Infinix Note 12i: ఇన్‌ఫీనిక్స్ కొత్త ఫోన్ లాంచ్ - రూ.12 వేలలోపు మిగతా బ్రాండ్లకు గట్టిపోటీ!
ఇన్‌ఫీనిక్స్ కొత్త స్మార్ట్ ఫోన్ ఇండోనేషియాలో లాంచ్ అయింది. అదే ఇన్‌ఫీనిక్స్ నోట్ 12ఐ (2022).
ఇన్‌ఫీనిక్స్ నోట్ 12ఐ (2022) స్మార్ట్ ఫోన్ ఇండోనేషియాలో శుక్రవారం లాంచ్ అయింది. ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. మీడియాటెక్ హీలియో జీ85 ప్రాసెసర్‌పై ఈ ఫోన్ పని చేయనుంది. దీని బ్యాటరీ సామర్థ్యం 5000 ఎంఏహెచ్‌గా ఉంది. ఈ ఫోన్ మనదేశంలో లాంచ్ అయితే రూ.12 వేలలోపు రియల్‌మీ, రెడ్‌మీ, శాంసంగ్ ఫోన్లతో పోటీ పడనుంది.
ఇన్‌ఫీనిక్స్ నోట్ 12ఐ (2022) ధర
ఇందులో రెండు వేరియంట్లు లాంచ్ అయ్యాయి. వీటిలో 4 జీబీ ర్యామ్ + 64 జీబీ స్టోరేజ్ వేరియంట్ ధర తెలియరాలేదు. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర 2,199 ఇండోనేషియా రూపాయలుగా (మనదేశ కరెన్సీలో సుమారు రూ.11,700) నిర్ణయించారు. ఆల్ఫైన్ వైట్, ఫోర్స్ బ్లాక్, మెటావర్స్ బ్లూ రంగుల్లో దీన్ని కొనుగోలు చేయవచ్చు. ఈ ఫోన్ త్వరలో మనదేశంలో కూడా లాంచ్ కానుంది.
ఇన్‌ఫీనిక్స్ నోట్ 12ఐ (2022) స్పెసిఫికేషన్లు, ఫీచర్లు
ఆండ్రాయిడ్ 12 ఆధారిత ఎక్స్ఓఎస్ 10.6 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.82 అంగుళాల ఫుల్ హెచ్‌డీ ఎల్టీపీఎస్ అమోఎల్ఈడీ డిస్‌ప్లేను అందించారు. దీని స్క్రీన్ టు బాడీ రేషియో 92 శాతం కాగా, 100 శాతం డీసీఐ పీ3 కలర్ గాముట్ కవరేజ్ కూడా ఉన్నాయి. ఆక్టాకోర్ మీడియాటెక్ హీలియో జీ85 ప్రాసెసర్‌పై ఇన్‌ఫీనిక్స్ నోట్ 12ఐ (2022) పని చేయనుంది. 6 జీబీ ర్యామ్ ఇందులో ఉంది. ర్యామ్ ఎక్స్‌టెన్షన్ ఫీచర్ ద్వారా 5 జీబీ వరకు ర్యామ్‌ను పెంచుకోవచ్చు.
ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 2 మెగాపిక్సెల్ సెకండరీ సెన్సార్, ఏఐ లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. 128 జీబీ స్టోరేజ్ ఈ ఫోన్‌లో ఉంది. దీన్ని మైక్రో ఎస్‌డీ కార్డు ద్వారా 2 టీబీ వరకు పెంచుకోవచ్చు.
డ్యూయల్ స్టీరియో స్పీకర్లు, డీటీఎస్ ఆడియో సపోర్ట్‌ను కూడా ఇందులో అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. దీని మందం 0.78 సెంటీమీటర్లు కాగా, బరువు 188 గ్రాములుగా ఉంది.
Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
