IPL 2021, DC vs CSK: ఢిల్లీతో చెన్నై ఢీ.. గెలిచినవాళ్లకే టాపర్లయ్యే అవకాశం!

ఐపీఎల్‌లో నేడు ఢిల్లీ క్యాపిటల్స్‌తో చెన్నై సూపర్ కింగ్స్ తలపడనుంది. ఈ సీజన్‌లో ఇది 50వ మ్యాచ్. దుబాయ్ ఇంటర్నేషనల్ క్రికెట్ స్టేడియంలో ఈ మ్యాచ్ జరగనుంది. ఈ రెండు జట్లూ ఇప్పటికే ప్లేఆఫ్స్‌కు క్వాలిఫై అయ్యాయి. ప్రస్తుతం టాప్-2లో ఈ రెండు జట్లే ఉన్నాయి. ఈ మ్యాచ్‌లో గెలిచిన జట్టు ఈ సీజన్‌లో నంబర్ వన్ జట్టు అయ్యే చాన్స్ ఉంది.

రాజస్తాన్‌తో మ్యాచ్‌లో చెన్నై బౌలర్లు ఘోరంగా విఫలం అయ్యారు. దీపక్ చాహర్, డ్వేన్ బ్రేవో లేని లోటు అత్యంత స్పష్టంగా కనిపించింది. కాబట్టి నేటి మ్యాచ్‌లో ఈ ఇద్దరూ తిరిగి బరిలోకి దిగే అవకాశం ఉంది. ఇక చెన్నై బ్యాటింగ్ దుర్భేద్యంగా ఉంది. రుతురాజ్ ఆరెంజ్ క్యాప్‌ను సాధించగా, డుఫ్లెసిస్ కూడా అవసరమైన పరుగులు చేస్తున్నారు. ప్రారంభ ఓవర్లలో వీరు చేయాల్సిన డ్యామేజ్ చేసేస్తున్నారు. మిడిలార్డర్‌లో మొయిన్ అలీ, రాయుడు, జడేజాలు కూడా బాగా ఆడుతున్నారు.

Also Read: కోల్‌కతా మ్యాచుకు ముందు పంజాబ్‌కు షాక్‌! బుడగ వీడిన క్రిస్‌గేల్‌.. ఎందుకంటే?

ఇక ఢిల్లీ క్యాపిటల్స్ జట్టులో కూడా పెద్దగా మార్పులు ఉండకపోవచ్చు. పృథ్వీ షా ఈ మ్యాచ్‌లో జట్టులోకి వచ్చే అవకాశం ఉంది. స్టీవ్ స్మిత్‌కు తుదిజట్టులో చోటు లభించడం ఖాయంగా కనిపిస్తుంది. షా, ధావన్, స్టీవ్ స్మిత్, శ్రేయస్ అయ్యర్, రిషబ్ పంత్ అందరూ ఫాంలో ఉన్నారు. బౌలింగ్‌లో అవేష్ ఖాన్, నోర్జే, రబడ, అక్షర్ పటేల్, అశ్విన్ తమ బాధ్యతను చక్కగా నెరవేరుస్తున్నారు.

ఈ రెండు జట్ల మధ్య ఇప్పటివరకు 24 మ్యాచ్‌లు జరగ్గా.. 15 మ్యాచ్‌ల్లో చెన్నై విజయం సాధించింది. తొమ్మిది మ్యాచ్‌ల్లో ఢిల్లీ విజయం సాధించింది. ఈ సీజన్‌లో ఈ రెండు జట్ల మధ్య జరిగిన మ్యాచ్‌లో ఢిల్లీ అలవోకగా విజయం సాధించింది. ఇక ఈ మ్యాచ్‌లో ఢిల్లీ గెలిచి టాప్ ప్లేస్‌ను అందుకుంటుందా.. చెన్నై గెలిచి లెక్క సరిచేస్తుందా తెలియాలంటే.. సాయంత్రం దాకా ఆగాల్సిందే!

ఢిల్లీ క్యాపిటల్స్ తుదిజట్టు (అంచనా)
పృథ్వీ షా, శిఖర్ ధావన్, స్టీవెన్ స్మిత్, శ్రేయస్ అయ్యర్, రిషబ్ పంత్(కెప్టెన్, వికెట్ కీపర్), షిమ్రన్ హెట్‌మేయర్, అక్షర్ పటేల్, రవిచంద్రన్ అశ్విన్, కగిసో రబడ, అవేష్ ఖాన్, ఆన్రిచ్ నోర్జే

చెన్నై సూపర్ కింగ్స్ తుదిజట్టు(అంచనా)
రుతురాజ్ గైక్వాడ్, డుఫ్లెసిస్, మొయిన్ అలీ, అంబటి రాయుడు, సురేష్ రైనా, ఎంఎస్ ధోని(కెప్టెన్, వికెట్ కీపర్), రవీంద్ర జడేజా, బ్రేవో/కరన్, దీపక్ చాహర్/ఆసిఫ్, శార్దూల్ ఠాకూర్, జోష్ హజిల్ వుడ్

Also Read: యాష్‌ తప్పేం చేయలేదు! సోషల్‌ మీడియాలో ఫాలోవర్లు పెంచుకొనేందుకే అతడిపై విమర్శలు.. గౌతీ సీరియస్‌!

Also Read: విరాట్‌ సరసన స్మృతి మంధాన.. పింక్‌ టెస్టులో సెంచరీ. ఔటివ్వకున్నా పెవిలియన్‌ వెళ్లిన పూనమ్‌!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి