Realme Smart TV Neo: రియల్‌మీ కొత్త టీవీ వచ్చేసింది.. రూ.15 వేలలోపు బెస్ట్ ఇదే!

ప్రముఖ స్మార్ట్ ఫోన్ బ్రాండ్ రియల్‌మీ మనదేశంలో కొత్త స్మార్ట్ టీవీని లాంచ్ చేసింది.

రియల్‌మీ మనదేశంలో కొత్త స్మార్ట్ టీవీని లాంచ్ చేసింది.

రియల్‌మీ కొత్త స్మార్ట్ టీవీ మనదేశంలో లాంచ్ అయింది. అదే రియల్‌మీ స్మార్ట్ టీవీ నియో 32 అంగుళాల టీవీ. ఈ టీవీ బెజెల్ లెస్ డిస్‌ప్లేతో లాంచ్ అయింది. లో బ్లూ లైట్ కోసం టీయూవీ రెయిన్‌ల్యాండ్ సర్టిఫికేషన్ కూడా ఇందులో అందించారు. క్వాడ్‌కోర్ మీడియాటెక్ ప్రాసెసర్‌పై ఈ టీవీ పనిచేయనుంది.

రియల్‌మీ స్మార్ట్ టీవీ నియో 32 ధర
దీని ధరను మనదేశంలో రూ.14,999గా నిర్ణయించారు. రియల్‌మీ, ఫ్లిప్‌కార్ట్, పలు ఆఫ్‌లైన్ స్టోర్లలో అక్టోబర్ 3వ తేదీన మధ్యాహ్నం 12 గంటలకు దీని సేల్ జరగనుంది. సోల్ బ్లాక్ కలర్ ఆప్షన్‌లో ఈ టీవీ అందుబాటులో ఉంది. మొబిక్విక్ వ్యాలెట్ ద్వారా కొనుగోలు చేస్తే రూ.350 తగ్గింపు లభించనుంది.

రియల్‌మీ స్మార్ట్ టీవీ నియో స్పెసిఫికేషన్లు
ఇందులో 32 అంగుళాల బెజెల్ లెస్ డిస్‌ప్లేను అందించారు. దీనికి టీయూవీ రెయిన్‌ల్యాండ్ సర్టిఫికేషన్ కూడా ఉంది. క్వాడ్‌కోర్ మీడియాటెక్ ప్రాసెసర్‌ను ఇందులో అందించారు. ఈ ప్రాసెసర్ క్రోమా బూస్ట్ పిక్చర్ ఇంజిన్‌ను కూడా సపోర్ట్ చేస్తుంది. పిక్చర్ బ్రైట్‌నెస్, కలర్, కాంట్రాస్ట్, క్లారిటీలను ఇది ఎన్‌హేన్స్ చేస్తుంది.

ఇక ఆడియో విషయానికి వస్తే.. ఇందులో 20W డ్యూయల్ స్పీకర్లను అందించారు. ఇవి డాల్బీ ఆడియోను సపోర్ట్ చేయనున్నాయి. క్రిస్టల్ క్లియర్ ఆడియో క్వాలిటీని ఇవి అందించనున్నాయి. 2.4 గిగాహెర్ట్జ్ వైఫై, రెండు హెచ్‌డీఎంఐ పోర్టులు, ఒక యూఎస్‌బీ టైప్-ఏ పోర్టు, ఏవీ పోర్టు, ల్యాన్ పోర్టు ఇందులో ఉండనున్నాయి. ఇందులో ఉండే సీసీ క్యాస్ట్ అనే ఫీచర్ ద్వారా మొబైల్ గేమ్స్‌ను టీవీలో ఆడవచ్చు. ఫోన్, ట్యాబ్లెట్లలోని గేమ్స్‌ను కూడా టీవీలో స్ట్రీమ్ చేయవచ్చు.

యూట్యూబ్, హంగామా, ఎరోస్ నౌ యాప్స్ ఇందులో ముందుగానే ఇన్‌స్టాల్ అయి రానున్నాయి. ఈ టీవీ రియల్‌మీ సొంత ఆపరేటింగ్ సిస్టంపై పనిచేయనుంది. ఆండ్రాయిడ్ టీవీ ఆపరేటింగ్ సిస్టంను ఇందులో కంపెనీ అందించలేదు. రూ.15 వేలలోపు మంచి ఫీచర్లు ఉన్న లేటెస్ట్ స్మార్ట్ టీవీని కొనాలి అనుకుంటే.. ఇంతకంటే బెటర్ ఆప్షన్ ఇంకోటి ఉండదు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి