Elon Musk X Content Policy: 18+ ఉంటే తప్పేంటి అన్నారు - ఇప్పుడు మొత్తం ఎత్తిపోయేదాకా తెచ్చుకున్నారు!
X Content Policy: ఎలాన్ మస్క్ సోషల్ మీడియా ప్లాట్‌ఫాం ‘ఎక్స్’ ప్రస్తుతం బ్యాన్ అవ్వడానికి చాలా దగ్గరలో ఉంది. వారి అడల్ట్ కంటెంట్ పాలసీనే దీనికి కారణం. దీనిపై అనేక ప్రభుత్వాలు దుమ్మెత్తిపోస్తున్నాయి.
Elon Musk X Adult Content Policy: ఎలాన్ మస్క్ సోషల్ మీడియా ప్లాట్‌ఫారమ్ ట్విట్టర్‌ను కొనుగోలు చేసిన దగ్గర నుంచి దానికి ఎన్నో మార్పులు చేశారు. దాని పేరును కూడా ట్విట్టర్ నుంచి ఎక్స్‌గా మార్చారు. ఇప్పుడు ఎక్స్/ట్విట్టర్ దాని అడల్ట్ కంటెంట్ పాలసీ కారణంగా అనేక సమస్యలను ఎదుర్కొంటోంది. ఇప్పుడు ఈ విధానాన్ని ఇండోనేషియాలో తీవ్రంగా వ్యతిరేకిస్తున్నారు. ఎక్స్/ట్విట్టర్ తన అడల్ట్ కంటెంట్ పాలసీని మార్చుకోకపోతే, ఆ ప్లాట్‌ఫాంను నిషేధిస్తామని ఇండోనేషియా ప్రభుత్వం హెచ్చరించింది.
ఎక్స్/ట్విట్టర్ కొత్త పాలసీపై వివాదం
ఎలాన్ మస్క్ ఇటీవల ఎక్స్/ట్విట్టర్ కంటెంట్ విధానాన్ని మార్చింది. కొంత వరకు అడల్ట్ కంటెంట్‌ను కూడా తన ప్లాట్‌ఫాంలో అనుమతిస్తుంది. ఈ మార్పు వినియోగదారుల మధ్య చాలా వివాదాస్పదంగా మారింది. అనేక దేశాలు దీని గురించి తమ ఆందోళనను వ్యక్తం చేశాయి. ఇలాంటి కంటెంట్ సమాజంపై ప్రతికూల ప్రభావం చూపుతుందని, యువతపై చెడు ప్రభావం చూపుతుందని ప్రభుత్వాలు చెబుతున్నాయి.
Also Read: రియల్‌మీ నార్జో ఎన్63 సేల్ ప్రారంభం - రూ.8 వేలలోపే బడ్జెట్ ఫోన్!
నిషేధ హెచ్చరికను పొందిన ఎక్స్/ట్విట్టర్
ఎక్స్/ట్విట్టర్ తీసుకువచ్చిన ఈ విధానానికి సంబంధించి ఇండోనేషియా ప్రభుత్వం ఎలాన్ మస్క్ తన అడల్ట్ పాలసీని మార్చుకోకపోతే, ఆ ప్లాట్‌ఫాంను నిషేధించాల్సిందని పేర్కొంది. ఇండోనేషియా కమ్యూనికేషన్, ఇన్ఫర్మేషన్ సైన్స్ మంత్రి బుడి అరి సెటియాడి ఈ సమాచారాన్ని అందించారు. దీనికి సంబంధించి ఎక్స్/ట్విట్టర్‌కి లేఖ కూడా పంపామని, అయితే ఈ లేఖపై కంపెనీ ఇంకా స్పందించలేదని సెటియాడి తన ప్రకటనలో తెలిపారు.
సోషల్ మీడియా ప్లాట్‌ఫారమ్‌లలో ఇటువంటి కంటెంట్‌ను అనుమతించకూడదని కొందరు నమ్ముతారు. ముఖ్యంగా యువకులు, పిల్లలు సోషల్ మీడియాను ఎక్కువగా ఉపయోగిస్తున్నారు. ఎలాన్ మస్క్ ఈ విషయంపై ఇంకా ఎటువంటి అధికారిక ప్రకటన చేయలేదు. అయితే ఈ వివాదం ఎక్స్/ట్విట్టర్ భవిష్యత్తును ప్రభావితం చేస్తుందని స్పష్టమైంది.
అన్ని ప్రభుత్వ నిబంధనలు, సామాజిక విధానాలకు అనుగుణంగా కంపెనీ కట్టుబడి ఉందని, ఈ విషయాన్ని తీవ్రంగా పరిగణిస్తున్నట్లు ఎలాన్ మస్క్ ప్రతినిధి తెలిపారు. ఎక్స్/ట్విట్టర్ తన పాలసీని మార్చుకోకపోతే, అనేక దేశాల్లో నిషేధాన్ని ఎదుర్కోవలసి రావచ్చు. ఇది దాని పాలసీ, యూజర్ బేస్‌ను ప్రభావితం చేయవచ్చు. మనదేశంలో ఇప్పటికే అడల్ట్ కంటెంట్‌పై నిషేధం ఉంది. కాబట్టి ఎక్స్ ఈ పాలసీని అందుబాటులోకి తీసుకువస్తే బ్యాన్‌ను ఎదుర్కునే అవకాశం ఉంది.
ELON: TESLA OWNERS WILL BE ABLE TURN CARS INTO ROBOTAXIS
— Mario Nawfal (@MarioNawfal) June 13, 2024
"Monetizing the autonomous fleet is like Airbnb and Uber.
Tesla will own some cars, but customers can add their cars to the fleet with a tap on the Tesla app, making money whenever they want.
You can add or remove your… https://t.co/uWpKci0rgl pic.twitter.com/xZeMCDrtXZ
Also Read: మాంచి కెమెరా ఫోన్ కావాలా? ఇవిగో ఈ ఫోన్లు ట్రై చెయ్యండి.. రూ.30 వేలకే అదిరిపోయే ఆప్షన్స్
టాప్ హెడ్ లైన్స్
ట్రెండింగ్ వార్తలు
