Meta Layoff: మస్క్ బాటలో మార్క్ - 11 వేల మంది ఉద్యోగుల తొలగింపు!
ఫేస్బుక్ మాతృసంస్థ మెటా తన ఉద్యోగుల్లో 11 వేల మందిని తొలగించినట్లు మార్క్ జుకర్బర్గ్ పేర్కొన్నారు.
ఫేస్బుక్ మాతృ సంస్థ అయిన మెటా, డిజిటల్ యాడ్ రాబడి, లాభాలు తగ్గిపోయిన కారణంగా కంపెనీ మొత్తం ఉద్యోగులలో 13 శాతం మందిని తొలగించింది. అంటే దాదాపు 11,000 మందికి పైగా ఉద్యోగులు తమ ఉపాధిని కోల్పోయారు. ఈ విషయాన్ని మెటా సీఈవో మార్క్ జుకర్బర్గ్ బుధవారం తెలిపారు.
వాల్ స్ట్రీట్ జర్నల్ కథనం ప్రకారం, సీనియర్ ఎగ్జిక్యూటివ్లతో తన తాజా సమావేశంలో, జుకర్బర్గ్ కంపెనీలో ఉద్యోగాల కోత విస్తృతంగా జరిగింది. ఉద్యోగాలు కోల్పోయిన వారికి కనీసం నాలుగు నెలల జీతాన్ని అందించనున్నట్లు నివేదిక పేర్కొంది.
"మెటా చరిత్రలో మేము చేసిన అత్యంత క్లిష్టమైన మార్పులు ఇవి." అని జుకర్బర్గ్ అన్నారు, "ఈ నిర్ణయాలకు నేను జవాబుదారీగా ఉండాలనుకుంటున్నాను. ఇది ప్రతి ఒక్కరికీ కష్టమని నాకు తెలుసు. దీని కారణంగా ప్రభావితమైన వారు నన్ను క్షమించండి." అని తెలిపారు.
మెటా (ఇంతకుముందు Facebook) 18 సంవత్సరాల చరిత్రలో ఇంతమంది ఉద్యోగులను తొలగించడం ఇదే తొలిసారి. Facebook, Instagram మాతృ సంస్థ అయిన మెటాలో సెప్టెంబర్ నాటికి 87,000 మంది ఉద్యోగులు ఉన్నారు.
"కాబట్టి కొన్ని జట్లు అర్థవంతంగా పెరుగుతాయి. కానీ చాలా బృందాలు వచ్చే ఏడాది ఫ్లాట్గా ఉంటాయి లేదా తగ్గిపోతాయి. మొత్తంగా, మేము 2023ని దాదాపు ఇదే పరిమాణంలో, ఇప్పటి కంటే కొంచెం చిన్న సంస్థగా ముగించాలని భావిస్తున్నాము." అని జుకర్బర్గ్ పేర్కొన్నాడు.
పెరుగుతున్న ద్రవ్యోల్బణం, ఆర్థికపరమైన ఇబ్బందుల నేపథ్యంలో ఉద్యోగుల తొలగింపులు, హైరింగ్ ఫ్రీజ్లను ప్రకటించిన స్ట్రిప్, అమెజాన్, లిఫ్ట్, కాయిన్బేస్, యాపిల్. స్నాప్ వంటి ఇతర సాంకేతిక సంస్థలలో మెటా చేరనుంది.
Also Read: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
