Tecno Pova 3 India Launch: బడ్జెట్ ధరలోనే భారీ స్మార్ట్ ఫోన్ - 7000 ఎంఏహెచ్ బ్యాటరీ కూడా!
ప్రముఖ స్మార్ట్ ఫోన్ బ్రాండ్ టెక్నో తన కొత్త బడ్జెట్ స్మార్ట్ ఫోన్ మనదేశంలో లాంచ్ చేయనుంది. అదే టెక్నో పోవా 3.
టెక్నో పోవా 3 స్మార్ట్ ఫోన్ మనదేశంలో త్వరలో లాంచ్ కానుంది. ఈ ఫోన్ ఏ తేదీన లాంచ్ కానుందో తెలియరాలేదు. కానీ దీనికి సంబంధించిన మైక్రోసైట్ కూడా అమెజాన్‌లో ఓపెన్ అయింది. ఈ ఫోన్ లాంచ్, ఫీచర్లను ఈ మైక్రోసైట్‌లో చూడవచ్చు. ఇందులో మీడియాటెక్ హీలియో జీ88 ప్రాసెసర్‌ను అందించారు. 7000 ఎంఏహెచ్ బ్యాటరీ, 25W ఫాస్ట్ చార్జింగ్ సపోర్ట్ ఇందులో ఉన్నాయి. 6.9 అంగుళాల భారీ డిస్‌ప్లే
టెక్నో పోవా 3 ధర (అంచనా)
ఈ స్మార్ట్ ఫోన్ ఇప్పటికే ఫిలిప్పీన్స్‌లో లాంచ్ అయింది. కాబట్టి ధర విషయంలో కొంచెం ఐడియా ఉంది. ఫిలిప్పీన్స్‌లో 4 జీబీ ర్యామ్ + 64 జీబీ స్టోరేజ్ వేరియంట్ ధర 8,999 బాత్‌లుగా (సుమారు రూ.13,300) నిర్ణయించారు. హైఎండ్ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధర 9,399 బాత్‌లుగా (సుమారు రూ.13,900) ఉంది. ఎకో బ్లాక్, ఎలక్ట్రిక్ బ్లూ, టెక్ సిల్వర్ రంగుల్లో ఈ ఫోన్ లాంచ్ కానుంది. మనదేశంలో రూ.12 వేల రేంజ్‌లో ఈ ఫోన్ లాంచ్ అయ్యే అవకాశం ఉంది.
టెక్నో పోవా 3 ఫీచర్లు
ఆండ్రాయిడ్ 11 ఆధారిత హైఓఎస్ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.9 అంగుళాల ఫుల్ హెచ్‌డీ+ ఎల్సీడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. ఆక్టాకోర్ మీడియాటెక్ హీలియో జీ88 ప్రాసెసర్ కూడా ఈ ఫోన్‌లో అందించారు. 6 జీబీ వరకు ర్యామ్ ఇందులో ఉంది. మెమొరీ ఫ్యూజన్ ఫీచర్ ద్వారా ర్యామ్‌ను మరో 5 జీబీ వరకు పెంచుకోవచ్చు. అంటే 11 జీబీ వరకు ర్యామ్ లభించనుందన్న మాట.
ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు సెకండరీ, టెర్టియరీ సెన్సార్లు కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.
4జీ, వైఫై, బ్లూటూత్, ఎన్ఎఫ్‌సీ, జీపీఎస్, యూఎస్‌బీ టైప్-సీ పోర్టు కూడా ఇందులో ఉన్నాయి. యాక్సెలరోమీటర్, యాంబియంట్ లైట్ సెన్సార్, ఈ-కంపాస్, ప్రాక్సిమిటీ సెన్సార్, ఫింగర్ ప్రింట్ సెన్సార్లు అందించారు. దీని బ్యాటరీ సామర్థ్యం 7000 ఎంఏహెచ్ కాగా... 25W ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.94 సెంటీమీటర్లుగా ఉండనుంది.
టెక్నో పోవా 3 స్మార్ట్ ఫోన్ ఫిలిప్పీన్స్‌లో లాంచ్ అయింది. ఈ స్మార్ట్ ఫోన్‌లో 6.9 అంగుళాల భారీ డిస్‌ప్లేను అందించారు. మీడియాటెక్ హీలియో జీ88 ప్రాసెసర్‌పై ఈ ఫోన్ పనిచేయనుంది. 6 జీబీ వరకు ర్యామ్, 128 జీబీ స్టోరేజ్‌ను ఇందులో అందించారు. ఆండ్రాయిడ్ 11 ఆపరేటింగ్ సిస్టం కూడా ఉంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!
టాప్ హెడ్ లైన్స్
ట్రెండింగ్ వార్తలు
