Moto G52j: మోటొరోలా కొత్త ఫోన్ వచ్చేసింది - అదిరిపోయే ఫీచర్లు - ఫోన్ ఎలా ఉందో చూశారా?
మోటొరోలా కొత్త స్మార్ట్ ఫోన్ మార్కెట్లో లాంచ్ అయింది. అదే మోటో జీ52జే.
ప్రముఖ స్మార్ట్ ఫోన్ బ్రాండ్ మోటొరోలా కొత్త స్మార్ట్ ఫోన్ లాంచ్ చేసింది. అదే మోటో జీ52జే. క్వాల్కాం స్నాప్డ్రాగన్ 695 ప్రాసెసర్పై ఈ ఫోన్ పనిచేయనుంది. జపాన్లో ఈ ఫోన్ మొదట లాంచ్ అయింది. ఇందులో ఎక్కువ రిఫ్రెష్ రేట్ ఉన్న డిస్ప్లేలు ఉండనున్నాయి. ఐపీ68 రేటింగ్ కూడా ఉంది.
మోటో జీ52జే ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 6 జీబీ ర్యామ్ + 128 జీబీ స్టోరేజ్ ఉన్న ఈ వేరియంట్ ధరను 39,800 యెన్లుగా (సుమారు రూ.24,000) నిర్ణయించారు. అయితే ఈ ఫోన్ మనదేశంలో లాంచ్ అవుతుందో లేదో తెలియరాలేదు.
మోటో జీ52జే స్పెసిఫికేషన్లు
ఇందులో 6.8 అంగుళాల ఫుల్ హెచ్డీ+ ఎల్సీడీ ప్యానెల్ ఉండనుంది. దీని స్క్రీన్ రిజల్యూషన్ 1080 x 2460 పిక్సెల్స్గా ఉంది. దీని యాస్పెక్ట్ రేషియో 20:9గానూ, స్క్రీన్ రిఫ్రెష్ రేట్ 120 హెర్ట్జ్గానూ ఉంది. క్వాల్కాం స్నాప్డ్రాగన్ 695 ప్రాసెసర్పై మోటో జీ52జే పనిచేయనుంది. 6 జీబీ ర్యామ్, 128 జీబీ స్టోరేజ్ను ఇది సపోర్ట్ చేయనుంది. మైక్రో ఎస్డీ కార్డు ద్వారా ఈ స్టోరేజ్ను 1 టీబీ వరకు పెంచుకోవచ్చు.
ఇక కెమెరాల విషయానికి వస్తే... ఈ ఫోన్లో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతో పాటు 8 మెగాపిక్సెల్ సూపర్ వైడ్ లెన్స్, 2 మెగాపిక్సెల్ డెప్త్ సెన్సార్ కూడా ఉండనున్నాయి. సెల్పీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్గా ఉంది. 15W ఫాస్ట్ చార్జింగ్ను ఇది సపోర్ట్ చేయనుంది. ఫింగర్ ప్రింట్ సెన్సార్ను ఫోన్ పక్కభాగంలో అందించారు. ఫేస్ అన్లాక్ సపోర్ట్ కూడా ఇందులో ఉంది. ఐపీ68 వాటర్, డస్ట్ రెసిస్టెంట్ సర్టిఫికేషన్ కూడా ఈ ఫోన్ పొందింది.
Also Read: వన్ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
