AP DSC Notification: ఏపీ డీఎస్సీ నోటిఫికేషన్ విడుదల.. 2,721 పోస్టులు, నవంబర్ 11 నుంచి అప్లికేషన్లు!

AP DSC Notification: ఏపీలో 2721 పోస్టులతో డీఎస్సీ నోటిఫికేషన్ విడుదలైంది. డిసెంబర్ 20 నుంచి జనవరి 13 వరకు పరీక్షలు నిర్వహిస్తారు.

ఏపీ డీఎస్సీ నోటిఫికేషన్ విడుదల.. 2,721 పోస్టులు, నవంబర్ 11 నుంచి అప్లికేషన్లు!

Source : Twitter

Show Quick Read

Key points generated by AI, verified by newsroom

• ఏపీ డీఎస్సీ నోటిఫికేషన్ 2,721 ఉపాధ్యాయ పోస్టుల భర్తీకి విడుదలైంది.
• నవంబర్ 11-30 దరఖాస్తులు స్వీకరణ, డిసెంబర్ 20 నుండి పరీక్షలు.
• పరీక్షలు కంప్యూటర్ ఆధారితంగా, క్రీడాకోటాకు రాతపరీక్ష ఉంటుంది.
• ప్రాథమిక కీ రెండు రోజుల్లో, తుది కీ వారం రోజుల్లో విడుదల.

AP DSC Notification: ఏపీలో నిరుద్యోగులు ఎప్పుడెప్పుడా అని ఎదురుచూస్తున్న డీఎస్సీ నోటిఫికేషన్ అధికారికంగా విడుదలైంది. రాష్ట్రంలోని పాఠశాలల్లో ఖాళీగా ఉన్న 2,721 ఉపాధ్యాయ పోస్టులకు పాఠశాల విద్య శాఖ తాజాగా నోటిఫికేషన్ జారీ చేసింది. ఈ పోస్టుల భర్తీకి అధికారులు అన్ని ఏర్పాట్లు పూర్తి చేశారు.

ముఖ్యాంశాలు

నవంబర్ 11వ తేదీ నుంచి నవంబర్ 30వ తేదీ వరకు ఆన్‌లైన్‌లో దరఖాస్తులను స్వీకరించనున్నారు. డిసెంబర్ 14 నుంచి అభ్యర్థులు తమ హాల్‌టికెట్లను వెబ్‌సైట్ నుంచి డౌన్‌లోడ్ చేసుకోవచ్చు. డిసెంబర్ 20 నుంచి జనవరి 13 వరకు డీఎస్సీ పరీక్షలు నిర్వహించనున్నారు. డీఎస్సీ పరీక్షలను పూర్తిస్థాయిలో కంప్యూటర్ ఆధారిత పరీక్ష విధానంలో నిర్వహిస్తారు. అభ్యర్థులు సీబీటీ విధానంపై అవగాహన పెంచుకునేందుకు డిసెంబర్ 5 నుంచి ఆన్‌లైన్ మాక్‌టెస్టులు అందుబాటులో ఉంటాయి.
ఈసారి క్రీడాకోటా అభ్యర్థులకు కూడా రాతపరీక్షను నిర్వహిస్తున్నారు.

కేటగిరీల వారీగా పోస్టులు 

1. మొత్తం 2,721 పోస్టుల విభజన ఇలా ఉంది.
2. జనరల్ పాఠశాలలు (ఎస్సీ, ఎస్టీ బ్యాక్‌లాగ్)- 2,111 పోస్టులు
3. స్పెషల్ ఎడ్యుకేషన్(ఎస్సీ, ఎస్టీ): 350 పోస్టులు
4. సొసైటీలు & ఇతర యాజమాన్యాలు: 260 పోస్టులు

 'కీ' విడుదల, అభ్యంతరాలు 

పరీక్ష ముగిసిన రెండు రోజుల తర్వాత ప్రాథమిక ‘కీ’ విడుదల చేస్తారు. ప్రాథమిక ‘కీ’పై అభ్యర్థులు అభ్యంతరాలను తెలియజేయడానికి వారం రోజుల గడువు ఇస్తారు. అభ్యంతరాలను పరిశీలించిన అనంతరం మరొక వారంలో తుది ‘కీ’ విడుదల చేస్తారు. పోస్టుల రిజర్వేషన్ రోస్టర్ పాయింట్లు, హారిజాంటల్ రిజర్వేషన్ వివరాలు, ఇతర నిబంధనలను అభ్యర్థుల కోసం త్వరలోనే అధికారిక వెబ్‌సైట్‌లో అందుబాటులో ఉంచనున్నట్లు అధికారులు వెల్లడించారు.

మరిన్ని చదవండి

2,721 పోస్టులతో AP DSC నోటిఫికేషన్.. నవంబర్ 3లోగా పూర్తిస్థాయి నోటిఫికేషన్: నారా లోకేష్