IPL 2023 Auction Live: సెహ్వాగ్‌ మేనల్లుడు సన్‌రైజర్స్‌కు!

IPL 2023 Auction Live: ప్రపంచ వ్యాప్తంగా అత్యంత ఎక్కువ మంది వీక్షించే లీగుల్లో ఐపీఎల్‌ ఒకటి! ఆటగాళ్ల వేలంతో సరికొత్త సీజన్‌ సందడి మొదలవుతుంది. కోచి వేదికగా మినీ వేలం జరుగుతోంది.

Background

IPL 2023 Auction Live: 

ప్రపంచ వ్యాప్తంగా అత్యంత ఎక్కువ మంది వీక్షించే లీగుల్లో ఐపీఎల్‌ ఒకటి! ఆటగాళ్ల వేలంతో సరికొత్త సీజన్‌ సందడి మొదలవుతుంది. ఈ సారి డిసెంబర్‌ 23న కోచి వేదికగా మినీ వేలం జరుగుతోంది. ఏ ఫ్రాంచైజీలు ఎవరిని కొనుగోలు చేస్తాయి? ఏ క్రికెట్‌ర్‌ ఎక్కువ పలుకుతాడు? ఎవరి కోసం ఎక్కువ పోటీ ఉంటుందో తెలుసుకోవాలన్న ఆసక్తి అందరిలో నెలకొంది. ఈ నేపథ్యంలో లైవ్‌ స్ట్రీమింగ్‌, బ్రాడ్‌ కాస్టింగ్‌, టైమింగ్‌, ఇతర వివరాలు మీకోసం!

వేర్వేరు బ్రాడ్‌కాస్టర్లు

ఈ సారి ఐపీఎల్‌ ప్రసార హక్కులను రెండు కంపెనీలు దక్కించుకున్నాయి. టీవీ, బ్రాడ్‌కాస్టింగ్‌ హక్కులను స్టార్‌ స్పోర్ట్స్‌ ఇండియా తీసుకుంది. డిజిటల్‌ లైవ్‌ బ్రాడ్‌కాస్టింగ్‌ హక్కులను వయాకామ్‌18-రిలయన్స్‌ కైవసం చేసుకుంది. జియో యూజర్లు, జియో సినిమా యూజర్లు ఉచితంగానే ఐపీఎల్‌ మిని వేలాన్ని చూడొచ్చు. గతానికి భిన్నంగా 4K క్వాలిటీతో ప్రసారం ఉంటుందని సమాచారం. ఇక టీవీలో స్టార్‌స్పోర్ట్స్‌లో వస్తుంది.

ఐపీఎల్‌ 2023 వేలం లైవ్‌ స్ట్రీమింగ్‌, బ్రాడ్‌కాస్టింగ్‌ వివరాలు

జియో వినియోగదారులు ఐపీఎల్‌ 2023 లైవ్‌ స్ట్రీమింగ్‌ను ఉచితంగా చూడొచ్చు. స్టార్‌ స్పోర్ట్స్‌ నెట్‌వర్క్‌ టెలికాస్ట్‌ చేస్తోంది. ప్యాకేజీ ఉన్నవాళ్లు ఆక్షన్‌ను ఆస్వాదించొచ్చు. ఇక లైవ్‌ స్ట్రీమింగ్‌ జియో సినిమాలో ప్రసారం అవుతుంది. జియో టీవీ యాప్స్‌లోనూ వేలాన్ని చూడొచ్చు. డిసెంబర్‌ 23న వేలం  జరుగుతుంది. మధ్యాహ్నం 2:30 గంటలకు ఆరంభం అవుతుంది. వేదిక కోచి.

ఐపీఎల్‌ 2023 వేలంలో పాల్గొనే ఆటగాళ్ల వివరాలు?

మొత్తం 405 మంది ఆటగాళ్లు వేలంలో పేరు నమోదు చేసుకున్నారు. ఇందులో 273 మంది భారతీయులు. 132 మంది విదేశీయులు. అందులో నలుగురు అసోసియేట్‌ దేశాల నుంచి ఉన్నారు. జాతీయ జట్లకు ఆడిన వారు 119, ఇంకా అంతర్జాతీయ క్రికెట్లో అరంగేట్రం చేయని వారు 282, అసోసియేట్‌ దేశాల నుంచి 4 ఉన్నారు. గరిష్ఠంగా 87 స్లాట్లు అందుబాటులో ఉన్నాయి. అంఉదలో 30 విదేశీయులకు కేటాయించారు.

