Ruturaj Gaikwad Record: సచిన్ రికార్డును సమం చేసిన రుతురాజ్ - ఇది మామూలు రికార్డు కాదుగా!

ఐపీఎల్‌లో రుతురాజ్ గైక్వాడ్ కొత్త రికార్డు సాధించాడు. తక్కువ ఇన్నింగ్స్‌లో ఐపీఎల్‌లో 1000 పరుగుల రికార్డు అందుకున్న ఆటగాడిగా సచిన్ టెండూల్కర్ సరసన నిలిచాడు.

By: ABP Desam | Updated at : 01 May 2022 09:03 PM (IST)

Edited By: Eleti Saketh Reddy

Ruturaj Gaikwad Equals Sachin Tendulkar Fastest 1000 IPL Runs Record in 31 Innings Against SUnrisers Hyderabad

సన్‌రైజర్స్‌తో మ్యాచ్‌లో భారీ షాట్ ఆడుతున్న రుతురాజ్ గైక్వాడ్ (Image Credits: IPL)

ఐపీఎల్‌లో రుతురాజ్ గైక్వాడ్ సరికొత్త ఘనత సాధించాడు. ఆదివారం సన్‌‌రైజర్స్‌తో జరుగుతున్న మ్యాచ్‌లో 1000 పరుగుల మార్కును రుతురాజ్ గైక్వాడ్ చేరుకున్నాడు. కేవలం 31 ఇన్నింగ్స్‌లోనే ఈ రికార్డు అందుకున్న రుతురాజ్ గైక్వాడ్... సచిన్ టెండూల్కర్ రికార్డును సమం చేశాడు. సచిన్ టెండూల్కర్ కూడా 31 ఇన్నింగ్స్‌లోనే ఈ రికార్డు సాధించాడు.

ఈ జాబితాలో తర్వాతి స్థానాల్లో సురేష్ రైనా (34 ఇన్నింగ్స్), దేవ్‌దత్ పడిక్కల్ (35 ఇన్నింగ్స్), రిషబ్ పంత్ (35 ఇన్నింగ్స్), గౌతం గంభీర్ (36 ఇన్నింగ్స్) ఉన్నారు. ఈ సీజన్‌లో రుతురాజ్ గైక్వాడ్ ఫాంలో లేక ఇబ్బంది పడుతున్నాడు. మొదటి మూడు మ్యాచ్‌ల్లో అయితే సింగిల్ డిజిట్ స్కోరుకే పరిమితం అయ్యాడు. గుజరాత్ టైటాన్స్‌తో చేసిన 73 పరుగులే తన అత్యధిక స్కోరు.