Iphone 16: ఆ స్పెషల్ డేనే ఐఫోన్​ 16 సిరీస్​ లాంఛ్​! - ఆ రోజు ఇంకా ఏమేం రాబోతున్నాయంటే?

మోస్ట్​ అవైటెడ్​ స్మార్ట్ ​ఫోన్స్​ లాంఛ్​లో ఒకటైన ఐఫోన్​ 16 సెప్టెంబర్‌ 10వ తేదీన  ఈవెంట్‌ నిర్వహించి లాంచ్ చేస్తున్నారు.

ఐఫోన్ 16 సిరీస్

Source : Apple

Apple Event 2024: యాపిల్ కొత్త ప్రొడక్టుల రాక కోసం టెక్‌ ప్రియుల ఎంతో ఆసక్తిగా ఎదురుచూస్తుంటారు. ఇంకా చెప్పాలంటే ఆ ప్రొడక్ట్​కు సంబంధించిన గ్యాడ్జెట్స్​ను, ఇతర ప్రొడక్ట్స్​ను కొన్నా, కొనకపోయినా వాటి ధరలు, ఫీచర్లు గురించి తెలుసుకోవడానికి కాస్త ఎక్కువగానే ఆసక్తి చూపిస్తుంటారు. 

అయితే తాజాగా యాపిల్​ లవర్స్​కు ఓ సూపర్​ అప్డేట్​!  అదేంటంటే ఈ ఏడాది మోస్ట్​ అవైటెడ్​ స్మార్ట్ ​ఫోన్స్​ లాంఛ్​లో ఒకటైన ఐఫోన్​ 16 సిరీస్​కు సంబంధించి ఓ సూపర్​ వార్త బయటకి వచ్చింది. అదేంటంటే సెప్టెంబర్‌ 10వ తేదీన  ఈవెంట్‌ నిర్వహించే  అవకాశం ఉన్నట్లు తెలుస్తోంది. ఈ డేట్ గురించి అధికారికంగా ప్రకటించకపోయినప్పటికీ, ఈ ఈవెంట్​ కోసం అందుకు కావాల్సిన ఏర్పాట్లను కూడా వేగంగా చేస్తున్నట్లు సమాచారం అందింది. 

ఈ సారి ఎప్పుడంటే? - సాధారణంగా యాపిల్ ఎప్పుడూ సెప్టెంబర్‌ రెండో వారంలో  ఈ ఈవెంట్‌ను నిర్వహించేలా ప్లాన్ చేస్తుంటుంది.  గతేడాది సెప్టెంబర్‌ 12న నిర్వహించగా, అంతకుముందు 2022లో సెప్టెంబర్‌ 7న కండక్ట్‌ చేసింది. అయితే ఈ సారి సెప్టెంబర్‌ 10న ఈవెంట్‌ ఏర్పాటు చేయనున్నట్లు తెలుస్తోంది. సెప్టెంబర్​ 10న నిర్వహించే ఈ ఈవెంట్​లో కొత్త ఐఫోన్​ సిరీస్​ను  లాంఛ్​​ చేయనున్నారట. ఈ విషయాన్ని ప్రముఖ వార్తా సంస్థ బ్లూమ్​బర్గ్​ తాజాగా వెల్లడించింది. 

నాలుగు వేరియంట్లలో :  ఈ ఐఫోన్‌ 16 సిరీస్‌లో నాలుగు ఫోన్లు విడుదల కానున్నాయి.  స్టాండర్డ్‌ వేరియంట్‌తో పాటుగా ఐఫోన్‌ 16 ప్లస్‌, 16 ప్రో, 16 ప్రో మ్యాక్స్‌  రానున్నాయి. యాపిల్‌ ఏ18 ప్రో చిప్‌సెట్‌తో రావొచ్చు. ఈ నాలుగు ఫోన్లూ వేర్వేరు సైజుల్లో ఉండడంతో పాటు, వేర్వేరు బ్యాటరీ సామర్థ్యాలతో పనిచేస్తాయి. 

ఇంకా ఏం రాబోతున్నాయో తెలుసా? - ఈ ఐఫోన్ 16 సిరీస్​ ఫోన్లతో పాటు యాపిల్‌ వాచ్‌ సిరీస్‌ 10, యాపిల్​ ఎయిర్‌పాడ్స్‌ 4, యాపిల్ ఎయిర్​పాడ్స్​ మ్యాక్స్ 2లను లాంఛ్​ చేస్తారని సమాచారం అందింది. ఇంకా ఐఓఎస్ 18 కూడా వస్తుందని సమాచారం. వీటిలో పాటే మాక్​లను ఒక నెల తర్వాత అక్టోబర్​లో ప్రత్యేక ఈవెంట్ ​ ద్వారా విడుదల చేస్తారని తెలిసింది. ఇకపోతే సెప్టెంబర్ 20 నుంచి యాజర్స్​, ఐఫోన్ ప్రియులు  కొత్త ఐఫోన్ 16 సిరీస్ ఫోన్లను కొనుగోలు చేసుకోవచ్చని సమాచారం. 

సెప్టెంబర్ 10నే ఎందుకంటే? -  కొత్త ఐఫోన్​ లాంచ్​ చేసేందుకు మంగళ, బుధవారాలను యాపిల్ ఎంచుకుంటుంటుంది. ఈవెంట్​కు ముందు రోజు (సోమవారం) కూడా పని దినం ఉండేలా చూసుకుంటుంది. అయితే, సెప్టెంబర్ మొదటి సోమవారం యూఎస్​లో లేబర్ డే కాబట్టి ఆరోజు సెలవు ఉంది. దీన్ని దృష్టిలో పెట్టుకుని ఈ ఈవెంట్​ను సెప్టెంబర్ రెండో వారానికి షెడ్యూల్​ చేసింది యాపిల్. రెండోవారంలో వచ్చే సోమవారం వర్కింగ్ డే. ఈ నేపథ్యంలో సెప్టెంబర్ 10(మంగళవారం)న ఐఫోన్​ 16 సిరీస్ లాంఛ్ ఈవెంట్​ను ఖరారు చేసినట్లు సమాచారం.