IPL 2026 Qualifier-2 GT vs RR Preview: క్వాలిఫైయర్ 2 లో GT వర్సెస్ RR : ఫైనల్ టికెట్ కోసం హోరాహోరీ పోరు.. పిచ్ రిపోర్ట్, టాస్ కీలకం
ఐపీఎల్ 2026 క్వాలిఫైయర్ 2 లో గుజరాత్ టైటాన్స్, రాజస్థాన్ రాయల్స్ జట్లు ఫైనల్ బెర్త్ కోసం న్యూ చండీగఢ్ వేదికగా తలపడనున్నాయి. లీగ్ దశలో ముఖాముఖిపోరులో చెరోసారి విజయం సాధించాయి.
IPL 2026 Qualifier Two GT vs RR Big Picture Match Preview: ఐపీఎల్ 2026 సీజన్ ముగింపునకు చేరింది. శుక్రవారం రాత్రి న్యూ చండీగఢ్ వేదికగా జరగబోయే క్వాలిఫైయర్ 2 మ్యాచ్ లో గుజరాత్ టైటాన్స్ (GT), రాజస్థాన్ రాయల్స్ (RR) జట్లు ఫైనల్ టికెట్ కోసం అమీతుమీ తేల్చుకోనున్నాయి. క్వాలిఫైయర్ 1 లో ఆర్సీబీ చేతిలో ఓడిపోయిన గుజరాత్, ఎలిమినేటర్ లో సన్రైజర్స్ ను ఓడించిన రాజస్థాన్ జట్ల మధ్య ఎన్నో పోలికలు ఉన్నాయి. రెండు టీమ్స్ లోనూ టాప్ త్రీ బ్యాటర్లపైనే డిపెండెన్సీ ఎక్కువగా ఉండటం, వీక్ మిడిల్ ఆర్డర్, పవర్ఫుల్ న్యూ బాల్ బౌలర్స్ ఉండటం గమనార్హం. అయితే గేమ్ పట్ల రెండు జట్ల అప్రోచ్ మాత్రం పూర్తిగా డిఫరెంట్ గా ఉంటుంది.
గిల్ క్లాస్ వర్సెస్ సూర్యవంశీ మాస్ ..
ఇంపాక్ట్ ప్లేయర్ రూల్ ఉన్నా గుజరాత్ ఓపెనర్లు శుభ్మన్ గిల్, సాయి సుదర్శన్ తక్కువ రిస్క్ తో పవర్ప్లే లో రన్స్ చేయడానికే ఇష్టపడతారు. ఈ సీజన్ లో వారి పవర్ప్లే రన్ రేట్ 9.66 మాత్రమే. తక్కువ స్కోర్లను డిఫెండ్ చేసుకోవడం గుజరాత్ స్టైల్. మరోవైపు రాజస్థాన్ ఓపెనర్, 15 ఏళ్ల వండర్ కిడ్ వైభవ్ సూర్యవంశీ ప్రతి బంతిని బౌండరీ దాటించడానికే ట్రై చేస్తాడు. గిల్, సుదర్శన్ ఇద్దరూ కలిసి ఈ సీజన్ లో 59 సిక్సర్లు కొడితే, సూర్యవంశీ ఒక్కడే ఏకంగా 65 సిక్సర్లు బాదాడు. అందుకే పవర్ప్లే లో రాజస్థాన్ రన్ రేట్ 11.66 తో టోర్నమెంట్ లోనే బెస్ట్ గా నిలిచింది.
టాస్ గెలిస్తే బ్యాటింగ్ ఫస్ట్..
ఎలిమినేటర్ మ్యాచ్ జరిగిన పాత పిచ్ పైనే ఈ మ్యాచ్ కూడా జరగనుంది. ఎండ వేడికి పిచ్ మరింత డ్రై గా మారే ఛాన్స్ ఉండటం, మంచు కురిసే అవకాశం తక్కువగా ఉండటంతో ఇక్కడ ఛేజింగ్ చేయడం అంత ఈజీ కాదు. ఈ సీజన్ లో ఛేజింగ్ చేసిన టీమ్స్ ఎక్కువ మ్యాచ్ లు గెలిచినా, ప్లేఆఫ్స్ లో మాత్రం మొదట బ్యాటింగ్ చేసిన జట్లే విజయం సాధించాయి. రాజస్థాన్ టాస్ గెలిస్తే మొదట బ్యాటింగ్ చేసి భారీ స్కోర్ బోర్డుపై పెట్టి గుజరాత్ ను ప్రెజర్ లోకి నెట్టాలని ప్లాన్ చేస్తోంది. గుజరాత్ టీమ్ స్పిన్నర్ మానవ్ సుతార్ లేదా సాయి కిషోర్ ను టీమ్ లోకి తెచ్చే ఆలోచనలో పడింది.
రబాడ వర్సెస్ ఆర్చర్..
ఈ మ్యాచ్ లో ఇరు జట్ల మెయిన్ బౌలర్లు కాగిసో రబాడ, జోఫ్రా ఆర్చర్ ప్రదర్శనపైనే గెలుపోటములు ఆధారపడి ఉన్నాయి. రబాడ 15 మ్యాచ్ ల్లో 26 వికెట్లు తీయగా, ఆర్చర్ 24 వికెట్లతో గట్టి పోటీ ఇస్తున్నాడు. స్టాట్స్ చూస్తే సూర్యవంశీ రబాడ, సిరాజ్ లపై మంచి అటాకింగ్ రికార్డ్ కలిగి ఉన్నాడు. మరోవైపు ఆర్చర్ శుభ్మన్ గిల్ ను మూడుసార్లు అవుట్ చేసి ఇబ్బంది పెట్టాడు. రషీద్ ఖాన్ సైతం రియాన్ పరాగ్, రవీంద్ర జడేజాలను గతంలో బాగా కట్టడి చేశాడు. న్యూ చండీగఢ్ లో ఆడిన నాలుగు మ్యాచ్ ల్లోనూ రాజస్థాన్ గెలవడం వారికి ప్లస్ పాయింట్ కానుంది.
Before You Go
Hardik Pandya Ruled Out of ODI | ఆఫ్ఘాన్ వన్డే సిరీస్కు హార్దిక్ దూరం ?
టాప్ హెడ్ లైన్స్
ట్రెండింగ్ వార్తలు
