Realme Narzo 50 Amazon Sale: రియల్మీ కొత్త ఫోన్ సేల్ ప్రారంభం - రూ.13 వేలలోపే - ఇలా కొంటే మరో రూ.1,000 తగ్గింపు!
ప్రముఖ స్మార్ట్ ఫోన్ బ్రాండ్ రియల్మీ ఇటీవలే లాంచ్ చేసిన రియల్మీ నార్జో 50 స్మార్ట్ ఫోన్ సేల్ మనదేశంలో ప్రారంభం అయింది.
Realme Narzo 50: రియల్మీ నార్జో 50 స్మార్ట్ ఫోన్ సేల్ మనదేశంలో ప్రారంభం అయింది. ఇందులో మీడియాటెక్ హీలియో జీ96 (Mediatek Helio G96) ప్రాసెసర్ను రియల్మీ అందించింది. 120 హెర్ట్జ్ స్క్రీన్ రిఫ్రెష్ రేట్ ఉన్న 6.6 అంగుళాల డిస్ప్లే కూడా ఇందులో అందుబాటులో ఉంది. ఇందులో డైనమిక్ ర్యామ్ ఎక్స్టెన్షన్ (Dynamic RAM Expansion) ఫీచర్ కూడా అందించారు. అంటే మీ ఫోన్లోని స్టోరేజ్ను కూడా ర్యామ్లా ఉపయోగించుకోవచ్చన్న మాట.
రియల్మీ నార్జో 50 ధర
ఇందులో రెండు వేరియంట్లు లాంచ్ అయ్యాయి. వీటిలో 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.12,999గా నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.15,499గా ఉంది. స్పీడ్ బ్లాక్, స్పీడ్ బ్లూ రంగుల్లో ఈ ఫోన్ అందుబాటులో ఉంది. దీనికి సంబంధించిన సేల్ అమెజాన్లో ప్రారంభం అయింది. హెచ్డీఎఫ్సీ బ్యాంకు కార్డుల ద్వారా కొనుగోలు చేస్తే మరో రూ.1,000 తగ్గింపు లభించనుంది.
రియల్మీ నార్జో 50 స్పెసిఫికేషన్లు
ఆండ్రాయిడ్ 11 ఆధారిత రియల్మీ యూఐ 2.0 ఆపరేటింగ్ సిస్టంపై రియల్మీ నార్జో 50 పనిచేయనుంది. ఇందులో 6.6 అంగుళాల ఫుల్ హెచ్డీ+ ఐపీఎస్ ఎల్సీడీ డిస్ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్గా ఉంది. మీడియాటెక్ హీలియో జీ96 ప్రాసెసర్పై రియల్మీ నార్జో 50 పనిచేయనుంది.
6 జీబీ వరకు ర్యామ్ ఇందులో అందించారు. దీనికి తోడు డైనమిక్ ర్యామ్ ఎక్స్ప్యాన్షన్ ఫీచర్ ద్వారా మరో 5 జీబీ వరకు ర్యామ్ను పెంచుకోవచ్చు. అంటే మొత్తంగా 11 జీబీ వరకు ర్యామ్ ఇందులో ఉండనుందన్న మాట. 128 జీబీ వరకు స్టోరేజ్ ఇందులో ఉంది. దీన్ని మైక్రో ఎస్డీ కార్డు ద్వారా 256 జీబీ వరకు పెంచుకోవచ్చు.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 2 మెగాపిక్సెల్ పొర్ట్రెయిట్ కెమెరా, 2 మెగాపిక్సెల్ మాక్రో సెన్సార్ కూడా ఉండనున్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందించనుంది.
దీని బ్యాటరీ సామర్థ్యం 5000 ఎంఏహెచ్ కాగా... 33W ఫాస్ట్ చార్జింగ్ను కూడా ఇది సపోర్ట్ చేయనుంది. 4జీ ఎల్టీఈ, వైఫై, బ్లూటూత్, జీపీఎస్, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు కూడా ఇందులో ఉన్నాయి.
Also Read: రూ.13 వేలలోనే రియల్మీ కొత్త ఫోన్, 50 మెగాపిక్సెల్ కెమెరా వంటి ఫీచర్లు!
View this post on Instagram
టాప్ హెడ్ లైన్స్
ట్రెండింగ్ వార్తలు