కనీస ధర రూ.2 కోట్ల విభాగంలో ఎవరున్నారు?

టామ్‌ బాంటన్‌, సామ్‌ కరన్‌, క్రిస్‌ జోర్డాన్‌, తైమల్‌ మిల్స్‌, జేమీ ఓవర్టన్‌, క్రెయిన్‌ ఓవర్టన్‌, ఆదిల్‌ రషీద్‌, ఫిల్‌ సాల్ట్‌, బెన్‌ స్టోక్స్‌, కామెరాన్‌ గ్రీన్‌, ట్రావిస్‌ హెడ్‌, క్రిస్‌ లిన్‌, కేన్‌ విలియమ్సన్‌, ఆడమ్‌ మిల్న్‌, జిమ్మీ నీషమ్‌, రిలే రొసొ, రసి వాన్‌డర్‌ డుసెన్‌, జేసన్‌ హోల్డర్‌, నికోలస్‌ పూరన్‌

పెరగనున్న ప్రైజ్ మనీ

భారత క్రికెట్ కంట్రోల్ బోర్డు అత్యంత ధనిక బోర్డు. లీగ్‌ విలువ సైతం ఏటా పెరుగుతోంది. ఈ నేపథ్యంలో ఐపీఎల్ 2023 ప్రైజ్ మనీ పెంచుతారని వినికిడి. ప్రస్తుతం ఐపీఎల్ మొత్తం ప్రైజ్ మనీ రూ.46.5 కోట్లు. ఈ ప్రైజ్ మనీ ప్రపంచంలోని ఇతర క్రికెట్ లీగ్‌ల కంటే ఎక్కువ. ఐపీఎల్ టైటిల్ గెలిచిన జట్టుకు రూ.20 కోట్లు ఇస్తారు. కాగా రన్నరప్‌కు రూ.13 కోట్లు. మూడో స్థానంలో నిలిచిన జట్టుకు రూ.7 కోట్లు, నాలుగో స్థానంలో నిలిచిన జట్టుకు రూ.6.5 కోట్లు లభిస్తాయి. ఈ విధంగా మొత్తం రూ.46.5 కోట్లుగా ఉంది.

19:13 PM (IST)  •  23 Dec 2022

సెహ్వాగ్‌ మేనల్లుడు సన్‌రైజర్స్‌కు!

అమిత్‌ మిశ్రాను రూ.50 లక్షల కనీస ధరకు లక్నో సూపర్‌ జెయింట్స్‌ దక్కించుకుంది. వీరేంద్ర సెహ్వాగ్‌ అల్లుడు మయాంక్‌ డాగర్‌ను సన్‌రైజర్స్‌ రూ.1.8 కోట్లకు కొనుగోలు చేసింది. సౌరాష్ట్ర ఆల్‌రౌండర్‌ ప్రేరక్‌ మన్కడ్‌ను ఎల్‌ఎస్‌జీ రూ.20 లక్షలకు తీసుకుంది.

18:07 PM (IST)  •  23 Dec 2022

కైల్ జేమీసన్‌ను చెన్నై కొనుగోలు చేసింది.

కైల్ జేమీసన్ బేస్ ప్రైజ్ రూ.కోటి. అతన్ని చెన్నై సూపర్ కింగ్స్ బేస్ ధరకు కొనుగోలు చేసింది.

18:06 PM (IST)  •  23 Dec 2022

ఆకట్టుకోని సందీప్ శర్మ

సందీప్ శర్మ బేస్ ప్రైజ్ రూ.50 లక్షలు. అయినా అమ్ముడుపోకుండా ఉండిపోయాడు

18:03 PM (IST)  •  23 Dec 2022

రిలే మెరెడిత్ అన్ సేల్డ్

రిలే మెరెడిత్ బేస్ ప్రైస్ రూ.1.50 కోట్లు. అయినా అమ్ముడుపోకుండా ఉండిపోయాయి.

18:03 PM (IST)  •  23 Dec 2022

దాసున్ షనకాను పట్టించుకోని ఫ్రాంఛైజీలు 

శ్రీలంక ఆటగాడు దాసున్ షనకా బేస్ ప్రైజ్ రూ.50 లక్షలు.  అమ్ముడుపోకుండా ఉండిపోయాయి.