IPL 2026 Playoff Race: రేసు రసవత్తరం...Playoff మహత్తరం
IPL ప్లేఆఫ్ సస్పెన్స్ క్లైమాక్స్కు చేరింది. నాలుగో ప్లేసుకోసం మూడు ముక్కలాట మొదలైంది. PBKS, RR, KKR ఈ మూడింట్లో నాలుగో బెర్తు దక్కించుకునే జట్టు ఏది.. ఆదివారం మ్యాచ్లు డిసైడ్ చేస్తాయి.
IPL Playoff Race: IPL 2026 ప్లే ఆఫ్ రేసు రసవత్తరంగా మారిపోయింది. మొదటి రెండు.. చివరి రెండు స్థానాల మీద పెద్దగా కన్ఫ్యూజన్ లేకపోయినా.. ప్లే ఆఫ్ లో 3-4 స్పాట్లకోసం.. మొత్తం ఆరు జట్లు పోటీ పడ్డాయి. మూడో ప్లేస్ను SRH దక్కించుకుంది. లీగ్ లో చివరి లీగ్ మ్యాచ్వరకూ Playoff చివరి ప్లేస్ ఏంటన్నది కన్ఫామ్ కాలేదు. ఆదివారం IPL లో చివరి లీగ్ మ్యాచ్లు జరుగుతున్న వేళ ఫైనల్కు వెళ్లే నాలుగో టీమ్ ఏంటన్న టెన్షన్ మొదలైంది. ఆదివారం జరిగే రెండు లీగ్ మ్యాచ్లు ప్లేఆఫ్ లిస్టులో చివరి బెర్త్ను కన్ఫామ్ చేస్తాయి. ఇప్పటికే RCB, GT, SRH వరుసగా తమ ప్లేసులను కన్ఫామ్ చేసుకున్నాయి. PBKS శనివారం రాత్రి జరిగిన మ్యాచ్లో గెలిచి నాలుగో ప్లేసుకు వచ్చినా అది నిలుస్తుందో లేదో ఇవాళ సాయంత్రమే డిసైడ్ అవుతుంది.
ముంబై ఆరాటం.. రాజస్థాన్ పోరాటం (MI VS RR)
ఈ సీజన్లో ఈ ఆదివారం జరిగే చివరి లీగ్ మ్యాచ్లలో మొదటిది ముంబై ఇండియన్స్ MI vs రాజస్థాన్ రాయల్స్ RR. ఐదుసార్లు ఛాంపియన్గా నిలిచిన ముంబై ఇండియన్స్కు ఈ సీజన్ ఒక పీడకలలా సాగింది. స్టార్ ప్లేయర్ల గాయాలు, బ్యాటర్లు, బౌలర్ల పేలవ ఫామ్ ముంబైని కోలుకోలేని దెబ్బ తీశాయి. టోర్నీ ఆరంభంలో 'వరల్డ్ XI'లా కనిపించిన ముంబై, ఇప్పుడు పట్టికలో చివరి స్థానంలో నిలిచే ప్రమాదంలో పడింది. ఇప్పుడు పరువు నిలుపుకోవడానికైనా వాళ్లు గట్టిగానే నిలబడాల్సిన అవసరం ఉంది. "మేము కేవలం పరువు కోసమే ఆడట్లేదు. ఈ సీజన్ అభిమానులను, మమ్మల్ని ఎంతో నిరాశపరిచింది. మాకున్న జట్టుకు ఈ ప్రదర్శనపై సమీక్షించుకోవాలి. అయితే ఈ మ్యాచ్లో గెలవడం ఫ్రాంచైజీకే కాదు, ఆటగాళ్ల వ్యక్తిగత గౌరవానికి కూడా ముఖ్యం" అని ముంబై కోచ్ జయవర్ధనే అన్నారు.
ముంబైకి ఇందులో ఓడిపోతే ఘోరంగా చివరి ప్లేస్తో నిష్క్రమించాలనే బ్యాడ్ నేమ్ తప్ప.. కొత్తగా పోయేదేం లేదు.
