Jio Phone Next: రూ.4 వేలలోపు ధరలో జియో స్మార్ట్ ఫోన్.. సెప్టెంబర్లో రిలీజ్.. స్పెసిఫికేషన్లు లీక్
Jio Phone Next Features Leaked: ప్రపంచంలోనే అత్యంత చవకైన స్మార్ట్ఫోన్గా మార్కెట్లోకి అడుగుపెట్టనున్న జియో ఫోన్ నెక్స్ట్ ఫీచర్లు లీకయ్యాయి. వీటి ప్రకారం.. ఈ ఫోన్ ధర రూ.4000లోపే ఉండే అవకాశం ఉంది.
భారతదేశ నంబర్ 1 టెలికాం ఆపరేటర్ జియో నుంచి అతి తక్కువ ధరలో విడుదల కానున్న స్మార్ట్ ఫోన్ ఫీచర్లు లీకయ్యాయి. గూగుల్ భాగస్వామ్యంతో స్మార్ట్ ఫోన్ లాంచ్ చేయనున్నట్లు ఈ ఏడాది జూన్లో రిలయెన్స్ సంస్థ ప్రకటించిన విషయం తెలిసిందే. దీని పేరు జియో ఫోన్ నెక్స్ట్ (JioPhone Next). సెప్టెంబర్లో విడుదల కానున్న ఈ ఫోన్ ఫీచర్లు ఆన్లైన్లో లీకయ్యాయి. ఈ ఫోన్ ధర రూ.4000లోపే ఉండే అవకాశం ఉంది. ఇది సెప్టెంబర్ 10న విడుదల కానుందని తెలుస్తోంది. అయితే ఇప్పటివరకు దీనిపై కంపెనీ ఎలాంటి అధికారిక ప్రకటనా చేయలేదు.
Also Read: Galaxy Z Fold, Z Flip: శాంసంగ్ నుంచి ఫోల్డబుల్ ఫోన్లు వచ్చేశాయి.. ఇండియాలో రిలీజ్ ఎప్పుడో తెలుసా?
సింగిల్ రియర్ కెమెరా..
వీటి ప్రకారం ఈ ఫోన్ ఆండ్రాయిడ్ 11 (గో ఎడిషన్) సహాయంతో పనిచేయనుంది. ఇందులో సింగిల్ రియర్ కెమెరా సెటప్ అందించారు. హెచ్డీ+ డిస్ప్లే ఉండనుంది. రిలయెన్స్ సంస్థల 44వ వార్షిక సదస్సు (ఏజీఎం) వేదికగా.. సంస్థ చైర్మన్, ఎండీ ముఖేష్ అంబానీ ఈ ఫోన్ గురించి అధికారిక ప్రకటన చేశారు. ప్రపంచంలోనే అత్యంత చవకైన స్మార్ట్ ఫోనుగా దీనిని తీసుకురానున్నట్లు ప్రకటించారు.
ఎక్స్ డీఏ డెవలపర్స్ ఎడిటర్ ఇన్ చీఫ్ మిషాల్ రెహ్మన్ ఈ ఫోన్ స్పెసిఫికేషన్లకు సంబంధించి పలు ట్వీట్లు చేశారు. దీని ప్రకారం చూస్తే.. జియో నుంచి రానున్న ఈ చవకైన ఫోన్ మోడల్ నంబర్ LS-5701-Jగా ఉండనుంది. ఇది 64 బిట్ క్వాడ్కోర్ మొబైల్ ప్రాసెసర్ అయిన క్వాల్కాం అడ్రినో 308 జీపీయూతో పనిచేయనుంది. సాధారణంగా ఈ ప్రాసెసర్లను తక్కువ బడ్జెట్ ఫోన్లలో ఉపయోగిస్తారు.
Model name: LS-5701-J
— Mishaal Rahman (@MishaalRahman) August 12, 2021
Software: Android 11 (Go Edition)
Seems to have the QM215 platform
1440x720 resolution based on the boot animation
Interesting branding on the JioPhone Next's boot animation: "Created with Google." pic.twitter.com/iyFUIWjTpK
— Mishaal Rahman (@MishaalRahman) August 12, 2021
దీని వెనుకవైపు కెమెరా 13 మెగా పిక్సెల్, ఫ్రంట్ కెమెరా 8 మెగాపిక్సెల్ సామర్థ్యంతో రానున్నాయి. ఇందులో DuoGo యాప్ ప్రీ ఇన్స్టాల్ అయి ఉండనుంది. ఈ ఫోన్ స్క్రీన్ రిజల్యూషన్ 720x1,440 పిక్సెల్స్గా ఉండనుందని తెలుస్తోంది. కనెక్టివిటీ ఫీచర్లుగా.. బ్లూటూత్ వీ4.2, జీపీఎస్, 1080పీ వీడియో రికార్డింగ్, ఎల్పీడీడీఆర్3 ర్యామ్, ఈఎంఎంసీ 4.5 స్టోరేజ్ ఉండనున్నాయి.
Also Read: Cyber Crime: హాయ్.. ఆగస్టు 15 సందర్భంగా ఆఫర్ మెసేజ్లు వస్తున్నాయా..? వాటి కంటే ముందు ఇది చదవండి
Also Read: WhatsApp Tricks: వాట్సాప్ లో మెసేజ్ చేసి డిలిట్ చేశారా? ఏం పర్లేదు.. ఇలా చూసేయోచ్చు..
టాప్ హెడ్ లైన్స్
ట్రెండింగ్ వార్తలు
