IND vs PAK: పాక్‌ విజయానికి భారత్‌లో బాణసంచా వేడుకలు! దీపావళికే వంచన ఎందుకని వీరూ ప్రశ్న..! భారత ముస్లింలు తమవైపే ఉన్నారన్న పాక్‌ మంత్రి

పాక్‌ గెలిస్తే మన దేశంలోని కొన్ని ప్రాంతాల్లో వేడుకలు చేసుకున్నారు. ఇప్పుడిది చర్చనీయాంశంగా మారింది. సోషల్‌ మీడియాలో ఈ టాపిక్‌ ట్రెండింగా మారింది.

భారత్‌ వర్సెస్‌ పాక్

ఐసీసీ టీ20 ప్రపంచకప్‌లో పాక్‌ చేతిలో భారత ఓటమి సోషల్ మీడియాలో ప్రకంపనలు సృష్టిస్తోంది. కోహ్లీసేన ఓటమి పాలైనా దేశంలోని కొన్ని ప్రాంతాల్లో బాణసంచా కాల్చడం చర్చనీయంశంగా మారింది. దీపావళికి టపాకాయలను నిషేధించిన ప్రభుత్వం ఆదివారం అనుమతి ఇవ్వడం వంచనే అని వీరేంద్ర సెహ్వాగ్‌ అన్నాడు. మరోవైపు పాక్ గెలుపు 'ఇస్లాం విజయం'అని పాక్‌ ఇంటీరియర్‌ మినిస్టర్‌ అంటున్నాడు. భారత ముస్లింలూ తమవైపే ఉన్నారని అవాకులు చవాకులు పేలాడు.

Firecrackers are banned during Diwali but yesterday in parts of India there were firecrackers to celebrate Pakistan ‘s victory. Achha they must have been celebrating victory of cricket. Toh , what’s the harm in fireworks on Diwali. Hypocrisy kyun ,Saara gyaan tab hi yaad aata hai

— Virender Sehwag (@virendersehwag) October 25, 2021

మెగా టోర్నీల్లో భారత్, పాక్‌ తలపడిన ప్రతిసారీ మ్యాచుకు ముందు, తర్వాత సంచలన వ్యాఖ్యలు చేస్తూనే ఉంటారు. అయితే ఆదివారం టీమ్‌ఇండియా ఓడిపోయాక శ్రీనగర్‌, మరికొన్ని ప్రాంతాల్లో కొందరు టపాసులు పేల్చి సంబరాలు చేసుకున్నారు. దీనిపై ట్విటర్లో విమర్శలు వస్తున్నాయి.

'దీపావళి సమయంలో బాణసంచా నిషేధిస్తారు. కానీ ఆదివారం మాత్రం దేశంలోని చాలా ప్రాంతాల్లో టపాసులు పేల్చి పాకిస్థాన్ విజయం పట్ల సంబరాలు చేసుకున్నారు. బహుశా వాళ్లు క్రికెట్‌ సాధించిన విజయాన్ని వేడుక చేసుకున్నారేమో! అలాంటప్పుడు దీపావళికి మాత్రం బాణసంచా పేలిస్తే వచ్చే నష్టమేంటి? వంచన ఎందుకు? మొత్తం జ్ఞానమంతా ఇప్పుడే కలుగుతుందా ఏంటి?' అని సెహ్వాగ్‌ ప్రశ్నించాడు. అంతకు ముందు విజయం సాధించినందుకు పాక్‌ను అతడు అభినందించాడు.

پاکستان انڈیا میچ ٹکرا:
پاکستانی کرکٹ ٹیم اور عوام کو مبارکباد پیش کرتا ہوں.https://t.co/Tc0IG0n2DJ@GovtofPakistan @ImranKhanPTI #PakvsIndia pic.twitter.com/e9RkffrK2O

— Sheikh Rashid Ahmed (@ShkhRasheed) October 24, 2021

పాక్‌ విజయం సాధించడంలో బాణసంచా కాల్చిన వీడియోలు, ఫొటోలు ప్రస్తుతం ఇంటర్నెట్లో వైరల్‌గా మారాయి. ఎందుకిలా చేస్తున్నారని వీటిపై చర్చలు సాగుతున్నాయి. మరోవైపు పాక్‌ ఇంటీరియర్‌ మినిస్టర్‌ అవాకులు చవాకులు పేలాడు. పాక్‌ గెలుపు ఇస్లాం విజయమని, భారత ముస్లింలు తమవైపే ఉన్నాడని అన్నాడు. ఆ వీడియో ఇప్పుడు నెట్లో చక్కర్లు కొడుతోంది.

'విజయం సాధించిన పాక్‌కు అభినందనలు. పట్టుదలతో ప్రత్యర్థిని ఓడించారు. పాక్‌ సత్తా ఏంటో ముస్లిం ప్రపంచం ముందు ప్రదర్శించారు. మనకు ఇదే టీ20 ప్రపంచకప్‌ ఫైనల్‌. అందుకే దేశవ్యాప్తంగా సంబరాలు చేసుకొనేందుకు నగరాల్లో బారికేడ్లను తొలగించాలని ఆదేశించాను. భారత్‌ సహా ప్రపంచంలోని ముస్లింలందరి మద్దతు పాక్‌కు ఉంది. ఇది ముస్లిం ప్రపంచం విజయం' అని పాక్‌ మంత్రి షేక్‌ రషీద్‌ అహ్మద్‌ అన్నాడు. ఓ వీడియో ట్వీటూ వదిలాడు.

Some Indian Muslims are celebrating the victory of Pakistan. I am ashamed as a indian. pic.twitter.com/Qvkz28dMl2

— Sajiya Khan (@_sajiya_khan) October 25, 2021