Rs 3599 Plan: రిలయన్స్ జియో దగ్గర బెస్ట్ యాన్యువల్ ప్లాన్ అందుబాటులో ఉంది. అదే జియో రూ.3,599 ప్లాన్. అసలు ఈ ప్లాన్ లాభాలు ఏంటి? ఎంత డేటా వస్తుంది?

ప్రతీకాత్మక చిత్రం

Source : ABP Gallery

Reliance Jio: దేశంలోని ప్రముఖ టెలికాం కంపెనీలు రిలయన్స్ జియో, ఎయిర్‌టెల్, వొడాఫోన్ ఐడియా తమ ప్రీపెయిడ్ ప్లాన్‌ల ధరలను పెంచాయి. దీని ఫలితంగా చాలా మంది వినియోగదారులు బీఎస్ఎన్ఎల్‌కి పోర్ట్ అవుతున్నారు. బీఎస్ఎన్ఎల్ దేశవ్యాప్తంగా తన 4జీ సేవలను వేగంగా ప్రారంభించేందుకు ప్రయత్నిస్తోంది. 2025 మధ్య నాటికి లక్ష టవర్లను ఇన్‌స్టాల్ చేయాలనే లక్ష్యంతో ఉంది. అయితే ప్రస్తుతం జియో 47 కోట్లకు పైగా సబ్‌స్క్రైబర్లతో దేశంలో అతిపెద్ద టెలికాం కంపెనీగా కొనసాగుతోంది. జియో ఒక ఆకర్షణీయమైన ప్లాన్‌ని కలిగి ఉంది. దీనిలో మీరు రోజుకు రూ. 9 ఖర్చు చేయడం ద్వారా 2.5 జీబీ డేటాను పొందవచ్చు. ఈ ప్లాన్ గురించి వివరంగా తెలుసుకుందాం.

జియో అద్భుతమైన ప్లాన్
జియో ఎల్లప్పుడూ తన వినియోగదారుల కోసం అనేక రీఛార్జ్ ప్లాన్‌లను అందిస్తోంది. ఇవి విభిన్న ప్రయోజనాలతో వస్తాయి. వినియోగదారులు తమ సౌలభ్యం, అవసరానికి అనుగుణంగా సరైన ప్లాన్‌ను ఎంచుకోవచ్చు. ఈ రోజు మనం జియో దగ్గర ఉన్న మంచి ప్లాన్ గురించి మీకు తెలియజేస్తున్నాము.

జియో వార్షిక ప్లాన్ రూ.3599కి అందుబాటులో ఉంది. ఇది 365 రోజుల వ్యాలిడిటీని అందిస్తుంది. ఈ ప్లాన్‌లో అపరిమిత కాలింగ్, రోజుకు 100 ఎస్ఎంఎస్‌లు లభిస్తాయి. ఇది కాకుండా వినియోగదారులకు రోజుకు 2.5 జీబీ డేటా కూడా అందిస్తారు. 

ప్రయోజనాల గురించి చెప్పాలంటే ఈ ప్లాన్‌లో జియో టీవీ, జియో క్లౌడ్ సబ్‌స్క్రిప్షన్ కూడా ఉన్నాయి. అయితే జియో సినిమా సబ్‌స్క్రిప్షన్ ఇందులో ఉండదు. దీని కోసం మీరు విడిగా రీఛార్జ్ చేసుకోవాలి.

ఈ ప్లాన్ నెలవారీ ధరను లెక్కించినట్లయితే అది దాదాపు రూ. 276గా ఉంది. అంటే మీరు ఇతర ప్రయోజనాలతో పాటు రోజుకు దాదాపు రూ. 9 ఖర్చు చేయడం ద్వారా 2.5 జీబీ డేటాను పొందుతారు. వినియోగదారులు ఈ ప్లాన్‌లో అనేక ప్రయోజనాలను పొందుతారు. రిలయన్స్ జియో తన వినియోగదారులను ఆకర్షించడానికి నిరంతరం ప్రయత్నిస్తోంది. అదే సమయంలో ప్రజలు బీఎస్ఎన్ఎల్ వైపు మొగ్గు చూపడం ప్రారంభించినప్పటి నుంచి ప్రైవేట్ టెలికాం కంపెనీలు కూడా తమ ప్లాన్‌లను మళ్లీ సవరించడం ప్రారంభించాయి.

గత కొద్దికాలంలో భారతదేశంలో ఉన్న టెలికాం కంపెనీల్లో కేవలం బీఎస్ఎన్ఎల్ మాత్రమే సబ్‌స్క్రైబర్లను యాడ్ చేసుకుంటూ పోతుంది. మిగతా ప్రైవేటు టెలికాం కంపెనీలు అన్నీ సబ్‌స్క్రైబర్లను కోల్పోయాయి. బీఎస్ఎన్ఎల్ ఇదే ఊపును కొనసాగించాలని కోరుకుంటోంది.

In the grand celebration of Ganeshotsav, we are honoured to connect millions of devotees across the world to their beloved Bappa. ♥️
A special thanks to the Lalbaugcha Raja Trust for their unwavering commitment, making this union of faith and technology a reality. 🫶🏼

Ganpati… pic.twitter.com/ZXXdekAlU4

— Reliance Jio (@reliancejio) September 23, 2024