Samsung F34 5G Offer: శాంసంగ్ బడ్జెట్ 5జీ ఫోన్‌పై భారీ తగ్గింపు - రూ.14 వేలలోనే!
శాంసంగ్ గెలాక్సీ ఎఫ్34 5జీ స్మార్ట్ ఫోన్‌పై భారీ తగ్గింపు అందించారు. ప్రస్తుతం దీన్ని రూ.15 వేల లోపు ధరకే కొనుగోలు చేయవచ్చు.
శాంసంగ్ గెలాక్సీ ఎఫ్34 5జీ మొబైల్‌పై తగ్గింపు అందించారు. ఇందులో 6000 ఎంఏహెచ్ భారీ బ్యాటరీని అందించారు. ఎక్సినోస్ ప్రాసెసర్‌తో ఈ స్మార్ట్ ఫోన్ మార్కెట్లోకి వచ్చింది. దీని డిజైన్ చూడటానికి శాంసంగ్ గెలాక్సీ ఏ34 5జీ తరహాలో ఉంది. ఆండ్రాయిడ్ 13 ఆపరేటింగ్ సిస్టంపై శాంసంగ్ గెలాక్సీ ఏ34 5జీ పని చేయనుంది.
శాంసంగ్ గెలాక్సీ ఎఫ్34 5జీ ధర, ఆఫర్
ఈ ఫోన్‌కు సంబంధించి రెండు వేరియంట్లు మార్కెట్లోకి వచ్చాయి. వీటిలో 6 జీబీ ర్యామ్ + 128 జీబీ స్టోరేజ్ వేరియంట్ ధర లాంచ్ అయినప్పుడు రూ.18,999 కాగా, ఇప్పుడు రూ.16,499కే అందుబాటులో ఉంది. హెచ్‌డీఎఫ్‌సీ బ్యాంకు కార్డుల ద్వారా కొనుగోలు చేస్తే రూ.1,500 అదనపు తగ్గింపు లభించనుంది. దీంతో ఈ ఫోన్ రూ.14,999కే కొనుగోలు చేయవచ్చు.
8 జీబీ ర్యామ్ + 128 జీబీ స్టోరేజ్ వేరియంట్ ధర లాంచ్ అయినప్పుడు రూ.20,999గా నిర్ణయించారు. ఇప్పుడు రూ.18,499కే అందుబాటులో ఉంది. హెచ్‌డీఎఫ్‌సీ కార్డుతో రూ.16,999కే కొనుగోలు చేయవచ్చు. నో కాస్ట్ ఈఎంఐ ప్లాన్లు రూ.1,882 నుంచి ప్రారంభం కానుంది. ఎలక్ట్రిక్ బ్లాక్, మిస్టిక్ గ్రీన్ రంగుల్లో ఈ ఫోన్ కొనుగోలు చేయవచ్చు.
శాంసంగ్ గెలాక్సీ ఎఫ్34 5జీ ఫీచర్లు, స్పెసిఫికేషన్లు
ఈ స్మార్ట్ ఫోన్‌లో 6.46 అంగుళాల ఫుల్ హెచ్‌డీ+ సూపర్ అమోఎల్ఈడీ డిస్‌ప్లేను అందించారు. స్క్రీన్ రిఫ్రెష్ రేట్ 120 హెర్ట్జ్ కాగా, కార్నింగ్ గొరిల్లా గ్లాస్ 5 ప్రొటెక్షన్ కూడా అందుబాటులో ఉంది. ఆక్టాకోర్ ఎక్సినోస్ 1280 ప్రాసెసర్‌పై శాంసంగ్ గెలాక్సీ ఎఫ్34 5జీ పని చేయనుంది. 8 జీబీ వరకు ర్యామ్, 128 జీబీ వరకు స్టోరేజ్ కూడా ఈ ఫోన్‌లో ఉంది. ఆండ్రాయిడ్ 13 ఆధారిత వన్ యూఐ 5.1 ఆపరేటింగ్ సిస్టం ద్వారా శాంసంగ్ గెలాక్సీ ఎఫ్34 5జీ రన్ కానుంది.
ఇక కెమెరాల విషయానికి వస్తే... వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో లెన్స్ అందించారు. సెల్ఫీలు, వీడియో కాల్స్ కోసం ముందు వైపు 13 మెగాపిక్సెల్ కెమెరా అందుబాటులో ఉంది.
శాంసంగ్ గెలాక్సీ ఎఫ్34 5జీ బ్యాటరీ సామర్థ్యం 6000 ఎంఏహెచ్‌గా ఉంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. 5జీ, జీపీఎస్, ఎన్ఎఫ్‌సీ, వైఫై, బ్లూటూత్ వీ5.3, యూఎస్‌బీ టైప్-సీ కనెక్టివిటీ ఫీచర్లు ఉన్నాయి. ఈ స్మార్ట్ ఫోన్ మందం 0.88 మిల్లీమీటర్లు కాగా, బరువు 208 గ్రాములుగా ఉంది. ఇటీవలే జరిగిన అమెజాన్, ఫ్లిప్‌కార్ట్ సేల్స్‌లో శాంసంగ్ గెలాక్సీ ఎస్23 సిరీస్‌పై కూడా భారీ ఆఫర్ అందించారు.
Read Also: డైనమిక్ ఐల్యాండ్‌తో లాంచ్ అయిన ఐఫోన్ 15 సిరీస్ - ధర ఎంత పెట్టారు?
Read Also: అత్యధిక బ్యాటరీ బ్యాకప్ ఇచ్చే యాపిల్ వాచ్ ఇదే - యాపిల్ వాచ్ అల్ట్రా 2 వచ్చేసింది!
Read Also: వేళ్లు కదిపితే ఫోన్ ఎత్తేయచ్చు - మైండ్ బ్లోయింగ్‌ టెక్నాలజీతో యాపిల్ వాచ్ సిరీస్ 9 - ధర ఎంత?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
