Nubia Z40 Pro: 1 టీబీ వరకు స్టోరేజ్ - 64, 50 మెగాపిక్సెల్ కెమెరాలు - అదిరిపోయే కొత్త ఫోన్ వచ్చేసింది!
ప్రముఖ స్మార్ట్ ఫోన్ బ్రాండ్ నుబియా తన కొత్త స్మార్ట్ ఫోన్ జెడ్40 ప్రోని లాంచ్ చేసింది.
Nubia Z40 Pro: నుబియా జెడ్40 ప్రో స్మార్ట్ ఫోన్ చైనాలో లాంచ్ అయింది. గతేడాది లాంచ్ అయిన నుబియా జెడ్30 ప్రోకు తర్వాతి వెర్షన్గా ఈ ఫోన్ లాంచ్ కానుంది. క్వాల్కాం స్నాప్డ్రాగన్ 8 జెన్ 1 ప్రాసెసర్పై ఈ ఫోన్ పనిచేయనుంది. 16 జీబీ వరకు ర్యామ్ ఇందులో ఉంది. 6.67 అంగుళాల అమోఎల్ఈడీ డిస్ప్లేను ఇందులో అందించారు. దీని స్క్రీన్ రిఫ్రెష్ రేట్ 144 హెర్ట్జ్గా ఉంది. ఇందులో వెనకవైపు మూడు కెమెరాల సెటప్ను అందించారు.
నుబియా జెడ్40 ప్రో ధర
ఇందులో మొత్తం ఐదు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర 3,399 యువాన్లుగా (సుమారు రూ.40,600) నిర్ణయించారు. దీంతోపాటు 8 జీబీ ర్యామ్ + 256 జీబీ స్టోరేజ్ వేరియంట్, 12 జీబీ ర్యామ్ + 256 జీబీ స్టోరేజ్ వేరియంట్, 12 జీబీ ర్యామ్ + 512 జీబీ స్టోరేజ్ వేరియంట్, 16 జీబీ ర్యామ్ + 1 టీబీ స్టోరేజ్ వేరియంట్లు కూడా ఇందులో ఉండనున్నాయి. మిగతా వేరియంట్ల ధర తెలియరాలేదు.
నుబియా జెడ్40 ప్రో స్పెసిఫికేషన్లు
ఆండ్రాయిడ్ 12 ఆధారిత మైఓఎస్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.67 అంగుళాల ఫుల్ హెచ్డీ+ అమోఎల్ఈడీ డిస్ప్లేను అందించారు. దీని స్క్రీన్ రిఫ్రెష్ రేట్ 144 హెర్ట్జ్గా ఉంది. క్వాల్కాం స్నాప్డ్రాగన్ 8 జెన్ 1 ప్రాసెసర్పై ఈ ఫోన్ పనిచేయనుంది. 16 జీబీ వరకు ఎల్పీడీడీఆర్5 ర్యామ్, 1 టీబీ వరకు యూఎఫ్ఎస్ 3.1 స్టోరేజ్ను ఇందులో అందించారు.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 64 మెగాపిక్సెల్ కాగా... దీంతోపాటు 50 మెగాపిక్సెల్ అల్ట్రావైడ్ యాంగిల్, 8 మెగాపిక్సెల్ పెరిస్కోప్ కెమెరాను అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.
5జీ, 4జీ ఎల్టీఈ, వైఫై 6, బ్లూటూత్ వీ5.2, ఎన్ఎఫ్సీ వంటి కనెక్టివిటీ ఫీచర్లు ఇందులో ఉన్నాయి. ఇందులో ఇన్డిస్ప్లే ఫింగర్ ప్రింట్ సెన్సార్ను అందించారు. దీంతోపాటు 5000 ఎంఏహెచ్ బ్యాటరీ కూడా ఇందులో ఉంది. 80W ఫాస్ట్ చార్జింగ్ను ఇది సపోర్ట్ చేయనుంది.
Also Read: శాంసంగ్ గెలాక్సీ ఎస్22 సిరీస్ ప్రీ-ఆర్డర్లు ప్రారంభం, కేవలం రూ.1,999కే!
Also Read: రూ.13 వేలలోనే రియల్మీ కొత్త ఫోన్, 50 మెగాపిక్సెల్ కెమెరా వంటి ఫీచర్లు!
టాప్ హెడ్ లైన్స్
ట్రెండింగ్ వార్తలు
and tablets