కానీ రాజస్థాన్కు ఇది Do or Die మ్యాచ్. ప్లే ఆఫ్ రేసులో నిలవాలంటే రాజస్థాన్ గెలవాలి. రాజస్థాన్ తన ఆశలన్నింటినీ తమ చిచ్చరపిడుగు సూర్యవంశీపైనే పెట్టుకుంది. ఎందుకంటే ఇప్పటి వరకూ రాజస్థాన్ను గెలిపించిన అన్ని మ్యాచ్లో మేజర్ రోల్ Vaibhav Suryavansshi దే.. ఈసారి కూడా వాళ్లు వైభవ్నే నమ్ముకున్నారు. ముంబై ఇండియన్స్ (MI)తో జరిగే మ్యాచ్లో రాజస్థాన్ గెలిస్తే నేరుగా 16 పాయింట్లతో 4వ స్థానాన్ని కైవసం చేసుకుని ప్లేఆఫ్స్కు దూసుకెళ్తుంది.ఒకవేళ ఓడిపోతే: 14 పాయింట్ల వద్దే ఆగిపోయి టోర్నీ నుండి నిష్క్రమిస్తుంది.
KKR వెళ్లాలంటే అద్భుతం జరగాలి - KKR VS DC Match Preview
ఈ IPLలో చివరి లీగ్ మ్యాచ్ KKR VS DC ది. DC ఇప్పటికే ప్లే ఆఫ్నుంచి అవుట్ అయిపోయింది కాబట్టి గెలిచినా ఓడినా వాళ్లకేం జరిగేది లేదు. అయితే KKR ఇంకా అడుగంటిన ఆశలతో ఎదురు చూస్తోంది. KKR ప్లే ఆఫ్కు వెళ్లాలంటే చాలా లెక్కలను దాటాల్సి ఉంది. ఇప్పటికే PBKS ఆల్రెడీ నాలుగో ప్లేసులో కూర్చుని ఉంది. ఈ సమీకరణం మారాలంటే.. ముంబై తో మ్యాచ్లో RR గెలవాలి. రాజస్థాన్ గెలిస్తే.. నేరుగా పాయింట్ల ద్వారా నేరుగా ప్లే ఆఫ్కు వెళ్లిపోతుంది. ఇక KKR మ్యాచ్ Irrelevant. ఒకవేళ రాజస్థాన్ ఓడిపోతే.. అప్పుడు PBKS, KKRలో ఎవరు వెళ్లాలనేది డిసైడ్ అవ్వాలి. అప్పుడు కూడా రన్ రేట్ ప్రకారం PBKS కే ఎక్కువ చాన్సులు ఉన్నాయి. ఒకవేళ KKR గెలవాలంటే భారీ తేడాతో DC ని ఓడించాలి. అంటే ముందు బ్యాటింగ్ చేస్తే... షుమారు 200 పరుగులు చేస్తే.. ఢిల్లీని 70 పరుగుల తేడాతో ఓడించాలి.. లేదా చేజింగ్ చేస్తే ఆ టార్గెట్ను 12 ఓవర్లలో ఫినిష్ చేయాలి. ఇది కొంచం కష్టమైన ఈక్వేషనే. కానీ అసాధ్యమైతే కాదు.
మొత్తం మీద
రాజస్థాన్ రాయల్స్ (RR) - సొంత చేతుల్లోనే భాగ్యం
పంజాబ్ కింగ్స్ (PBKS) - ఇతరుల దయ
కోల్కతా నైట్ రైడర్స్ (KKR) - అద్భుతం జరగాలి
Before You Go
AB de Villiers comments On Gujarat Titans | గుజరాత్ టీమ్పై ఏబీ డివిలియర్స్ ఫైర్
టాప్ హెడ్ లైన్స్
ట్రెండింగ్ వార్తలు
